Amazon నుంచి కొత్త AI డివైజ్‌లు.. మాట్లాడిన విషయాలను గుర్తుపెట్టుకుని పనులు చేసే Bee Frontier, Bee Eclipse..!

Amazon Bee Frontier, Bee Eclipse: అమెజాన్ వ్యక్తిగత వినియోగం కోసం బీ ఫ్రాంటియర్ (Bee Frontier), బీ ఎక్లిప్స్ (Bee Eclipse) పేరుతో కొత్త AI డివైజ్‌లను విడుదల చేసింది. ఇవి వినియోగదారుల సంభాషణలను విశ్లేషించి సారాంశాలు, రిమైండర్లు, టు-డూ లిస్టులు, వ్యక్తిగత సూచనలను రూపొందించగలవు. రెండు డివైజ్‌లలోనూ మల్టీ-ఫంక్షన్ బటన్, Alexa సపోర్ట్ వంటి ఫీచర్లు ఉన్నాయి.

బీ ఫ్రాంటియర్ ను ప్రత్యేకంగా అవుట్‌డోర్ వినియోగం కోసం రూపొందించారు. దీన్ని చేతికి ధరించవచ్చు లేదా దుస్తులకు క్లిప్ చేసుకోవచ్చు. సిలికాన్ రిస్ట్‌బ్యాండ్, IP67 రేటింగ్‌తో వచ్చే ఈ డివైజ్ ఒక్కసారి ఛార్జ్ చేస్తే ఏడు రోజుల వరకు బ్యాటరీ బ్యాకప్ ఇస్తుందని అమెజాన్ చెబుతోంది. USB Type-C ఛార్జింగ్, డ్యూయల్ నాయిస్-ఫిల్టరింగ్ మైక్రోఫోన్లు, మైక్రోఫోన్ బటన్, ఆడియో ప్రాసెసింగ్ సమయంలో వెలిగే LED ఇండికేటర్ ఇందులో ఉన్నాయి.

మరోవైపు బీ ఎక్లిప్స్ మాత్రం స్మార్ట్‌ఫోన్‌తో ఉపయోగించేందుకు రూపొందించారు. క్రెడిట్ కార్డు పరిమాణంలో ఉండే ఈ AI డివైజ్‌ను MagSafe తరహాలో ఫోన్ వెనుక భాగానికి మ్యాగ్నెటిక్‌గా అమర్చుకోవచ్చు. ఒక్కసారి ఛార్జ్ చేస్తే 21 రోజులకు పైగా బ్యాటరీ లైఫ్ లభిస్తుందని కంపెనీ పేర్కొంది. ఇందులో డివైజ్‌ను ఆన్ లేదా ఆఫ్ చేయడానికి ప్రత్యేక బటన్, సంభాషణ ప్రాసెసింగ్ జరుగుతున్నప్పుడు సూచించే LED లైట్ ఉన్నాయి.

ఈ రెండు డివైజ్‌లు సంభాషణల్లోని అపాయింట్‌మెంట్లు, షాపింగ్ లిస్టులు, ప్రయాణ ప్రణాళికలు వంటి సమాచారాన్ని గుర్తుంచుకుని, వాటిని సారాంశాలు, రిమైండర్లు, టు-డూ లిస్టులు, వ్యక్తిగత ఇన్‌సైట్స్‌గా మార్చగలవు. వీటిని Bee మొబైల్ యాప్‌తో పాటు డెస్క్‌టాప్ యాప్‌లో కూడా చూడొచ్చు. ఇందులో జిమెయిల్, గూగుల్ క్యాలెండర్, మైక్రోసాఫ్ట్ అవుట్‌లుక్, ఆపిల్ హెల్త్‌కిట్ వంటి సేవలతో ఇంటిగ్రేషన్ సదుపాయం ఉంది. అలాగే Alexa+తో అనుసంధానం చేయడం ద్వారా Bee యాప్‌ను ఓపెన్ చేయకుండానే వాయిస్ కమాండ్ల ద్వారా సమాచారాన్ని పొందవచ్చు. Amazon.com ఇంటిగ్రేషన్ ద్వారా సంభాషణల్లో ప్రస్తావించిన ఉత్పత్తులకు సంబంధించిన షాపింగ్ సూచనలను కూడా పొందే అవకాశం ఉంటుంది.

ప్రైవసీ కోసం Bee Frontier, Bee Eclipseలో Amazon రూపొందించిన Bee Private Compute సెక్యూరిటీ ఆర్కిటెక్చర్‌ను ఉపయోగించారు. సంభాషణల ట్రాన్స్‌క్రిప్ట్‌లు వినియోగదారు డివైజ్ నియంత్రణలో ఉండే కీస్‌తో ఎన్‌క్రిప్ట్ అవుతాయని కంపెనీ చెబుతోంది. ఆడియో ప్రాసెసింగ్ పూర్తయ్యాక ఆడియో స్టోర్ చేయబడదని కూడా పేర్కొంది. వినియోగదారులు తమ ట్రాన్స్‌క్రిప్ట్‌లు, సారాంశాలను ఎప్పుడైనా తొలగించుకోవచ్చు. ధర విషయానికి వస్తే.. బీ ఫ్రాంటియర్ ధర $74.99 (సుమారు రూ.6,600). ఇది ఓనిక్స్, లావెండర్, సేజ్ రంగుల్లో లభిస్తుంది. బీ ఎక్లిప్స్ ధర $99.99 (సుమారు రూ.8,800) కాగా, బ్లష్, మిడ్‌నైట్, సిల్వర్ రంగుల్లో అందుబాటులో ఉంటుంది. అమెజాన్ Bee Pro సబ్‌స్క్రిప్షన్‌ను నెలకు $11.99 (సుమారు రూ.1,000)కి అందిస్తోంది. ఇందులో అపరిమిత తాజా సంభాషణ సారాంశాలు, Amazon.com, Alexa+ మరియు థర్డ్ పార్టీ యాప్ ఇంటిగ్రేషన్లు, సూచించిన టు-డూలు, డైలీ మెమరీస్ వంటి ఫీచర్లు ఉంటాయి. కొత్త Bee వినియోగదారులకు 30 రోజుల ఉచిత ట్రయల్ లభిస్తుంది. అయితే సబ్‌స్క్రిప్షన్ లేకుండానే అన్ని Bee వినియోగదారులకు సంభాషణ సారాంశాలు, రీక్యాప్స్, 14 రోజుల మెమరీ అందుబాటులో ఉంటాయి.

Introducing Bee Frontier and Bee Eclipse, two personal AI devices designed to remember the moments that matter most. One wears on your wrist. One attaches to your phone. Both keep you present. ↓ https://t.co/leJ8GRLZgP

— bee (@bee__computer) October 15, 2026