Haryana polls: వినేష్ వర్సెస్ బబిత.. సోదరీమణుల మధ్య మాటల మంటలు

హర్యానా అసెంబ్లీ ఎన్నికల ప్రచారం జోరుగా సాగుతోంది. ప్రధాన పార్టీలు ప్రచారాన్ని హోరెత్తిస్తున్నారు. ఇక నేతల మధ్య మాటల తూటాలు పేలుతున్నాయి. అయితే ప్రస్తుతం రెజ్లర్ వినేష్ ఫోగట్.. ఆమె కజిన్ సిస్టర్ బబిత ఫోగట్ మధ్య డైలాగ్ వార్ నడుస్తోంది. ఇప్పటికే వినేష్.. కాంగ్రెస్‌లో చేరడాన్ని బబిత కుటుంబ సభ్యులు వ్యతిరేకించారు. తాజాగా ఎన్నికల ప్రచారంలో వినేష్ ఫోగట్ చేసిన వ్యాఖ్యలపై బబిత ఘాటుగా స్పందించారు.

ఇది కూడా చదవండి: తమ పిల్లలను తినే జంతువులు ఇవే..

ఈసారి ఎన్నికల్లో చెంపదెబ్బ గట్టిగా తగులుతుందని.. బీజేపీని ఉద్దేశించి వినేష్ ఫోగట్ వ్యా్ఖ్యానించారు. ‘‘ఈసారి కాంగ్రెస్ చేతి చిహ్నం చెంపదెబ్బలా పనిచేస్తుంది. అక్టోబర్ 5న ఈ చెంపదెబ్బ ఢిల్లీలో కొట్టబడుతుంది’’ అని చెప్పారు. ఈ వ్యాఖ్యలపై బీజేపీ నాయకురాలు బబిత ఫోగట్ స్పందిస్తూ తప్పుపట్టారు. సంకుచిత స్వభావం గలవారే ఇలాంటి వ్యాఖ్యలు చేస్తారన్నారు. ఇలాంటి వ్యాఖ్యలు చేసే ముందు వినేష్ పునరాలోచించాలని కోరారు.

ఇది కూడా చదవండి: Sri Lanka: మొదలైన శ్రీలంక అధ్యక్ష ఓట్ల లెక్కింపు.. కొన్ని గంటల్లోనే ఫలితాలు వెల్లడి

వినేష్ ఫోగట్.. జులానా నియోజకవర్గం నుంచి కాంగ్రెస్ నుంచి పోటీ చేస్తున్నారు. బబిత ఎప్పటి నుంచో బీజేపీలో ఉన్న ఆమెకు మాత్రం టికెట్ దక్కలేదు. వినేష్ మాత్రం హస్తం పార్టీలో చేరగానే టికెట్ లభించింది. హర్యానాలో అక్టోబర్ 5న పోలింగ్ జరగనుంది. ఎన్నికల ఫలితాలు మాత్రం అక్టోబర్ 8న విడుదల కానున్నాయి.

ఇది కూడా చదవండి: Rajinikanth: ‘వేట్టైయాన్- ది హంట‌ర్‌’ సినిమా పెద్ద హిట్‌.. ఆడియో వేడుకలో రజినీకాంత్