SS Thaman: మ్యూజిక్ డైరెక్టర్ థమన్ భార్య ఎవరో తెలుసా..?

సెన్సషనల్ మ్యూజిక్ డైరెక్టర్ థమన్ గురించి పెద్దగా పరిచయం చేయాల్సిన అవసరం లేదు. స్టార్ హీరోలకు ప్రస్తుతం మోస్ట్ వాంటెడ్ మ్యూజిక్ డైరెక్టర్ గా మారిపోయాడు. ఇక మరోపక్క ఇండియన్ ఐడల్ షో  కు జడ్జిగా కూడా వ్యవహరిస్తూ బిజీగా మారాడు. అయితే ఇప్పటివరకు థమన్  పడిన స్ట్రగుల్స్ గురించి విన్నామే కానీ థమన్ ఫ్యామిలీ గురించి ఎప్పుడు ఎవరికి తెలియదు. నిజం చెప్పాలంటే థమన్ కు పెళ్లి అయ్యిందా..? లేదా ..? అనేది కూడా చాలామందికి తెలియదు. ఎందుకంటే థమన్ చాలా ప్రైవేట్ పర్సన్.. కుటుంబాన్ని ఎప్పుడు సోషల్ మీడియాలో చూపించడు. కనీసం ఏ ఫంక్షన్ కు కుటుంబంతో కలిసి రాలేదు.  సోషల్ మీడియాలో ఉన్నా కూడా తన భార్య పిల్లల గురించి మాత్రం ఎప్పుడు మాట్లాడిన దాఖలాలు లేవు. ఇంకా చాలా మంది థమన్ కు పెళ్లి కాలేదనే అభిప్రాయంలో ఉన్నారు. అయితే ఇన్నాళ్లకు ఆయన తన భార్య గురించి బాహాటంగా చెప్పారు.

‘సర్కారు వారి పాట’ సినిమా ప్రమోషనల్ ఇంటర్వ్యూలో భాగంగా తన భార్య  పేరు వర్దిని అని, ఆమె ఒక ప్లే బ్యాక్ సింగర్ అని  చెప్పుకొచ్చాడు. ” నా  భార్య వర్ధిని వాయిస్ బాగుంటుంది. ఆమె వాయిస్ డైరెక్టర్స్ మరియు నిర్మాతలకు నచ్చి.. వర్ధినితో పాడిస్తే బాగుంటుందని భావిస్తే తప్పకుండా ఆమెతో పాడిస్తాను. వర్ధినితో స్టేజ్ షో లు చేయాలి అనేది నా డ్రీమ్..  వర్ధినితో స్టేజ్ షో లు చేయడానికి ముందు ఆమె మూడు నాలుగు పాటలతో హిట్ అవ్వాలి. ఆమె పాడిన పాటలు హిట్ అయిన తర్వాత మేము ఇద్దరం కలిసి స్టేజ్ షో లు చేస్తాం.. ఇక నా కొడుకే  నా ట్యూన్స్ ను మొదట వింటాడు. అప్పుడే వాడికి పలు మ్యూజిక్ పరికరాలపై మంచి పట్టు వచ్చింది. ఫ్యూచర్ లో వాడు ఏమి కావాలో వాడే డిసైడ్ అవ్వాలి” అని చెప్పుకొచ్చాడు. ప్రస్తుతం థమన్ వ్యాఖ్యలు నెట్టింట  వైరల్ గా మారాయి.