PM Modi: ఐదు రాష్ట్రాల్లో బీజేపీ విజయం ఖాయం.. మే 4న ఫలితాలు చరిత్ర సృష్టిస్తాయ్

ప్రధాన మంత్రి నరేంద్ర మోడీ బుధవారం ఉత్తరప్రదేశ్‌లోని హార్దోయ్ జిల్లాలో గంగా ఎక్స్‌ప్రెస్‌వేను ప్రారంభించారు. పశ్చిమ బెంగాల్ అసెంబ్లీ ఎన్నికల రెండో దశ పోలింగ్ జరుగుతున్న నేపథ్యంలో మోడీ మాట్లాడుతూ, బీహార్ అసెంబ్లీ ఎన్నికలు, గుజరాత్ స్థానిక సంస్థల ఎన్నికల తర్వాత ఐదు రాష్ట్రాల్లో (తమిళనాడు, పశ్చిమ బెంగాల్, కేరళ, అస్సాం) ఒక కేంద్రపాలిత ప్రాంతం (పుదుచ్చేరి)లో బీజేపీ హ్యాట్రిక్ విజయం సాధిస్తుందని విశ్వాసం వ్యక్తం చేశారు. ఇటీవల బీహార్‌లో ఎన్నికలు జరిగినప్పుడు బీజేపీ-ఎన్‌డీఏ భారీ విజయం సాధించి చరిత్ర సృష్టించింది.

నిన్న గుజరాత్ మున్సిపల్ కార్పొరేషన్లు, మున్సిపాలిటీలు, జిల్లా పంచాయతీలు, నగర పంచాయతీలు, తహసీల్ పంచాయతీల ఎన్నికల ఫలితాలు వెలువడ్డాయి. బీజేపీ 80 నుంచి 85 శాతం మున్సిపాలిటీలు, పంచాయతీల్లో విజయం సాధించింది. ఈ ఐదు రాష్ట్రాల ఎన్నికల్లో కూడా బీజేపీ చారిత్రక హ్యాట్రిక్ విజయాలను పూర్తి చేస్తుందని నేను విశ్వసిస్తున్నాను. మే 4 ఫలితాలు అభివృద్ధి భారత్‌ కోసం ఇంకా బలం చేకూరుస్తాయి. దేశ అభివృద్ధి వేగానికి కొత్త ఉత్సాహం నింపుతాయి” అని ప్రధాని మోడీ తెలిపారు. బెంగాల్‌లో రెండో దశ పోలింగ్‌లో భారీగా ఓటర్లు తరలివచ్చారని, భయం లేని వాతావరణంలో ఓటింగ్ జరుగుతోందని మోడీ ప్రశంసించారు. ఇది భారత రాజ్యాంగం, ప్రజాస్వామ్యం బలోపేతం అవుతున్నట్లు సంకేతమని వ్యాఖ్యానించారు.