AP and Telangana Rains LIVE UPDATES: వాయుగుండం తీరం దాటింది. ఆదివారం అర్ధరాత్రి 12.30-2.30 గంటల మధ్య కళింగపట్నం సమీపంలో తీరం దాటింది. ప్రస్తుతం వాయుగుండం వాయవ్యంగా పయనిస్తోంది. ఉత్తరాంధ్ర మీద ఆవరించి బలహీనపడనున్నట్లు వాతావరణ శాఖ వెల్లడించింది. వాయుగుండం ప్రభావంతో తెలుగు రాష్ట్రాల్లో భారీ వర్షాలు కురుస్తున్నాయి. చాలా ప్రాంతాల్లో నదులు, వాగులు, వంకలు పొంగిపొర్లుతున్నాయి. ఏపీ, తెలంగాణలోని పలు జిల్లాలకు రెడ్ అలెర్ట్ కూడా జారీ అయింది. రోడ్లపై వరద నీరు చేరడంతో వాహనాదారులు ఇబ్బందులు ఎదుర్కొంటున్నారు. ఏపీలో పలు రైళ్లను రద్దు చేశారు. లోతట్టు ప్రాంతాల ప్రజల్ని అధికారులు అప్రమత్తం చేస్తున్నారు. ఏపీలో మత్స్యకారులు సముద్రంలో వేటకు వెళ్లొద్దని నిషేధం విధించారు. తెలుగు రాష్ట్రాల్లో వర్షాలకు సంబంధించి లైవ్ అప్డేట్స్ మీకోసం..
సూర్యాపేట జిల్లా కోదాడ మున్సిపాలిటీల్లోని భారతి పబ్లిక్ స్కూల్ వద్ద ఉన్న కాలువలో రెండు కార్లు కొట్టుకొచ్చాయి. గాంధీనగర్ కి చెందిన నాగం రవి అనే వ్యక్తి కారులోనే కొట్టుకుపోయి మృతి చెందాడు.
రాజన్న సిరిసిల్ల జిల్లాలో భారీగా వర్షాలు కురుస్తున్నాయి. ఇళ్ళంతకుంట మండలం పెద్దలింగాపురంలో 11 సెంటీమీటర్ల వర్షపాతం నమోదైంది. వరద నీటితో ఉదృతంగా మూల వాగు ప్రవహిస్తుంది. పెంట వాగు ఉప్పొంగి ప్రవహిస్తుంది. కోనరావుపేట మండలం కొండాపూర్, వెంకట్రావుపేట గ్రామాల మధ్య రాకపోకలు నిలిచిపోయాయి.
సూర్యాపేట జిల్లా జాజిరెడ్డిగూడెం మండలం అర్వపల్లి కస్తూర్బా గాంధీ బాలికల హాస్టల్ చుట్టూ వర్షపు నీరు చేరింది. విద్యార్దులు బయటకు రాలేని పరిస్థితి ఏర్పడింది.
వికారాబాద్ జిల్లా పరిగి పెద్దవాగు లోని పొంగి పొర్లుతూ ఉదృతంగా ప్రవహిస్తుంది. పరిగి - వికారాబాద్ రహదారిని మూసివేసిన పోలీసులు. దోమ మండలంలో గొడుగోనిపల్లి పెద్దవాగు, చిన్న వాగులు పొంగిపొర్లుతున్నాయి. కుల్కచర్ల మండలం రాంనగర్ వాగు పొంగడంతో దాదాపూర్ కుల్కచర్ల రహదారికో అంతరాయం రాకపోకలు బంద్. లఖ్నాపూర్ ప్రాజెక్టుకు భారీగా వరదనీరు చేరుకోవడంతో నిండుకుండలా మారినా ప్రాజెక్టు.
వేములవాడ నుంచి మహబూబాబాద్ కు శనివారం రాత్రి బయల్దేరిన RTC బస్సు వరంగల్ జిల్లా వెంకటాపురం-తోపనపల్లి మధ్య నిలిచిపోయింది. వాగు ఉద్ధృతంగా ప్రవహిస్తుండటంతో 10 గంటలుగా బస్సులోనే బిక్కుబిక్కుమంటూ గడుపుతున్నామని ప్రయాణికులు ఆవేదన వ్యక్తం చేశారు. కనీసం తాగడానికి మంచినీళ్లు కూడా లేక చిన్నపిల్లలు ఇబ్బందులు పడుతున్నట్లు చెప్పారు. అధికారులు స్పందించి తమను సురక్షితంగా గమ్య స్థానాలకు చేర్చాలని ప్రయాణికులు కోరారు...
తెలంగాణకు పొంచి ఉన్న వాయుగుండం ముప్పు.. రానున్న 24 గంటల్లో తెలంగాణ మీదుగా కదలనున్న వాయుగుండం.. తెలంగాణలో ఇప్పటికే పలు జిల్లాలకు రెడ్, ఆరెంజ్ అలర్ట్స్.
నిజామాబాద్ జిల్లా భీంగల్ లోని కప్పలవాగు ఉదృతంగా ప్రవహిస్తుంది. బడా భీంగల్ లో సింగడి చెరువు మత్తడి దుకుతుంది.
వేములవాడ పట్టణంలో ఎడతెరిపి లేకుండా వర్షం కురుస్తుంది. దీంతో తీవ్ర ఇబ్బందులు పడుతున్నారు. వర్షంలోనే తడుస్తూ స్వామి వారినీ దర్శనం చేసుకుంటున్న భక్తులు.
కామారెడ్డి జిల్లా జుక్కల్, నిజాంసాగర్ ప్రాజెక్టుకు కొనసాగుతున్న ఇన్ ఫ్లో కొనసాగుతుంది. ప్రాజెక్టు కు1450 క్యూసెక్కుల ఇన్ ఫ్లో కాగా.. ప్రాజెక్టు పూర్తిస్థాయి నీటిమట్టం 1405.00 అడుగులు కాగ ప్రస్తుతం.1391.70 అడుగులుగా కొనసాగుతుంది. పూర్తిస్థాయి సామర్థ్యం 17.802 టీఎంసీ లు కాగ ప్రస్తుతం 4.825 టీఎంసీ ల నీరు నిల్వ ఉంది.
మెదక్ జిల్లాలో భారీ వర్షాలకు ఏడు పాయల ప్రాజెక్టు పొంగిపొర్లుతుంది. ప్రాజెక్టు నిండి పరవళ్లు తొక్కుతూ ప్రవహిస్తున్న మంజీరా నది. ఎగువ ప్రాంతాల్లో వర్షాలతో జలకళ సంతరించుకున్న వనదుర్గా ప్రాజెక్టు.
అనంతపురం జిల్లాలో సాంఘిక సంక్షేమ గురుకుల పాఠశాలల్లో అదనపు సీట్ల భర్తీకి నేడు జరగాల్సిన ప్రవేశ పరీక్ష వాయిదా పడింది. వర్షాల కారణంగా వాయిదా వేసినట్లు తెలిపిన జిల్లా సమన్వయకర్త మురళీకృష్ణ తెలిపారు. సెప్టెంబరు 4న తిరిగి పరీక్ష నిర్వహించనున్నట్లు వెల్లడించారు.
రాష్ట్రవ్యాప్తంగా భారీ వర్షాలు కురుస్తున్న నేపథ్యంలో హైదరాబాద్ వాతావరణ శాఖ పలు జిల్లాలకు రెడ్ ఆరెంజ్ ఎల్లో హెచ్చరికలు జారీ చేసింది.
నేడు హెచ్చరికలు ఉన్న జిల్లాలు రెడ్ ఎలెర్ట్(అత్యంత భారీ- 20.5 సెం.మీ.పైన వర్షపాతం):
ఆదిలాబాద్, నిర్మల్, నిజామాబాద్, కామారెడ్డి, మహబూబ్నగర్, నాగర్కర్నూల్, వనపర్తి, నారాయణపేట, గద్వాల
ఆరెంజ్ ఎలెర్ట్(అతి భారీ- 11.5 సెం.మీ.పైన):
కుమురం భీం, మంచిర్యాల, జగిత్యాల, జయశంకర్, ములుగు, భద్రాద్రి కొత్తగూడెం, ఖమ్మం, వరంగల్, హనుమకొండ, జనగామ, వికారాబాద్, సంగారెడ్డి
ఎల్లో ఎలెర్ట్(భారీ- 6.4 సెం.మీ. పైన):
రాజన్న సిరిసిల్ల, కరీంనగర్, పెద్దపల్లి, నల్గొండ, సూర్యాపేట, మహబూబాబాద్, సిద్దిపేట, యాదాద్రి, రంగారెడ్డి, హైదరాబాద్, మేడ్చల్ మల్కాజిగిరి, మెదక్
గుంటూరు జిల్లా తాడేపల్లి, నులకపేట, మంగళగిరి ప్రాంతాల్లో మంత్రి నారా లోకేష్ పర్యటిస్తున్నారు. నులకపేట క్వారీ లో ముంపుకు గురైన ప్రాంతాలను మంత్రి లోకేష్ పరిశీలిస్తున్నారు. వరద బాధితులను మంత్రి పరామర్శిస్తున్నారు.
మహబూబాబాద్ జిల్లాలో కురిసిన భారీ వర్షానికి ఇంటికెన్నే రైల్వే ట్రక్ కంకర కొట్టుకొని పోయింది. మహబూబాబాద్ లో వచ్చిన వరదకి రైల్వే ట్రక్ దెబ్బతిన్నది దింతో పలు రైళ్లను రద్దు చేశారు.
ఖమ్మం జిల్లా చైతన్య నగర్ లో రెండు రోజులుగా ఎడతెరపి లేకుండా కురుస్తున్నా వానలకు పలు ప్రాంతాలు ముంపు గురయ్యాయి. ప్రాణ భయంతో చిన్నపిల్లలని ఎత్తుకొని బిక్కు బిక్కు మంటూ బయటకు వస్తున్నారు.
భద్రాద్రి జిల్లా మణుగూరు కూనవరం రైల్వే గేటు ప్రాంతంలో 15 కుటుంబాలు జలదిగ్బంధంలో చిక్కుకున్నాయి. దీంతో సహాయం కోసం ఎదురుచూస్తున్నారు.
ఖమ్మం జిల్లా పాలేరు రిజర్వాయర్ నుండి అలుగు పోస్తుండటంతో పెట్రోల్ బంక్ నీట మునిగింది. బంకులో ముగ్గురు వర్కర్స్ చిక్కుకున్నారు. సిమెంట్ గునలు కంపెనీలో ముగ్గురు వ్యక్తులు చిక్కుకున్నారు. జేసీపీ సహాయంతో బయటికి తీయడానికి ప్రయత్నించినప్పటికీ పరిస్థితులు అనుకూలించకపోవడంతో
వెనుతిరిగిన జేసీపీ. రిస్కీ టీం వస్తేగాని బయటకు వచ్చే పరిస్థితి లేకుండా పోయింది. దీంతో ప్రాణభయంతో బిక్కు బిక్కు మంటు గడుపుతున్న వర్కర్లు..
నిజామాబాద్ జిల్లా వ్యాప్తంగా వర్షం కురుస్తుంది. జిల్లాలో సగటున 4సెంటీమీటర్ల వర్ష పాతం నమోదైంది. అత్యధికంగా వర్ని మండలం జాకో రా లో 8 సెంటీమీటర్ల వర్షం కురుస్తుంది. తెల్లవారు జాము నుంచి ఎడతెరపి లేకుండా కురుస్తున్న వర్షం.
సూర్యాపేట జిల్లా హుజూర్నగర్ మండలం, బూరుగడ్డ లో నల్లచెరువు కట్టకు గండిపడింది. వరద నీటి తాకిడికి.. సుమారు 60 ఎకరాల పొలంలో ఇసుక మేటలు.
హుస్సేన్ సాగర్ కు వరద పోటెత్తింది. బంజారా, పికెట్, కూకట్ పల్లి నాలాల నుంచి వరద హుస్సేన్ సాగర్ లోకి వస్తుంది. హుస్సేన్ సాగర్ లో నీటి మట్టం ఫుల్ ట్యాంక్ లెవెల్ దాటింది. హుస్సేన్ సాగర్ లో 513.43 మీటర్లుగా ఉన్న ప్రస్తుత నీటి మట్టం..హుస్సేన్ సాగర్ ఫుల్ ట్యాంక్ లెవెల్ 513.41 మీటర్లు కాగా.. తూముల ద్వారా హుస్సేన్ సాగర్ నుంచి నీటిని మూసి లోకి వదులుతున్న అధికారులు.మూసి పరివాహక ప్రాంత ప్రజలను అప్రమత్తం చేసిన జీహెచ్ఎంసీ.
తెలంగాణ - కర్ణాటక సరిహద్దులో భారీగా నీటి ప్రవాహం కొనసాగుతుంది. దీంతో కర్ణాటక- తెలంగాణకు రాకపోకలు నిలిచిపోయాయి. తాండూర్ నియోజకవర్గం లోని కొత్లాపూర్ వాగు ప్రవాహంతో.. కర్ణాటక తెలంగాణ రాకపోకలు పూర్తిగా స్థంబించింది.
వికారాబాద్ జిల్లా నవాబ్ పేట్ మండలం గుబ్బడిపతేపూర్ గ్రామంలో రెండు గ్రామాలకు మధ్య ఉన్న బ్రెడ్జి పై వాగు పొంగిపోతుంది. దీంతో ప్రజలు తీవ్ర ఇబ్బందులు ఎదుర్కొంటున్నారు.
తెలంగాణలో ఎడతెరపి లేకుండా కురుస్తున్న భారీ వానలకు ప్రమాద స్థాయిలో మూసి నది ప్రవహిస్తుంది. దీంతో లోతట్టు ప్రాంతాల ప్రజలు అప్రమత్తంగా ఉండాలని అధికారులు హెచ్చరికలు జారీ చేశారు.
అల్లూరి జిల్లాలో గత రాత్రి నుంచి విలీన మండలాల్లో భారీ వర్షం కురుస్తోంది. ఇప్పటివరకు 12.2 సెంటి మీటర్ల వర్షపాతం నమోదైంది. గోదావరి, శబరి నదులతో పాటు పలు వాగులు వంకలు పొంగి ప్రవహిస్తున్నాయి. చింతూరు ఏజెన్సీ ప్రాంతంలో గల పర్యాటక కేంద్రాలను అధికారులు మూసివేశారు. పొల్లూరు జలపాతం, సోకిలేరు వ్యూ పాయింట్, పుష్ప బ్రిడ్జి స్పాట్లకు అనుమతిని మోతుగూడెం పోలీసులు నిలిపివేశారు.
నాగార్జున సాగర్ ప్రాజెక్ట్ 26 గేట్లు ఎత్తివేసి నీటిని దిగువలకు విడుదల చేస్తున్నారు అధికారులు. 12 గేట్లు 10 అడుగులు, 14 గేట్లు 10 అడుగుల మేర ఎత్తివేత.. సాగర్ నుంచి 4,65,222 క్యూసెక్కుల నీరు దిగువకు విడుదల చేస్తున్నారు. సాగర్ ఇన్ఫ్లో 4,91,792, ఔట్ఫ్లో 5,01,014 క్యూసెక్కులు.. సాగర్ పూర్తిస్థాయి నీటిమట్టం 590 అడుగులు, ప్రస్తుతం 588.90 అడుగులుగా కొనసాగుతుంది.
వికారాబాద్ జిల్లా వ్యాప్తంగా కుండపోత వర్షం కురిస్తుంది. వాగులు వంకలు పొంగిపొర్లుతున్నాయి. పలుచోట్ల రాకపోకలు బంద్ జిల్లాలో అన్ని జలాశయాలు నిండికుండను తలపిస్తున్నాయి.
ఉమ్మడి గుంటూరు జిల్లాలో వాగులు పొంగిపొర్లుతున్నాయి. పల్నాడు జిల్లా పెదకూరపాడు నియోజకవర్గంలో పెద్ద ఎత్తున వాగులు పొంగుతున్నాయి. లామ్ సమీపంలో వాగు ఉధృతికి గుంటూరు -అమరావతి ప్రాంతాల మధ్య రాకపోకలు నిలిచిపోయాయి. గుంటూరు నుంచి అమరావతి వెళ్లే మార్గంలో లామ్ వద్ద పోలీసులు వాహనదారులను అటువైపు వెళ్లకుండా చూసుకుంటున్నారు. మరోవైపు విజయవాడ -అమరావతి మార్గాల మధ్య కూడా రాకపోకలు నిలిచిపోయాయి.