రాజస్థాన్‌లో బీజేపీ ప్రభుత్వం సంచలన నిర్ణయం తీసుకుంది. ముఖ్యమంత్రి భజన్ లాల్ శర్మ నేతృత్వంలోని రాజస్థాన్ ప్రభుత్వం శనివారం అశోక్ గెహ్లాట్ పదవీకాలంలో ఏర్పాటైన తొమ్మిది జిల్లాలు, మూడు డివిజన్లను రద్దు చేసింది. రద్దు చేయబడిన డివిజన్లలో పాలి, సికార్, బన్స్వారా డివిజన్లు ఉన్నాయి. అలాగే కొత్తగా ఏర్పాటు చేసిన దూడు, కేక్రి, నీమ్‌కథానా, గంగాపూర్ సిటీ, జైపూర్ రూరల్, జోధ్‌పూర్ రూరల్, అనుప్‌గఢ్, సాంచోర్, షాపురా జిల్లాలను ప్రభుత్వం రద్దు చేసింది. రాష్ట్రంలో ఇప్పుడు 41 జిల్లాలు మరియు 7 డివిజన్లు ఉన్నాయి.
ఇది కూడా చదవండి: Pawankalyan OG: పవన్ కళ్యాణ్ “ఓజీ” సినిమాపై డీవీవీ మూవీస్ కీలక ప్రకటన..
శనివారం కేబినెట్ సమావేశంలో జిల్లాల రద్దు నిర్ణయం తీసుకున్నారు. అశోక్ గెహ్లాట్ నేతృత్వంలోని కాంగ్రెస్ ప్రభుత్వం 17 జిల్లాలు ఏర్పాటు చేసింది. ఇందులో తొమ్మిది జిల్లాలను తాజాగా బీజేపీ ప్రభుత్వం రద్దు చేసింది. తాజా నిర్ణయంతో 41 జిల్లాలు, ఏడు డివిజన్లు మిగిలి ఉన్నాయి. కేబినెట్ నిర్ణయాన్ని రాష్ట్ర మంత్రులు సుమిత్ గోదారా, జోగారామ్ పటేల్ మీడియా సమావేశంలో వెల్లడించారు. కేబినెట్ సమావేశంలో తీసుకున్న నిర్ణయం మేరకు డుడు, కేక్రీ, షాపురా, నీమ్‌కథానా, గంగాపూర్ సిటీ, జైపూర్ రూరల్, జోధ్‌పూర్ రూరల్, అనుప్‌గఢ్, సంచోర్ జిల్లాలను రద్దు చేసినట్లు తెలిపారు. బలోత్రా, ఖైర్తాల్-తిజారా, బీవార్, కోట్‌పుట్లీ-బహరోడ్, దిద్వానా-కుచమన్, ఫలోడి, డీగ్, సన్లుబర్ జిల్లాలు యథాతథంగా ఉంటాయని పేర్కొన్నారు. గత కాంగ్రెస్ ప్రభుత్వం తన పదవీకాలం చివరి దశలో 17 జిల్లాలు మరియు మూడు డివిజన్లను ఏర్పాటు చేసింది. ప్రజల సౌకర్యార్థం కొత్త జిల్లాలను ఏర్పాటు చేయడం ద్వారా కాంగ్రెస్ ప్రభుత్వం చారిత్రాత్మక పని చేసిందని, రాజకీయ పక్షపాతంతో భజన్ లాల్ ప్రభుత్వం వాటిని రద్దు చేసిందని కాంగ్రెస్ తప్పుపట్టింది.
ఇది కూడా చదవండి: Ladakh: లడఖ్‌లో ఎత్తైన శివాజీ విగ్రహం ఆవిష్కరణ
