Siddhu Jonnalagadda: అయ్యప్పమాలలో సిద్దు జొన్నలగడ్డ.. న్యూ లుక్ వైరల్..

టాలివుడ్ లో క్రేజీ హీరోగా పేరు తెచ్చుకున్న డిజే టిల్లు ఫేమ్ హీరో సిద్దు జొన్నలగడ్డ గురించి ప్రత్యేక పరిచయాలు అవసరం లేదు.. మొదటి సినిమాతోనే పాజిటివ్ టాక్ ను అందుకున్నాడు.. ఈయనను మాస్ ఫాలోయింగ్ కూడా ఎక్కువే..ఇక ఈమాస్ హీరో తాజాగా కొత్త అవతారం ఎత్తాడు. ఈ కుర్ర హీరో గుంటూరు టాకీస్ తో అందరిని ఆకట్టుకుని.. డీజే టిల్లు సినిమాతో ఓవర్ నైట్ స్టార్ గా మారిపోయాడు సిద్ధు జొన్నలగడ్డ ఇక ఈ మాస్ హీరో పెర్ఫామెన్స్ కు ఫిదా అయిన వారెందరో ఉన్నారు.. ఇక ఈ హీరో న్యూ లుక్ సోషల్ మీడియాలో తెగ వైరల్ అవుతుంది..

తనకు లైఫ్ ఇచ్చిన డిజే టిల్లుకి సీక్వెల్ సినిమా టిల్లు స్క్వేర్ తో రాబోతున్నాడు సిద్దు. ఆసినిమా షూటింగ్ జరుగుతుండగానే మరో సినిమాకు గ్రీన్ సిగ్నల్ ఇచ్చాడు.. ఆ సినిమాను త్వరగా పట్టాలెక్కించాలని, అంతే త్వరగా విడుదల చెయ్యాలనే పక్కా ప్లాన్ లో ఉన్నాడు.. వచ్చే ఏడాదిలో ఈ సినిమా ప్రేక్షకుల ముందుకు రానుంది.. ఈ మధ్య ప్రముఖ కాస్ట్యూమ్ డిజైనర్ నీరజ కోన దర్శకత్వంలో మరో కొత్త సినిమా అనౌన్స్ చేసాడు సిద్ధు. పీపుల్స్ మీడియా ఫ్యాక్టరీ నిర్మాణంలో నీరజ కోన దర్శకత్వంలో సిద్ధు హీరోగా, శ్రీనిధి శెట్టి, రాశిఖన్నా హీరోయిన్స్ గా ఈ మూవీ తెరకెక్కబోతోంది. ఈసినిమాకు’ తెలుసు కదా ‘ అనే ఆసక్తికర టైటిల్ ను ప్రకటించారు.

తాజాగా ఈమూవీ ఓపెనింగ్ జరగ్గా.. నేచురల్ స్టార్ నాని ఈమూవీని క్లాప్ కొట్టి ఓపెనింగ్ చేశారు.. ఇకపోతే ఈ ఓపెనింగ్ లో అందరి దృష్టిని ఆకర్షించాడు సిద్దు. ఈ మధ్య యంగ్ హీరోలంతా ఆధ్యాత్మిక సేవలో తరిస్తున్నారు. ఈక్రమంలోనే సిద్దు కూడా మాలలో కనిపించారు. తాజాగా సిద్ధూ జొన్నలగడ్డ ఇలా తన కొత్త సినిమా ఓపెనింగ్ లో అయ్యప్ప మాలలో కనిపించగా ఈ ఫొటోలు నెట్టింట చక్కర్లు కొడుతున్నాయి.. మొన్న మాస్ హీరో విశ్వక్ సేన్ అంజనేయ స్వామి మాలలో కనిపించిన సంగతి తెలిసిందే. ఇలా బయట ఫుల్ స్పీడ్ గా ఉండే హీరోల్లో ఇలాంటి భక్తి భావం కూడా ఉందా అని ఆశ్చర్యపోతూనే అభినందిస్తున్నారు.. మొత్తానికి సిద్దు ఫోటోలు మాత్రం వైరల్ గా మారాయి..

Unveiling moments from the grand opening of #TelusuKada today!

🎬 First Clap by the Natural Star @NameisNani
🎥 Camera Switch On by @dirbobby
🎬 1st Shot Directed by @harish2you
📜 Script handover by @actor_nithiin & @AadhiOfficial

Film being Directed by @NeerajaKona &… pic.twitter.com/setsubQcei

— People Media Factory (@peoplemediafcy) October 18, 2023