WhatsApp: బాంబ్ పేల్చిన వాట్సాప్.. ఇకపై ఆ ఫోన్లలో సేవలు బంద్

WhatsApp Will Stop Working On These Phone Devices From October 24: మారుతున్న కాలానికి అనుగుణంగా.. టెక్ కంపెనీలు సహా సోషల్ మీడియా సంస్థలు తమ నిబంధనల్ని మారుస్తుంటారు. ఈ క్రమంలోనే పాత డివైజ్‌లకు తమ సేవల్ని నిలిపివేస్తున్నట్టు కూడా ప్రకటిస్తుంటాయి. యూజర్ల కౌంట్ తగ్గినా.. నిబంధనలను కట్టుబడి ఉండాల్సింది కాబట్టి, తప్పకుండా ఆ కఠినమైన నిర్ణయాలను తీసుకోవాల్సి వస్తుంది. ఇప్పుడు లేటెస్ట్‌గా వాట్సాప్ అదే పని చేస్తోంది. ఐఫోన్, ఆండ్రాయిడ్ డివైజ్‌లలో కొన్ని మోడల్స్‌కు అక్టోబరు 24వ తేదీ నుంచి తమ సేవల్ని నిలిపివేస్తున్నట్టు సంచలన ప్రకటన చేసింది. సెక్యూరిటీ ఫీచర్ల అప్‌గ్రేడ్‌, యూజర్‌ డేటా ప్రైవసీ ప్రొటెక్షన్‌లో భాగంగానే.. తాము ఈ నిర్ణయం తీసుకోవాల్సి వచ్చిందని ఆ సంస్థ వెల్లడించింది.

ఐఓఎస్‌ 10, ఐఓఎస్‌ 11 ఆపరేటింగ్ సిస్టమ్‌(ఓఎస్)తో పని చేస్తోన్న ఐఫోన్లలో ఇకపై వాట్సాప్ చేయదు. ప్రస్తుతం ఐఫోన్‌ 4, ఐఫోన్ 4ఎస్‌, ఐఫోన్ 5, ఐఫోన్ 5సీ ఫోన్లు ఆ ఓఎస్‌లతోనే పని చేస్తున్నాయి. ఒకవేళ ఆ ఫోన్లలో వాట్సాప్ పని చేయాలంటే.. తమ ఓఎస్‌లను అప్డేట్ చేసుకోవాలని వాట్సాప్ సంస్థ సూచించింది. కానీ.. యాపిల్ నిబంధనల ప్రకారం ఐఫోన్‌ 4, ఐఫోన్‌ 4ఎస్‌ మోడల్స్‌లో ఓఎస్‌ అప్‌డేట్‌ అవ్వదు. అంటే, ఇకపై ఈ మోడల్స్‌లో వాట్సాప్ సేవలు అందుబాటులో ఉండవన్నమాట! కేవలం.. ఐఫోన్ 5, ఐఫోన్ 5సీ మోడల్స్‌ మాత్రమే ఓఎస్‌ అప్‌డేట్‌కు అవకాశముంది. కాబట్టి.. వీటిల్లో వాట్సాప్ పని చేస్తుంది. ఇక ఆండ్రాయిడ్ వర్షన్‌కి వస్తే.. 4.0.4 వెర్షన్‌ ఓఎస్‌తో పనిచేస్తున్న ఫోన్లలో వాట్సాప్‌ సేవలు నిలిచిపోనున్నట్లు వాట్సాప్ సంస్థ తెలిపింది. యూజర్లు వెంటనే తమ వర్షన్‌ని అప్డేట్ చేసుకోవాలని సూచించింది.