Suriya: కుటుంబంతో విడిపోయి ముంబైలో మకాం.. సూర్య ఏమన్నాడంటే.. ?

Suriya: కోలీవుడ్ స్టార్ హీరో సూర్య ప్రస్తుతం వరుస సినిమాలతో బిజీగా ఉన్నాడు. సూర్యకి తమిళ్ లో ఎంత ఫ్యాన్ బేస్ ఉందో తెలుగులో కూడా అంతే ఫ్యాన్ బేస్ ఉంది. ఆయన ప్రతి సినిమా తెలుగులో కూడా రిలీజ్ అయ్యి మంచి విజయాలను అందుకుంటున్నాయి. ప్రస్తుతం సూర్య చేతిలో కంగువా, వాడీ వసూల్ సినిమాలు ఉన్నాయి. ఈ రెండు కాకుండా మరో రెండు సినిమాలకు సూర్య గ్రీన్ సిగ్నల్ ఇచ్చినట్లు సమాచారం. ఇకపోతే సోషల్ మీడియాలో నిత్యం యాక్టివ్ గా ఉండే సూర్య ఈ మధ్య ముంబైలో తన ఫాన్స్ మీట్ కు హాజరయ్యాడు. ఈ ఫ్యాన్స్ మీట్ లో ఆయన తన సినిమాలకు సంబంధించిన విషయాలతో పాటు వ్యక్తిగత విషయాలకు కూడా సమాధానాలు ఇచ్చాడు. గత కొన్ని రోజులుగా సూర్య తమిళనాడులో కాకుండా ముంబైలో ఉంటున్న విషయం తెల్సిందే. తండ్రి, తమ్ముడు తో గొడవల వలనే సూర్య కుటుంబంతో విడిపోయి ముంబైలో ఇల్లు తీసుకొని ఉంటున్నట్లు వార్తలు వచ్చాయి.

Vaishnavi Chaithanya: ‘బేబీ’ బ్యూటీ.. అన్ని ఆ డైరెక్టర్ తోనే.. ?

ఇప్పటివరకు సూర్య ఈ వార్తలపై స్పందించింది లేదు. అయితే తాజాగా ఈ ఫ్యాన్స్ మీట్ లో ఈ విషయమై స్పందించాడు. తన తమిళనాడును వదిలి ముంబైలో ఎందుకు ఉంటున్నాడు కారణం చెప్పాడు. ” నేను తమిళనాడును వదలడం లేదు. అదేనా పుట్టిన ఊరు. నేను కుటుంబంతో సహా ముంబై లో ఉండడానికి కారణం మా పిల్లలు. వారి చదువుల కోసం ఇక్కడ ఉండాల్సి వచ్చింది. నేను ఎప్పటికీ తమిళనాడులోనే ఉంటాను. ప్రస్తుతానికి నా కెరియర్లో కొత్తవి నేర్చుకోవాలి అనే తపనతో ఉన్నాను..” అని తెలిపాడు. దీంతో ఆ రూమర్స్ కి చెక్ పడినట్లు అయ్యింది. ఇక ఈ విషయం తెలియడంతో అభిమానులు ఆనందం వ్యక్తం చేస్తున్నారు.