Praveen IPS: ఆర్ఎస్ ప్రవీణ్ కుమార్ బయోపిక్.. ‘ప్రవీణ్ ఐపీఎస్’ గ్లింప్స్ రిలీజ్
Praveen IPS Glimpse: ఐరా ఇన్ఫోటైన్ మెంట్ ప్రైవేట్ లిమిటెడ్ బ్యానర్ పై నీల మామిడాల నిర్మాతగా మాజీ ఐపీఎస్ తెలంగాణ బీఎస్పీ చీఫ్ ప్రవీణ్ కుమార్ బయోపిక్ గా “ప్రవీణ్ ఐపీఎస్” అనే సినిమా తెరకెక్కుతోంది. ఇప్పటికే షూటింగ్ కార్యక్రమాలు పూర్తి చేసుకున్న ఈ సినిమా ఇప్పుడు విడుదలకు సిద్ధంగా ఉంది. నందకిషోర్, రోజా హీరో హీరోయిన్లుగా నటిస్తున్న ఈ సినిమా ద్వారా దుర్గా దేవ్ నాయుడు దర్శకుడిగా పరిచయం అవుతున్నారు. ఇక తాజాగా ఈ సినిమా మోషన్ పోస్టర్ ను ప్రముఖ నిర్మాత వివేక్ కూచిభొట్ల విడుదల చేశారు. తాజాగా ఈ చిత్ర గ్లింప్స్ ను ప్రసాద్ ల్యాబ్ లో విడుదల చేయగా ఈ కార్యక్రమంలో ప్రవీణ్ ఐపిఎస్ సినిమా యూనిట్ సభ్యులతో పాటు నిర్మాత దామోదర్ ప్రసాద్, దర్శకుడు రమణ తేజ వంటి వారు పాల్గొన్నారు.
Alekhya Harika: నక్క తోక తొక్కిన అలేఖ్య హారిక!
ఈ క్రమంలో నిర్మాత దామోదర్ ప్రసాద్ మాట్లాడుతూ ప్రవీణ్ ఐపీఎస్ సినిమా ఒక మంచి కథ కథనంతో ప్రేక్షకుల ముందుకు రాబోతోందని, ఈ సినిమా విజయం సాధించాలని కోరుకుంటున్నానని అన్నారు. మంచి సినిమాలను ప్రేక్షకులు ఎప్పుడూ ఆదరిస్తూ వస్తున్నారని, అదే విధంగా ప్రవీణ్ ఐపిఎస్ సినిమా సక్సెస్ సాధించి అందరికి మంచి పేరు రావాలని కోరుకుంటున్నాను అన్నారు. ఇక నవంబర్ లో ఈ సినిమాను రిలీజ్ చేయడానికి దర్శక నిర్మాతలు ప్లాన్ చేస్తున్నారు. ఈ సినిమాలో నంద కిషోర్, రోజాలతో పాటు దుర్గా దేవ్ నాయుడు, వన్య అగర్వాల్, సతీష్ సరిపల్లి, జ్యోతి తదితరులు కీలక పాత్రల్లో నటిస్తున్నారు. ఇక సరిగ్గా ఎన్నికల ముందు ఈ సినిమా రిలీజ్ అవుతూ ఉండడంతో కొంత పొలిటికల్ మైలేజ్ కూడా లభిస్తుందని ప్రవీణ్ కుమార్ అభిమానులు భావిస్తున్నారు.