Rat : అసోంలోని వినియోగదారుల ఫోరం ఇటీవల ఓ వ్యక్తికి నష్టపరిహారం చెల్లించాలని సినిమా హాల్ యాజమాన్యాన్ని ఆదేశించింది. స్క్రీనింగ్ సమయంలో వ్యక్తిని ఎలుక కాటువేయడంతో సినిమా హాల్ యజమానికి కోర్టు ఈ దిశానిర్దేశం చేసింది. పరిశుభ్రతను కాపాడుకోవడం సినిమా హాల్ యాజమాన్యం యొక్క విధి అని ప్రెసిడెంట్ AFA బోరా, సభ్యులు అర్చన దేకా లఖర్, టుటుమోని దేవా గోస్వామి నేతృత్వంలోని కామ్రూప్ జిల్లా వినియోగదారుల వివాదాల పరిష్కార కమిషన్ బెంచ్ తెలిపింది.
చదవండి :Ladies Romance: బైక్ పై ముద్దులతో రెచ్చిపోయిన అమ్మాయిలు.. అబ్బాయిలకు మించి రొమాన్స్
సమాచారం ప్రకారం.. సినిమా హాలు శుభ్రంగా లేదని, పాప్కార్న్ , ఇతర తినుబండారాలు నేలపై పడి ఉన్నాయని, దాని వల్ల ఎలుకలు తిరుగుతున్నాయని వాంగ్మూలంలో ఫిర్యాదుదారుడు పేర్కొన్నాడు. అలాగే.. ప్రతి షో తర్వాత సినిమా హాలును క్రమం తప్పకుండా తుడిచివేయడం లేదని, సినిమా హాల్ భద్రత, పారిశుద్ధ్య పరిస్థితిని నిర్ధారించడానికి ఎటువంటి ఏర్పాట్లు చేయలేదని బాధితురాలు తన వాంగ్మూలంలో పేర్కొంది.
ఈ ఘటన ఐదేళ్ల క్రితం జరిగింది
ఈ సంఘటన 20 అక్టోబర్ 2018న గౌహతిలోని భంగార్లోని గల్లెరియా థియేటర్లో జరిగింది. వినియోగదారుల ఫోరం ముందు వచ్చిన ఫిర్యాదు ఐదు నెలల తర్వాత ఆమోదించబడింది. సినిమా ప్రదర్శన సమయంలో తన కాలుకు రక్తం కారడాన్ని గమనించానని ఫిర్యాదుదారు ఆరోపించారు. ఏం కరిచిందో తెలియకపోవడంతో రెండు గంటల పాటు అబ్జర్వేషన్లో ఉంచారు. అనంతరం పాము కాటు కాదనీ, ఎలుక కరిచిందని వైద్యులు ధృవీకరించారు ఆమెకు యాంటీ రేబిస్ , ఇతర మందులు ఇచ్చారు. సినిమా హాల్ అధికారులు ప్రథమ చికిత్స లేదా మరేదైనా సహాయం అందించడానికి నిరాకరించడంతో ఆమె వెంటనే హాల్ నుండి నిష్క్రమించి సమీపంలోని ఒక ప్రైవేట్ ఆసుపత్రికి వెళ్లింది. ” అని అనితా వర్మ ఫిర్యాదుదారు యొక్క న్యాయవాది పేర్కోంది. ఈ ఘటన తరువాత తాను అనేక సమస్యలను ఎదుర్కోవాల్సి వచ్చిందని తెలిపింది.
చదవండి :DGP Anjani Kumar : మావోయిస్టు కదలికలపై నిరంతరం అప్రమత్తత అవసరం
6 లక్షల పరిహారం ఇవ్వాలని డిమాండ్
రూ.6 లక్షల నష్టపరిహారం చెల్లించాలని సినిమా హాల్ యజమానిని ఆ మహిళ డిమాండ్ చేసింది. థియేటర్ యజమాని ఫిర్యాదు చెల్లదని, ఆ సమయంలో మహిళకు కూడా చికిత్స చేశారని థియేటర్ యజమాని వాదించారు. దీనికి ఎదురుతిరిగిన మహిళ, సినిమా హాల్ యజమానిని సంప్రదించగా, అతను తన తదుపరి చిత్రానికి ఉచిత టిక్కెట్ ఇచ్చాడని చెప్పింది. ఈ కేసులో సినిమా హాలు నిర్లక్ష్యంగా వ్యవహరించిందని కోర్టు పేర్కొంది. అలాగే 45 రోజుల్లోగా రూ.67,000 పరిహారం చెల్లించాలని ఆదేశించింది. 45 రోజుల తర్వాత చెల్లిస్తే, చెల్లించే వరకు ఏడాదికి 12 శాతం చొప్పున వడ్డీ చెల్లించాలని కోర్టు పేర్కొంది.
