Ajaz Khan: ఇన్‌స్టాలో 56 లక్షల మంది ఫాలోవర్లు.. ఎన్నికల్లో 92 ఓట్లు..

Ajaz Khan: మహారాష్ట్ర అసెంబ్లీ ఎన్నికల్లో బీజేపీ కూటమి ‘‘మహాయుతి’’ సంచలన విజయం దిశగా దూసుకెళ్తోంది. 288 అసెంబ్లీ స్థానాల్లో 220 కన్నా ఎక్కువ స్థానాలను గెలిచే అవకాశం ఉంది. ఇదిలా ఉంటే, ఒక అంశం ప్రస్తుతం మహారాష్ట్ర ఎన్నికల్లో వైరల్‌గా మారింది. ఈ ఎన్నికల్లో వెర్సోవా స్థానం నుంచి పోటీ చేస్తున్న బిగ్ బాస్ మాజీ కంటెస్టెంట్, యాక్టర్ అజాజ్ ఖాన్‌కి ఓటర్లు షాక్ ఇచ్చారు. అజాజ్ ఖాన్ నోటా ఓట్ల కంటే వెనకబడి ఉన్నారు. ఎర్లీ ట్రెండ్స్‌లో నోటాకు 500 ఓట్లు వస్తే, అజాజ్ ఖాన్‌కి 100 కన్నా తక్కువ ఓట్లు వచ్చింది.

Read Also: Election Results 2024 Live UPDATES: మహారాష్ట్ర, జార్ఖండ్ అసెంబ్లీ ఎన్నికల ఫలితాలు లైవ్ అప్డేట్స్..

అజాజ్ ఖాన్ ఆజాద్ సమాజ్ పార్టీ (కాన్షీరామ్) టికెట్‌పై ఎన్నికల్లో పోటీ చేశారు. యూపీలోని నగీనా ఎంపీగా ఉన్న చంద్రశేఖర్ ఆజాద్ ‘రావణ్’ ఈ పార్టీకి నేతృత్వం వహిస్తున్నారు. వెర్సోవా సీట్ నుంచి అజాజ్ ఖాన్‌తో పాటు బీజేపీ నుంచి భారతీ లవేకర్, శివసేన ఠాక్రే నుంచి హరూన్ ఖాన్ పోటీ చేశారు.