Remal Cyclone : తుఫాను పశ్చిమ బెంగాల్ తీరాన్ని తాకినప్పటి నుండి, భారతదేశంలోని తూర్పు, ఈశాన్య రాష్ట్రాలలో చాలా చోట్ల వర్షం కొనసాగుతోంది. అసోంలో ఎడతెరిపి లేకుండా కురుస్తున్న వర్షాల కారణంగా ఇప్పుడు రాష్ట్రంలో వరదల పరిస్థితి ఏర్పడింది. ఇప్పటి వరకు 42 వేల మందికి పైగా వరదల బారిన పడ్డారు. ఇక్కడ అనేక నదులు ఉధృతంగా ప్రవహిస్తున్నాయి. నీటి మట్టం పెరగడంతో అనేక గ్రామాలలో రోడ్లు జలమయమయ్యాయి.
రెమాల్ తుఫాను తీరాన్ని తాకిన తర్వాత బలహీనపడింది. సాపేక్షంగా దాని ప్రభావం చాలా రాష్ట్రాల్లో కనిపించలేదు. కానీ, ఈశాన్య రాష్ట్రాల్లోని అస్సాం పరిస్థితి దీని వల్ల మరింత దారుణంగా మారింది. అసోంలోని ఎనిమిది జిల్లాల్లో కురుస్తున్న భారీ వర్షాల కారణంగా పలు చోట్ల జలదిగ్బంధం నెలకొంది. దీంతో సామాన్య జనజీవనం అస్తవ్యస్తంగా మారింది. అస్సాంలోని నాగావ్, కరీంగంజ్, హైలకండి, వెస్ట్ కర్బీ అంగ్లాంగ్, కాచర్, హోజాయ్, గోలాఘాట్, కర్బీ అంగ్లాంగ్లోని అనేక గ్రామాలకు చెందిన 42 వేల మందికి పైగా ప్రజలు ఇబ్బందులు పడుతున్నారని అధికారులు తెలిపారు.
Read Also:ACB Raids: హైదరాబాద్ లో ఏసీబీ సోదాలు.. అదుపులో ఆ.. నలుగురు..!
ప్రమాదకర స్థాయికి నదులు
భారీ వర్షాల కారణంగా బ్రహ్మపుత్ర, బరాక్ నదులు ప్రమాదకర స్థాయికి మించి ప్రవహిస్తున్నాయని చెబుతున్నారు. ఈ నదుల ఉపనదుల్లో నీటిమట్టం కూడా ప్రమాదకర స్థాయికి మించి ఉంది. అస్సాంలోని మూడు జిల్లాలైన బరాక్ వ్యాలీ, దిమా హసాన్లలో ప్రజలు ప్రధాన రహదారితో దాదాపుగా సంబంధాలు కోల్పోయారు. నీటి ఎద్దడి కారణంగా ఇక్కడి ప్రజలు రోజువారీ పనులు చేసుకోలేకపోతున్నారు.
అడపాదడపా వర్షం
అధికారులు తెలిపిన వివరాల ప్రకారం ఈరోజు కూడా రాష్ట్రంలోని పలు ప్రాంతాల్లో వర్షం, తుఫాను కొనసాగుతోంది. అయితే అడపాదడపా తుఫానులు, వర్షాలు కురుస్తున్నాయి. వరదలు, వర్షాల కారణంగా మొత్తం జన జీవితం ప్రభావితమైంది, మొత్తం రాష్ట్రంలో వరదల కారణంగా ఐదుగురు మరణించారు. 18 మందికి పైగా గాయపడినట్లు తెలుస్తోంది.
Read Also:Donald Trump: పోర్న్ స్టార్కు రహస్యంగా డబ్బు చెల్లించిన కేసులో దోషిగా తేలిన ట్రంప్
