Sai Dharam Tej: నరేష్ కొడుకు కోసం మెగా మేనల్లుడు సాయం

Sai Dharam Tej: మెగా మేనల్లుడు సాయిధరమ్ తేజ్ ప్రస్తుతం వరుస సినిమాలతో బిజీగా మారిన సంగతి తెల్సిందే. ఇప్పటికే విరూపాక్ష సినిమా షూటింగ్ పూర్తి కావోస్తుండగా.. త్వరలోనే పవన్ కళ్యాణ్ తో వినోదాయ సీతాం రీమేక్ లో పాల్గొననున్నాడు. ఇక తేజ్ గురించి చెప్పాలంటే.. స్నేహానికి ప్రాణం ఇస్తాడు. మెగా మేనల్లుడు అనే గర్వాన్ని చూపించడు. చిన్న సినిమాలకు హెల్ప్ చేయడంలో తేజ్ ఎప్పుడు ముందుంటాడు. ఇక తేజ్ బెస్ట్ ఫ్రెండ్స్ లో నవీన్ కృష్ణ ఒకరు. సీనియర్ నటుడు నరేష్ కొడుకు నవీన్ విజయ్ కృష్ణ. ఇతను హీరోగా పలు సినిమాల్లో కూడా నటించాడు. నందిని నర్సింగ్ హోమ్, రెండు జళ్ల సీత లాంటి సినిమాలతో గుర్తింపు తెచ్చుకున్నాడు. ఇక ప్రస్తుతం నవీన్ డైరెక్టర్ గా మారాడు.

దిల్ రాజు ప్రొడక్షన్స్ లో `సత్య` అనే మ్యూజిక్ వీడియోలో తేజ్ నటిస్తున్నాడు. ఈ మ్యూజిక్ వీడియోకు నవీన్ కృష్ణ అండ్ టీమ్ దర్శకత్వం వహిస్తున్నారు. ఇక ఈ మ్యూజిక్ వీడియోలో తేజ్ తో పాటు కలర్స్ స్వాతి నటిస్తోంది. గణతంత్ర దినోత్సవం సందర్భంగా నేడు ఈ మ్యూజిక్ వీడియో పోస్టర్ ను మేకర్స్ రిలీజ్ చేశారు. దేశం కోసం ప్రాణాలు వదిలిన ఎంతోమంది భారతీయులకు నివాళిగా ఈ సాంగ్ రిలీజ్ కానుంది. మంచి కాన్సెప్ట్ కావడంతో పాటు నవీన్ కోసం కూడా తేజ్ ఈ మ్యూజిక్ వీడియోలో భాగమయ్యినట్లు తెలుస్తోంది. ఇక పోస్టర్ లో తేజ్ ను స్వాతి గట్టిగా హత్తుకొని ఉండడం కొద్దిగా ఆసక్తిని రేకెత్తిస్తోంది. త్వరలోనే ఈ సాంగ్ ను మేకర్స్ రిలీజ్ చేయనున్నారు. మరి ఈ సాంగ్ ఎలాంటి హిట్ అందుకుంటుందో చూడాలి.