Mohan Bhagwat: బెంగాల్‌లో మోహన్ భగవత్ 10 రోజుల పర్యటన.. కీలక పరిణామాలుంటాయని చర్చ!

ఆర్‌ఎస్‌ఎస్ చీఫ్ మోహన్ భగవత్ ఫిబ్రవరి 7న నుంచి పశ్చిమ బెంగాల్‌లో పర్యటించనున్నారు. దాదాపు 10 రోజుల పాటు రాష్ట్రంలో పర్యటించనున్నారు. ఇందులో ఐదు రోజులు కోల్‌కతాలో బస చేస్తుండగా.. మిగతా ఐదు రోజులు బుర్ద్వాన్‌లో గడుపుతారని వర్గాలు పేర్కొన్నాయి. అయితే ఈ పది రోజుల పర్యటనలో కీలక పరిణామాలుంటాయని తెలుస్తోంది. ఆఫీస్ బేరర్లు, ప్రచారక్‌లతో విస్తృత సమావేశాలు ఉంటాయని తెలుస్తోంది. కీలక చర్చలు జరపనున్నట్లు సమాచారం.

ఇది కూడా చదవండి: CM Revanth Reddy: కలెక్టర్లతో ముఖ్యమంత్రి రేవంత్ రెడ్డి సమావేశం..

మోహన్ భగవత్.. బెంగాల్‌లో అనేక మార్లు పర్యటించారు. అయితే ఈ పర్యటన చాలా ప్రత్యేకంగా ఉంటుందని భావిస్తున్నారు. మోహన్ భగవత్ టూర్‌పై స్థానిక ఆర్‌ఆర్ఎస్ నాయకులు, కార్యకర్తలు ఉల్లాసంగా ఉన్నారు. ఈ సమావేశాల్లో మహిళలు, పురుషులు పాల్గొంటారు. వేర్వేరు శాఖల వారిని కూడా కలవనున్నారు. అయితే ఈ పర్యటనలో ప్రధానంగా బెంగాల్‌లో నెలకొన్న రాజకీయాలు, ఎలా పని చేయాలి. ప్రజల కోసం ఎలా నిలబడాలి అన్నదానిపై చర్చ జరిగే అవకాశం ఉంది. ఇక ఫిబ్రవరి 16న ర్యాలీ కూడా నిర్వహించనున్నట్లు తెలుస్తోంది. ఈ ర్యాలీలో మోహన్ భగవత్ ప్రసంగించనున్నారు. అనేక అంశాలను ప్రస్తావించనున్నారు. ఆర్‌ఎస్ఎస్‌కు జంగల్‌మహల్, దక్షిణ బెంగాల్‌లో మంచి పట్టుకుంది. అయితే వచ్చే ఏడాది పశ్చిమ బెంగాల్‌లో అసెంబ్లీ ఎన్నికలు జరగనున్నాయి. ఈ పర్యటన బాగా కలిసొస్తుందని ఆర్ఆర్ఎస్ భావిస్తోంది.

ఇది కూడా చదవండి: Mrunal – Dulquer : మరోసారి జతకట్టనున్న సీతారామం జంట.. ఈ సారి వేరే లెవల్