Wedding invitation: పెళ్లి కార్డుపై మోడీ ఫోటో.. బీజేపీ కార్యకర్త వినూత్న ప్రచారం..!

పెళ్లి పత్రిక అనగానే.. అందులో కుటుంబ సభ్యుల ఆశీర్వాదాలు.. బంధుమిత్రుల శుభాకాంక్షలు.. తల్లిదండ్రుల దీవెనలు.. అంటూ., అదికూడా లేదంటే ఇంట్లోనే పెద్దవారి ఆశీస్సులు అంటూ కార్డ్స్ ను ముద్రిస్తుంటారు. కానీ తెలంగాణలో ఓ యువకుడు మాత్రం తన పెళ్లి పత్రికలో ప్రధానమంత్రి నరేంద్ర మోడీ ఫోటోను ముద్రించాడు. దాంతో అతను మోడీ మీద తనకున్న అభిమానాన్ని ఇలా చాటుకున్నాడు.

Also Read: Kaushik Reddy: పొన్నం ప్రభాకర్ ను ఆవేశం స్టార్ అని పిలవాలి..

దీనికి సంబంధించిన వివరాలలోకి వెళితే.. సంగారెడ్డి జిల్లా ఆరుట్లలో బీజేపీ కార్యకర్త ఈ వినూత్న ప్రచారం చెప్పుట పనిలో పడ్డాడు. తన పెళ్లి కార్డుపై మోడీ ఫోటో వేసి ” నా పెళ్ళికి మీరు ఇచ్చే బహుమతి.. నరేంద్ర మోడీకి మీరు వేసే ఓటు ” అంటూ ప్రింట్ చేయించి కార్డ్స్ పంచడంతో పాటు బీజేపీ కి మరొక స్టైల్ లో ప్రచారం చేస్తున్నాడు వరుడు. ఇలా చాలామంది వారి కొత్త ఆలోచనలతో ట్రెండ్ కు తగా పనులు చేస్తూ వార్తల్లో నిలుస్తున్నారు.

Also Read: Himachal Pradesh: రసవత్తరంగా హిమాచల్ రాజకీయాలు..బీజేపీలోకి కాంగ్రెస్ అనర్హత ఎమ్మెల్యేలు..

అయితే, ఇలా పెళ్లి పత్రికలపై మోడీ బొమ్మను ముద్రించడం ఇది మొదటిసారెమి కాదు. ఈ ట్రెండ్ ను మొదట భైంసాకు చెందిన ఎడ్ల మహేష్ అనే వ్యక్తి మొదలు పెట్టి., తన పెళ్లి పత్రికలో మోడీ ఫొటో వేసి అభిమానాన్ని చాటుకున్నాడు. అప్పటినుంచి అనేకమంది యువకులు ఇదే ట్రెండ్ ని ఫాలో అవుతున్నారు.