Ram Charan: పాపులర్ ఇండియన్ స్టార్ ఆఫ్ ది ఇయర్ 2022

వరల్డ్ బిగ్గెస్ట్ సినిమా డేటాబేస్ అయిన ‘IMDb’ 2022 పాపులర్ ఇండియాన్ స్టార్ ర్యాంకింగ్స్ ని సొంతం చేసుకున్న టాప్ 10 స్టార్ల పేర్లని రిలీజ్ చేసింది. IMDbకి 200 మిలియన్లకి పైగా ఉన్న మంత్లీ విజిటర్స్, ఏ సెలబ్రిటీకి సంబంధించిన అఫీషియల్ పేజ్ ని ఎక్కువసార్లు విజిట్ చేశారు అనే దాన్ని బేస్ చేసుకోని ఈ పాపులర్ ఇండియన్ స్టార్ ర్యాంకింగ్ కి రూపొందించారు. ఈ లిస్టులో మెగాపవర్ స్టార్ రామ్ చరణ్ తేజ్ 4వ స్థానంలో ఉండగా… సమంతా 5వ స్థానంలో, ఎన్టీఆర్ 8వ స్థానంలో, అల్లు అర్జున్ 9వ స్థానంలో ఉన్నారు. ఓవరాల్ గా ఈ ర్యాంకింగ్స్ లో కోలీవుడ్ స్టార్ హీరో ‘ధనుష్’ టాప్ ప్లేస్ లో ఉన్నాడు. అలియా భట్, ఐశ్వర్య రాయ్ రెండు మూడు స్థానాల్లో ఉండగా హృతిక్ రోషన్, కియారా అద్వానీలు ఆరు ఏడు స్థానాల్లో ఉన్నారు. ఇక ఈ ర్యాంకింగ్స్ లో 10వ స్థానంలో రాకింగ్ స్టార్ యష్ ఉన్నాడు.

ధనుష్ 2022లో నాలుగు సినిమాలు చేశాడు ఇందులో ఒకటి హాలీవుడ్ లో చేసిన ‘గ్రే మాన్’. ‘తిరుచ్చిత్రాంబలం’ వంద కోట్ల బెంచ్ మార్క్ ని టచ్ చేసింది. ఈ రెండు ప్రాజెక్ట్స్ ఎక్కువగా సెర్చ్ లిస్టులో ఉండడంతో ధనుష్ ఫస్ట్ ప్లేస్ లోకి వెళ్లాడు. ఆ తర్వాత ‘ఆర్ ఆర్ ఆర్’ సినిమా కారణంగా చరణ్, ఎన్టీఆర్, అలియా భట్ లు టాప్ 10లో చోటు సంపాదించారు. పాన్ ఇండియా హిట్ అయిన ఆర్ ఆర్ ఆర్ సినిమా ఇప్పుడు పాన్ వరల్డ్ పేరు తెచ్చుకుంటుంది కాబట్టి ఈ మూవీలో నటించిన వాళ్ల కోసం నెటిజనులు సెర్చ్ చేయడంలో ఆశ్చర్యం లేదు. యష్, అల్లు అర్జున్ లు టాప్ 10 ర్యాంకింగ్స్ లోకి రావడానికి కారణం కూడా ఇదే. ఈ ఇద్దరూ నటించిన ‘KGF 2’, ‘పుష్ప ది రైజ్’ సినిమాలు నార్త్ లో సూపర్ హిట్ అయ్యాయి.

 

Aaaand we have arrived at the moment we’ve all been waiting for 🥁 Presenting the IMDb Top 10 Most Popular Indian Stars of the year 💛

Who was your favourite Indian star this year? 🎬⭐️ #IMDbBestof2022 pic.twitter.com/w6deLsCZ9y

— IMDb India (@IMDb_in) December 7, 2022