Shah Rukh : ‘దిల్ సే’ నుంచి ‘ఓం శాంతి ఓం’ వరకు.. షారుఖ్ బర్త్‌డే రీ-రిలీజ్ వేడుకలు

బాలీవుడ్ బాద్‌షా షారుఖ్ ఖాన్ త్వరలో తన 60వ పుట్టినరోజు (నవంబర్ 2) జరుపుకోనున్నారు. ఈ ప్రత్యేక సందర్భంలో అభిమానుల కోసం ఆయన ఒక విశేషమైన బహుమతిని ప్లాన్ చేసారు. “షారుఖ్ ఖాన్ ఫిల్మ్ ఫెస్టివల్” పేరుతో ఆయన నటించిన సూపర్‌హిట్ సినిమాలను అక్టోబర్ 31 నుంచి థియేటర్లలో మళ్లీ ప్రదర్శించబోతున్నారు. ఈ ఫెస్టివల్‌లో షారుఖ్ కెరీర్‌లోని ప్రఖ్యాత సినిమాలు మళ్లీ థియేటర్‌ల స్క్రీన్‌పై వస్తాయి. వీటిలో “దిల్ సే”, “దేవదాస్”, “మై హూ నా”, “ఓం శాంతి ఓం”, “చెన్నై ఎక్స్‌ప్రెస్” వంటి చిత్రాలు ముఖ్యంగా ఉన్నాయి. ప్రతి సినిమా తన ప్రత్యేకమైన శైలి, కథనాలతో అభిమానులను అలరిస్తుంది.

Also Read : Janhvi Kapoor : ‘శారీరక సుఖాలు తప్పుకాదు’ వ్యాఖ్యలతో టాక్‌ షోలో తలపడ్డ స్టార్‌ హీరోయిన్లు..

ఈ సందర్భంగా షారుఖ్ మాట్లాడుతూ.. “నా పాత్రలు ఇప్పటికీ అభిమానుల గుండెల్లో నిలిచిపోయాయి. నేను మారలేదు, కేవలం జుట్టు కొంచెం స్టైలిష్‌గా మారింది. ఈ ఫెస్టివల్ ద్వారా అభిమానులతో మళ్లీ ఆ బంధాన్ని పంచుకోవడం చాలా ఆనందంగా ఉంది” అని తెలిపారు. ఫెస్టివల్ అక్టోబర్ 31 నుంచి నవంబర్ 14 వరకు భారత్‌లోని పీవీఆర్-ఐనాక్స్ థియేటర్లు, అలాగే ఉత్తర అమెరికా, యూకే, ఆస్ట్రేలియా, న్యూజిలాండ్, యూరప్ దేశాల్లో యశ్‌రాజ్ ఫిల్మ్స్ (YRF) సహకారంతో ప్రదర్శించబడుతుంది. ఇక షారుఖ్ ప్రస్తుతం “కింగ్” చిత్రంలో బిజీగా ఉన్నారు. ఈ సినిమాలో ఆయన కుమార్తె సుహానా ఖాన్ బాలీవుడ్‌లో హీరోయిన్‌గా ప్రవేశించనున్నారు. షారుఖ్ ఈ సినిమాలో కీలక పాత్రలో కనిపించనున్నారు. ఫిల్మ్ ఫెస్టివల్ ద్వారా అభిమానులు షారుఖ్ కెరీర్‌లోని ఐకానిక్ సినిమాలను మళ్లీ పెద్ద తెరపై ఆస్వాదించే అవకాశం వస్తుంది.