Sri Vishnu : నా సినిమాల్లో డబుల్ మీనింగ్ డైలాగ్స్ లేవు.. శ్రీవిష్ణు క్లారిటీ

Sri Vishnu : హీరో శ్రీవిష్ణు గత సినిమాల్లో కొన్ని డబుల్ మీనింగ్ డైలాగ్స్ గురించి సోషల్ మీడియాలో పెద్ద ఎత్తున మీమ్స్, ట్రోల్స్ వచ్చాయి. కొన్ని డబుల్ మీనింగ్ డైలాగులు, బూతు డైలాగులను స్పీడ్ గా చెప్పేసి అర్థం రాకుండా జాగ్రత్త పడ్డారని.. అందుకే వాటిని సెన్సార్ లో కట్ కాకుండా చూసుకున్నారంటూ పెద్ద ఎత్తున పోస్టులు వెలిశాయి. శ్రీ విష్ణు డబుల్ మీనింగ్ డైలాగులతో అనేక మీమ్స్, ట్రోల్స్ కూడా వచ్చాయి. అయితే వాటిపై తాజాగా శ్రీ విష్ణు స్పందించారు. తాజాగా ఆయన నటిస్తున్న మూవీ సింగిల్. కార్తీక్ రాజు డైరెక్షన్ లో వస్తున్న ఈ సినిమాను గీతా ఆర్ట్స్ బ్యానర్ నిర్మిస్తోంది. మే 9న వస్తున్న ఈ సినిమా ట్రైలర్ ను తాజాగా రిలీజ్ చేశారు.
Read Also : High Court: గ్రూప్‌-1 పిటిషనర్లకు జరిమానా విధించిన హైకోర్టు..

ఈ ట్రైలర్ లాంచ్ ఈవెంట్ లో శ్రీ విష్ణును రిపోర్టర్లు ఈ డబుల్ మీనింగ్ డైలాగ్స్ పై ప్రశ్నించారు. దీనిపై శ్రీ విష్ణు స్పందిస్తూ.. ‘నా సినిమాల్లో డబుల్ మీనింగ్ డైలాగులు లేవు. అది సంస్కృతం. అది చాలా మందికి అర్థం కాక అలా డబుల్ మీనింగ్ డైలాగ్స్ అంటూ ప్రచారం చేశారు. ఇప్పుడు వారందరికీ సంస్కృతం నేర్పించలేం కదా’ అంటూ శ్రీ విష్ణు చెప్పుకొచ్చారు. ఆయన చేసిన ఈ కామెంట్స్ ఇప్పుడు సోషల్ మీడియాలో వైరల్ అవుతున్నాయి. శ్రీ విష్ణు నటిస్తున్న ఈ సినిమాలో కేతిక శర్మ హీరోయిన్ గా నటిస్తోంది. దీన్ని పూర్తి కామెడీ సినిమాగా తీసుకొస్తున్నారు. ఇందులో వెన్నెల కిషోర్, శ్రీ విష్ణు కామెడీ హైలెట్ కాబోతోంది.
Read Also : KTR : మాజీ మంత్రి కేటీఆర్‌కు గాయం.. బెడ్ రెస్ట్ సూచించిన వైద్యులు