Raviteja: అన్నయ్య ఇవన్నీ కాదు, ఫుల్ లెంగ్త్ ఎంటర్టైనింగ్ సినిమా చేద్దాం

మాస్ మహారాజ రవితేజ అంటే ఎనర్జీ, స్క్రీన్ పైన విపరీతమైన జోష్ కనిపిస్తుంది రవితేజ ఉంటే. చిరు అంటే టైమింగ్, ఏ స్టార్ హీరోకి లేని కామెడీ టైమింగ్ చిరు సొంతం. ఎలాంటి బ్యాక్ గ్రౌండ్ లేకుండా ఇండస్ట్రీలోకి వచ్చి టాప్ హీరోస్ అయిన ఈ ఇద్దరూ కలిసి నటించిన సినిమా ‘వాల్తేరు వీరయ్య’. బాబీ డైరెక్ట్ చేసిన ఈ మూవీ సంక్రాంతికి ఆడియన్స్ ముందుకి వచ్చి హిట్ టాక్ తో బాక్సాఫీస్ దగ్గర వసూళ్ల వర్షం కురిపిస్తోంది. బాస్ సినిమా వస్తుంది అంటేనే బాక్సాఫీస్ ర్యాంపేజ్ గ్యారెంటి, ఇక బాస్ కి మాస్ మహారాజ్ కూడా తోడైతే ఎలా ఉంటుందో ప్రత్యేకించి చెప్పాల్సిన అవసరం లేదు కదా. ఇద్దరు మాస్ హీరోలు అన్నదమ్ములుగా కలిసి నటించి ఆడియన్స్ కి ఫుల్ మీల్స్ పెడుతున్నారు. వాల్తేరు వీరయ్య సినిమాకి చిరు, రవితేజ మధ్య ఉన్న ఎమోషనే ఆయువు పట్టు. రవితేజ, చిరు తమ్ముడిగా నటించాడు కాబట్టే ఆడియన్స్ ఆ ఎమోషనల్ సీన్స్ కి కనెక్ట్ అయ్యారు.

పండగ సీజన్ లో పండగ లాంటి సినిమా ఇచ్చిన చిరు, రవితేజలని చూడడానికి ఆడియన్స్ రిపీట్ మోడ్ లో థియేటర్ కి వెళ్తున్నారు. దీంతో ఓవర్ వెల్మ్ అయిన చిత్ర యూనిట్ వాల్తేరు వీరయ్య సక్సస్ మీట్ పెట్టారు. ఈ సక్సస్ మీట్ లో చిరు, రవితేజ లేకుంటే ఆ ఎమోషన్ పండదు అని చెప్పాడు. ఇదే స్టేజ్ పైన మాట్లాడిన రవితేజ, “అన్నయ్య ఇది కాదు కానీ ఫుల్ లెంగ్త్ ఎంటర్టైనర్ చేద్దాం” అన్నాడు. రవితేజ, చిరు లని పెట్టి సినిమా చెయ్యడానికి మైత్రీ మూవీ మేకర్స్ రెడీ, ట్యూన్స్ ఇవ్వడానికి దేవి శ్రీ ప్రసాద్ రెడీ ఇక దర్శకుడు బాబీ కూడా రెడీ అయితే మరోసారి ఈ మెగా మాస్ కాంబోలో సినిమా చూసే అవకాశం వస్తుంది. అయితే చిరు, రవితేజల కామెడీ టైమింగ్ ని మ్యాచ్ చేసే కథ దొరకడం అంత ఈజీ కాదు. రైటర్, డైరెక్టర్ లు రక్తాలు చిందిస్తే కానీ ఈ మెగా మాస్ కాంబోని బాలన్స్ చేసే కథ పుట్టదు. ఆ రేంజ్ కథ రాయాలి అంటే టైం పడుతుంది కాబట్టి ఇప్పట్లో చిరు, రవితేజల కాంబినేషన్ లో సినిమా చూడలేము.