Flying Kiss: బైక్ పై వెళ్తూ యువతికి ఫ్లయింగ్ కిస్.. యువకుడిని పొట్టు పొట్టుగా..

మహిళలు, యువతుల పట్ల పోకిరీల వేధింపులు ఎక్కువైపోతున్నాయి. అందరు చూస్తుండగానే వేధిస్తున్నారు కొందరు వ్యక్తులు. అసభ్యంగా ప్రవర్తించడం, వెకిలి చేష్టలతో రెచ్చిపోతున్నారు. ఇదే రీతిలో బైక్ పై వెళ్తున్న యువకులు ఓ యువతికి ఫ్లయింగ్ కిస్ ఇచ్చారు. ఇది గమనించిన యువతి, కుటుంబసభ్యులు ఆ యువకులను అడ్డగించి పొట్టుపొట్టు కొట్టారు. ధార్ జిల్లాలోని అమ్ఝేరాలో ఫ్లయింగ్ కిస్ విషయంలో వివాదం చెలరేగింది. అమ్మాయి కుటుంబం బైక్ ఆపి యువకుడిని కొట్టింది. దీనితో ఇరువర్గాల మధ్య తీవ్ర వాగ్వాదం, ఘర్షణ జరిగింది. ఈ మొత్తం సంఘటన సమీపంలోని CCTV కెమెరాలో రికార్డైంది. నెట్టింటా వైరల్ గా మారింది. ఈ సంఘటన అమ్జెరా పోలీస్ స్టేషన్ ప్రాంతంలో జరిగింది. బైక్ పై వెళ్తున్న ఒక యువకుడు ఒక యువతికి ఫ్లయింగ్ కిస్ ఇచ్చాడు.

Also Read:Tablets: ఫ్లిప్‌కార్ట్ బిగ్ బ్యాంగ్ దీపావళి సేల్.. బ్రాండెడ్ ట్యాబ్లెట్‌లపై భారీ డిస్కౌంట్.. త్వరపడండి

వెంటనే, ఆ మహిళ, ఆమె సహచరులు బైక్ ఆపి నిందితుడిని, అతని స్నేహితులను కొట్టడం ప్రారంభించారు. తరువాత, నిందితుడైన యువకుడు తన మనుషులను పిలిచి బాధితుల కుటుంబంపై దారుణంగా దాడి చేశాడు. ఒకరిపై ఒకరు పిడిగుద్దులు కురిపించుకున్నారు. ఈ సంఘటన గురించి సమాచారం అందుకున్న అమ్జెరా పోలీసులు వెంటనే సంఘటనా స్థలానికి చేరుకుని చర్యలు తీసుకున్నారు. రెండు వర్గాల ఫిర్యాదుల ఆధారంగా, అమ్జెరా పోలీసులు 15 మందిపై కేసు నమోదు చేశారు. ఈ ఘర్షణకు సంబంధించిన వైరల్ వీడియోను సాక్ష్యంగా తీసుకున్న పోలీసులు తదుపరి దర్యాప్తు ప్రారంభించినట్లు తెలిపారు.