Crime News: 58 ఏళ్ల మహిళపై 16 ఏళ్ల బాలుడు అత్యాచారం.. ఆపై..

Crime News: మధ్యప్రదేశ్‌లో రేవా జిల్లాలో దారుణం జరిగింది. 16 ఏళ్ల బాలుడు 58 ఏళ్ల మహిళపై అత్యాచారం చేసి ఆమెను దారుణంగా కొడవలితో నరికి హత్య చేశాడు. ఆ బాలుడు రెండేళ్ల క్రితం ఓ ఫోన్‌ చోరీ కూడా చేశాడని పోలీసులు ఆదివారం వెల్లడించారు. ఈ సంఘటన జనవరి 30వ తేదీ రాత్రి హనుమాన పోలీస్ స్టేషన్ పరిధిలోని కైలాష్‌పురి గ్రామంలో జరిగింది.

బాలుడు ఆమె నోటిలో ప్లాస్టిక్ బ్యాగ్, గుడ్డను నింపి, ఆమె నివసించే భవనంలోని నిర్మాణంలో ఉన్న ప్రాంతానికి ఆమెను లాగి, ఆమె తలపై, ఇతర శరీర భాగాలపై కొడవలితో నరికాడు. ఆమె ప్రైవేట్ భాగాల్లో గాయాలు చేశాడని పోలీసులు వెల్లడించారు. రెండేళ్ల క్రితం బాలుడు మొబైల్ ఫోన్ దొంగిలించాడని మహిళ కుటుంబ సభ్యులు ఆరోపించారని, దానికి ప్రతీకారం తీర్చుకోవాలని బాలుడు భావించాడని తెలిపారు. నిర్మాణంలో ఉన్న భవనం వద్ద 58 ఏళ్ల మహిళ మృతదేహం పడి ఉన్నట్లు ఫిబ్రవరి 1న సమాచారం అందిందని అడిషనల్ సూపరింటెండెంట్ ఆఫ్ పోలీస్‌ వివేక్ లాల్ వెల్లడించారు.పోలీసులు, ఫోరెన్సిక్ బృందం ఘటనా స్థలానికి చేరుకుని మహిళను గుర్తుతెలియని వ్యక్తులు దారుణంగా హత్య చేసినట్లు తేలిందని తెలిపారు.

ఇన్‌ఫార్మర్‌ల నుండి వచ్చిన సమాచారం, దర్యాప్తు ఆధారంగా, పోలీసులు ఆమె పొరుగున నివసిస్తున్న బాలుడి కోసం గాలించారని పేర్కొన్నారు. రెండేళ్ల క్రితం టీవీ చూసేందుకు తమ ఇంటికి వచ్చే అబ్బాయిపై మహిళ కుటుంబ సభ్యులు కూడా అనుమానం వ్యక్తం చేశారని అధికారి తెలిపారు. బాలుడు, కుటుంబానికి మధ్య శత్రుత్వం ఏర్పడటానికి దారితీసిన మొబైల్ ఫోన్‌ను దొంగిలించాడని ఆమె కుటుంబ సభ్యులు ఆరోపించారని పోలీసులు తెలిపారు. దొంగతనం ఆరోపణతో గ్రామంలో తనకు ఎదురైన ఇబ్బంది కారణంగా బాలుడు ప్రతీకారం తీర్చుకోవాలని భావించాడని అధికారి తెలిపారు.

Court Theft: కారు కొనేందుకు కోర్టులో దొంగతనం చేసిన న్యాయవాది

జనవరి 30న, బాధితురాలి కుమారుడు, భర్త స్టేషన్ బయట ఉన్నప్పుడు, బాలుడు ఆమె ఇంట్లోకి ప్రవేశించాడు. అతను మంచం మీద నిద్రిస్తున్న మహిళను గాయపరచాడని, ఆమె కేకలు వేయడానికి ప్రయత్నించినప్పుడు అతను ఆమె నోటిలో పాలిథిన్ బ్యాగ్, గుడ్డను నింపాడని పోలీసు అధికారి తెలిపారు. ఆపై తాడు, వైర్‌తో ఆమె ముఖంపై ప్లాస్టిక్ బ్యాగ్‌ను కట్టి, భవనంలోని నిర్మాణంలో ఉన్న భాగానికి ఆమెను లాగినట్లు వివేక్ లాల్ చెప్పారు. ఆమెను తలుపుకు కట్టేసిన తర్వాత, బాలుడు మహిళను పదే పదే కొట్టి, ఊపిరాడక కదలకుండా ఆమెపై అత్యాచారం చేశాడని అధికారి తెలిపారు. అతను కొడవలితో బాధితురాలి తల, చేతులు, గొంతు, ఛాతీపై గాయపరిచాడు. కర్రతో ఆమె ప్రైవేట్ భాగాల్లో గాయాలు చేశాడని అడిషనల్ సూపరింటెండెంట్ ఆఫ్ పోలీస్‌ వివేక్ లాల్ చెప్పారు. మహిళ ఇంట్లో ఉంచిన రూ.1,000 నగదు, నగలు తీసుకుని బాలుడు పరారయ్యాడని తెలిపారు. అదుపులోకి తీసుకున్న తర్వాత, విచారణలో బాలుడు నేరం అంగీకరించాడని అధికారి తెలిపారు. అతడిని జువైనల్ హోంకు పంపారు.