Supreme Court: కార్తీక దీపానికి సుప్రీంకోర్టు అనుమతి.. విజయ్ సర్కార్కు ఎదురుదెబ్బ..
- తిరుప్పరన్కుండ్రం కొండపై దీపం వెలిగించేందుకు సుప్రీంకోర్టు గ్రీన్ సిగ్నల్..
- ఆలయ, ప్రభుత్వ అధికారులతో కూడిన పరిమిత బృందానికే అవకాశం.
- సాధారణ ప్రజలకు కార్యక్రమంలో పాల్గొనేందుకు అనుమతి లేదు.
- Follow Us :
-
-
Add as a preferred
source on google
Supreme Court: తమిళనాడు మదురైలోని తిరుప్పరంకుండ్రం కొండపై ఉన్న దీపతూన్(దీపస్తంభం) వద్ద కార్తీక దీపం వెలిగించేందుకు సుప్రీంకోర్టు అనుమతి ఇచ్చింది. మద్రాస్ హైకోర్టు గతంలో ఇచ్చిన తీర్పుపై సుప్రీంకోర్టు స్టే విధించింది. అయితే, నవంబర్ 24న కొన్ని షరతులకు లోబడి ఒకసారి దీపం వెలిగించేందుకు అనుమతి ఇచ్చింది. ఈ మధ్యంతర అనుమతిని అక్కడ దీపాలు వెలిగించే ఏదైనా దీర్ఘకాలిక సంప్రదాయానికి తుది ఆమోదంగా భావించరాదని సుప్రీంకోర్టు స్పష్టం చేసింది.
దీపం వెలిగించే కార్యక్రమానికి పరిమిత సభ్యులకే అనుమతి ఇచ్చింది. ఆలయ అధికారులు, ప్రభుత్వ అధికారులతో కూడి పరిమిత బృందం మాత్రమే పాల్గొనాలని సుప్రీంకోర్టు స్పష్టం చేసింది. సాధారణ ప్రజలకు ఈ కార్యక్రమంలో పాల్గొనేందుకు అనుమతి ఉండదు. ఎంత మంది ఉండాలి, ఎవరెవరు పాల్గొనాలి అనే విషయాలు నిర్ణయించే బాధ్యత మదురై జిల్లా కలెక్టర్కు అప్పగించింది. దీపారాధన కార్యక్రమ నిర్వహణ, పర్యవేక్షణ బాధ్యత మొత్తం కలెక్టర్దే అని కోర్టు పేర్కొంది. భద్రత కోసం పోలీసుల్ని మోహరించాలని ఆదేశించింది. అవసరమైతే సీఆర్పీఎఫ్ సేవలు ఉపయోగించుకోవాలని తెలిపింది. కొండపై ఉన్న దర్గా, మసీదులో ప్రార్థనలు యథావిధిగా కొనసాగుతాయని సుప్రీంకోర్టు స్పష్టం చేసింది. వాటి ప్రవేశంపై ఎలాంటి ఆంక్షలు ఉండవని తెలిపింది.
Also Read
- Uttar Pradesh: ఇంటి ముందు ‘‘వందేమాతరం’’ ఉండటమే పాపమా.. ముస్లిం యువతి నికాహ్కు నిరాకరించిన ఇమామ్
- Rahul Gandhi: ప్రపంచ రాజకీయాల్లో భారత్ ‘‘సైడ్ ప్లేయర్’’.. రాహుల్ ‘‘పాక్ ఫ్యాన్ బాయ్’’ అంటూ బీజేపీ విమర్శలు..
- CM Yogi Adityanath: సీఎం యోగి ఆదిత్యనాథ్కు మాతృవియోగం.. 91 ఏళ్ల వయసులో తల్లి కన్నుమూత
- Tamil Nadu vs AP: తమిళనాడు రహస్యాలు ఏపీకి లీక్? విజయ్ సర్కార్ సంచలన నిర్ణయం.. 15 మంది ఉద్యోగులపై వేటు!
గతంలో మద్రాస్ హైకోర్టు తీర్పు..
తిరుప్పరంకుండ్రం కొండపై దర్గా సమీపంలో దీపాలు వెలిగించే అంశం చాలా కాలంగా వివాదాస్పదంగా ఉంది. 2025 డిసెంబర్లో తమిళనాడు ప్రభుత్వం మద్రాస్ హైకోర్టు నిర్ణయాన్ని సుప్రీంకోర్టులో సవాల్ చేసింది. కొండపై ఉన్న దీపతూన్ వద్ద కార్తీక దీపం వెలిగించేందుకు భక్తులకు హైకోర్టు అనుమతి ఇచ్చింది. ఈ ఆచారాన్ని నిర్వహించేందుకు ఆలయానికి చారిత్రక హక్కు ఉందనే వాదనను హైకోర్టు సమర్థించింది.
వివాదం ఏమిటి?
సుబ్రమణ్య స్వామి ఆలయం ఉన్న కొండపైనే హజరత్ సుల్తాన్ సికిందన్ బదుషా అవులియా దర్గా ఉంది. దీని వల్ల ఆలయం వద్ద దీపం వెలిగిస్తే మత పరమైన ఇబ్బందులు ఏర్పడి, రెండు వర్గాల మధ్య సామరస్యం దెబ్బతింటుందని అప్పటి డీఎంకే ప్రభుత్వం, ఆలయ యాజమాన్యం సింగిల్ జడ్జి బెంచ్ ఇచ్చిన తీర్పుపై అప్పీల్ చేశాయి. దీని తర్వాత దీప స్తంభం ఉన్న ప్రాంతం సుబ్రహణ్య స్వామి ఆలయానిదే అని, ఈ విషయంలో వక్ఫ్ బోర్డుకు ఎలాంటి హక్కు లేదని హైకోర్టు స్పష్టం చేసింది. దీని తర్వాత హైకోర్టు తీర్పుపై విజయ్ సర్కార్ సుప్రీంకోర్టుకు వెళ్లింది. ఇప్పుడు సుప్రీంకోర్టు కార్తీక దీపానికి గ్రీన్ సిగ్నల్ ఇచ్చింది. నిజానికి కొండపై ఉన్న ఆలయం 6వ శతాబ్ధానికి చెందినది కాగా, దర్గా 14వ శతాబ్ధానికి చెందినది.
తాజావార్తలు
-
Supreme Court: కార్తీక దీపానికి సుప్రీంకోర్టు అనుమతి.. విజయ్ సర్కార్కు ఎదురుదెబ్బ..
-
Home Guards Recruitment : తెలంగాణలో 2 వేల హోంగార్డుల భర్తీకి కసరత్తు.. డీజీపీ కీలక సమీక్ష!
-
Hyderabad Water Supply: హైదరాబాద్కు గోదావరి నీళ్లు.. మరో రెండు రోజుల్లో కీలక పనులు పూర్తి
-
TVS Star City Plus: స్ల్పెండర్కు గట్టిపోటీ ఇచ్చిన టీవీఎస్ బైక్కు ముగింపు .. చరిత్రలోకి స్టార్ సిటీ ప్లస్!
-
Ind Vs Nepal: టాస్ గెలిచిన నేపాల్.. బ్యాటింగ్లో తడబడ్డ భారత్..
ట్రెండింగ్
-
Glenn Phillips Record: మూడు ఫార్మాట్లు, ఒకే ప్రత్యర్థి, ఒకే ఏడాది.. చరిత్ర సృష్టించిన గ్లెన్ ఫిలిప్స్!
-
Glenn Phillips Record: మరో 6 పరుగులే.. అంతర్జాతీయ క్రికెట్లోనే మొదటి ఆటగాడిగా ఫిలిప్స్ చరిత్ర!
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!