Gam Gam Ganesha: చిన్న దేవరకొండ ‘బృందావనివే’ సాంగ్ రిలీజ్ చేసిన రష్మిక మందన్న

Rashmika Mandanna launches Anand Deverakonda’s Gam Gam Ganesha Song: “బేబీ” సినిమా బ్లాక్ బస్టర్ హిట్ కొట్టిన ఆనంద్ దేవరకొండ అదే ఉత్సాహంలో “గం..గం..గణేశా” మూవీతో మరో హిట్ అందుకునేందుకు రెడీ అవుతున్నాడు. యాక్షన్ కామెడీ జానర్ లో ఈ “గం..గం..గణేశా” సినిమాను హై-లైఫ్ ఎంటర్ టైన్ మెంట్ బ్యానర్ పై కేదార్ సెలగంశెట్టి, వంశీ కారుమంచి నిర్మిస్తున్నారు. ఉదయ్ బొమ్మిశెట్టి దర్శకుడిగా పరిచయం అవుతున్న ఈ “గం..గం..గణేశా” సినిమా నుంచి బృందావనివే లిరికల్ సాంగ్ ను స్టార్ హీరోయిన్ రష్మిక మందన్న రిలీజ్ చేశారు. ఆనంద్ సూపర్ హిట్ ఫిల్మ్ “బేబి”లోని ప్రేమిస్తున్నా సాంగ్ కూడా రష్మిక విడుదల చేసింది, ఆ సాంగ్ లానే ఈ బృందావనివే పాట బిగ్ హిట్ కావాలని రష్మిక బెస్ట్ విషెస్ తెలియజేశారు.

Chicken Song: ‘చికెన్ సాంగ్’ని విన్నారా.. నోరూరిపోవడం ఖాయం!

చేతన్ భరద్వాజ్ కంపోజ్ చేసిన బృందావనివే పాటకు వెంగి సుధాకర్ లిరిక్స్ అందించగా సిధ్ శ్రీరామ్ తో కలిసి చేతన్ భరద్వాజ్ ఈ పాట పాడారు. ‘బృందావనివే యవ్వనివే నీవే, నా మనసే నీ వశమే రా, ప్రేయసివే ఊర్వశివే నీవే, ఆరాధనమైనావే…’ అంటూ మంచి లవ్ ఫీల్ తో బ్యూటిఫుల్ మెలోడీతో సాగుతూ ఆకట్టుకుంటోందీ పాట. ఇక ఈ “గం..గం..గణేశా” త్వరలో థియేటర్స్ లో ప్రేక్షకుల ముందుకు రాబోతోంది. ఆనంద్ దేవరకొండ, ప్రగతి శ్రీవాస్తవ, నయన్ సారిక హీరో హీరోయిన్లుగా నటిస్తున్న ఈ సినిమాలో వెన్నెల కిషోర్, జబర్దస్త్ ఇమాన్యూయల్,సత్యం రాజేష్,రాజ్ అర్జున్ తదితరులు కీలక పాత్రలలో నటిస్తున్నారు. ఆదిత్య జవ్వాడి సినిమాటోగ్రఫీ అందించిన ఈ సినిమాకి చేతన్ భరద్వాజ్ సంగీతం అందించారు. ఇక ఈ సినిమాతో కూడా హిట్ అందుకుంటానని ధీమాగా ఉన్నాడు ఆనంద్ దేవరకొండ.