Ram Charan: కర్ణాటకలో అడుగు పెట్టనున్న గేమ్ చేంజర్…
కోలీవుడ్ స్టార్ డైరెక్టర్ శంకర్తో సినిమా అంటే మామూలు విషయం కాదు. అది కూడా రాజమౌళి తర్వాత శంకర్తో సినిమా చేస్తున్న ఘనత కేవలం రామ్ చరణ్కే చెల్లింది. ‘RC 15’ అనే వర్కింగ్ టైటిల్ తో సెట్స్ పైకి వెళ్లిన ఈ మూవీని దిల్ రాజ్ ప్రొడ్యూస్ చేస్తున్నాడు. పాన్ ఇండియా సినిమాగా రూపొందుతున్న ‘RC 15’కి గేమ్ చేంజర్ టైటిల్ ని ఫిక్స్ చేసి ఫస్ట్ లుక్ ని కూడా రిలీజ్ చేసారు. ఈ సినిమాలో మెగా పవర్ స్టార్ను ఒక పాత్రలో ముఖ్యమంత్రిగా ఇంకో పాత్రలో ఎలక్షన్ ఆఫీసర్ గా చూపించనున్నాడు శంకర్. ఇటీవలే ఇండియన్ 2 షెడ్యూల్ కంప్లీట్ చేసిన శంకర్, గేమ్ చేంజర్ ని కొత్త షెడ్యూల్ ని మొదలు పెట్టడానికి రెడీ అయ్యాడు. రీసెంట్గా క్లైమాక్స్ ఎపిసోడ్ షూటింగ్ పూర్తి చేసుకున్న ఈ మూవీ లేటెస్ట్ షెడ్యూల్ కర్ణాటక స్టేట్ లోని మైసూర్ లో ప్లాన్ చేసారు. జూన్ 4 నుంచి గేమ్ చేంజర్ షూటింగ్ 8 ఎనిమిది రోజుల పాటు మైసూర్ లో జరగనుంది.
Read Also: Prabhas: రెబల్ స్టార్ మళ్లీ రిస్క్ చేస్తున్నాడా?
మేజర్ స్టార్ కాస్ట్ అంతా పాల్గొననున్న ఈ షెడ్యూల్ కంప్లీట్ అయ్యాకా తమిళనాడులో కూడా ఒక షెడ్యూల్ ని శంకర్ ప్లాన్ చేసాడట. అంజలి, శ్రీకాంత్, రాజీవ్ కనకాల ఇంపార్టెంట్ రోల్స్ ప్లే చేస్తున్న ఈ మూవీకి థమన్ మ్యూజిక్ ఇస్తున్నాడు. గేమ్ చేంజర్ ఈ ఏడాదిలోనే థియేటర్లోకి రావాల్సి ఉండగా, షూటింగ్ డిలే అవ్వడంతో నెక్స్ట్ ఇయర్ సమ్మర్ లో రిలీజ్ చేసే ఆలోచనలో ఉన్నారు మేకర్స్. పవర్ ఫుల్ పొలిటికల్ యాక్షన్ డ్రామాగా తెరకెక్కుతున్న ఈ సినిమాలో.. కియారా అద్వానీ హీరోయిన్గా నటిస్తోంది.