West Bengal ElectIon Results: ప్రధాని మోడీ ‘‘ఝల్‌మురి’’ తిన్న చోట బీజేపీ ఆధిక్యం..
- Follow Us :
-
-
Add as a preferred
source on google
బెంగాల్ ఎన్నికల ఫలితాల్లో బీజేపీ అంతకంతకు ఆధిక్యాన్ని పెంచుకుంటూ పోతోంది. మొత్తం 294 అసెంబ్లీ నియోజకవర్గాల్లో మ్యాజిక్ ఫిగర్ 148 కాగా, బీజేపీ ఏకంగా 150+ స్థానాల్లో ఆధిక్యంలో కొనసాగుతోంది. ఈ ఎన్నికల్లో ప్రధాని నరేంద్రమోడీ ‘‘ఝల్‌మురి’’ ఎఫెక్ట్ బాగానే పనిచేసింది. ప్రధాని మోడీ బెంగాల్ ఎన్నికల ప్రచారం సందర్భంగా ఝార్‌గ్రామ్ నియోజకవర్గంలో పర్యటిస్తున్న సమయంలో, నడిరోడ్డుపై సామాన్య వ్యక్తిలాగా నడుచుకుంటూ ఒక తినుబండారాల షాక్‌కు వెళ్లి ‘‘ఝల్‌మురి ’’ ఆర్డర్ చేసిన వీడియో వైరల్‌గా మారింది. షాప్ యజమానితో మాట్లాడుతూ ఝల్‌మురి టేస్ట్‌ను ఆస్వాదించారు. అయితే, ఇప్పుడు ఝార్‌గ్రామ్ సీటులో బీజేపీ ఆధిక్యంలో కొనసాగుతోంది.
ఝల్‌మురికి సంబంధించిన వీడియోను ప్రధాని ఎక్స్‌లో షేర్ చేశారు. నాలుగు బహిరంగ సభలతో బిజీగా ఉన్నప్పటికి, రుచికరమైన ఝల్మురిని ఆస్వాదించానని ఆయన ఎక్స్‌లో పోస్ట్ చేశారు. ఝల్‌మురి కోల్‌కతాలోనే కాకుండా పశ్చిమ బెంగాల్ అంతటా ప్రసిద్ధి చెందిన ఒక వీధి ఆహారం. దీనిని మసాలాలు, మరమరాలు, ఉల్లిపాయలు, మిరపకాయలు, ఆవ నూనెల మిశ్రమంతో తయారు చేస్తారు. దీని కారమైన రుచిని స్థానికులు, సందర్శకులు ఇద్దరూ ఇష్టపడతారు.