AP Municipal Elections 2026 Live Updates: మున్సిపల్ ఎన్నికల పోలింగ్ లైవ్ అప్డేట్స్.. ఎస్ఈసీ కార్యాలయంకు వైసీపీ నేతలు!
- Follow Us :
-
-
Add as a preferred
source on google
ఆంధ్రప్రదేశ్లో మున్సిపల్ ఎన్నికల సమరం మొదలైంది. రాష్ట్రవ్యాప్తంగా పట్టణ స్థానిక సంస్థలకు ఆదివారం ఉదయం 7 గంటలకు పోలింగ్ ప్రారంభమైంది. మొత్తం 92 పట్టణ స్థానిక సంస్థల్లో ఎన్నికలు జరుగుతుండగా.. ఓటర్లు తమ ఓటు హక్కును వినియోగించుకునేందుకు పోలింగ్ కేంద్రాలకు చేరుకుంటున్నారు. సాయంత్రం 5 గంటల వరకు ఓటింగ్ ప్రక్రియ కొనసాగనుంది. రాష్ట్రంలోని 13 మున్సిపల్ కార్పొరేషన్లు, 73 మున్సిపాలిటీలు, 6 నగర పంచాయతీల్లో అధికారులు పోలింగ్ నిర్వహిస్తున్నారు. మొత్తం 100 పట్టణ స్థానిక సంస్థలకు ఎన్నికల ప్రక్రియ చేపట్టగా.. 8 చోట్ల ఎన్నికలు పూర్తిగా ఏకగ్రీవమయ్యాయి. దీంతో మిగిలిన 92 స్థానిక సంస్థల్లో ఓటింగ్ జరుగుతోంది. రాష్ట్రవ్యాప్తంగా మొత్తం 11,378 పోలింగ్ కేంద్రాలను ఏర్పాటు చేశారు.
Also Read
- Koti Deepotsavam 2026 : మీనాక్షి సుందరేశ్వరుల కల్యాణంతో కోటి దీపోత్సవంలో భక్తి పారవశ్యం.!
- Sharwa : డబ్బులు పెట్టి వ్యూస్ కొనుక్కునే స్థితిలో మేము లేము.. 'భోగి' వేదికపై శర్వానంద్ సంచలన వ్యాఖ్యలు!
- Kartik Purnima 2026: కార్తీక పౌర్ణమి నాడు చంద్రుడికి అర్ఘ్యం.. సరైన టైమ్ ఇదే.!
- Dimple Hayathi: ఇప్పటిదాకా నన్ను గ్లామర్ డాల్గానే చూశారు.. ఆ పాత్ర కోసం అన్నీ వదిలేశా!
-
01 Nov 2026 05:50 PM (IST)
విజయవాడ 55వ వార్డులో రాత్రి 7.30గంటల వరకు పోలింగ్. -SEC
పల్నాడు, అనంతపురంలో కొన్నిచోట్ల రీపోలింగ్ జరపాలనే అభ్యర్థనలు వచ్చాయి. ఎన్నికల పరిశీలకులతో మాట్లాడుతున్నాం. రేపటికి పోలింగ్ పర్సంటేజీలు చెబుతాం. విజయవాడ 55వ వార్డులో రెండున్నర గంటలు ఆలస్యంగా పోలింగ్ ప్రారంభమైంది. విజయవాడ 55వ వార్డులో రాత్రి 7.30గంటల వరకు పోలింగ్. -SEC
-
01 Nov 2026 05:09 PM (IST)
ఏపీలో ముగిసిన మున్సిపల్ ఎన్నికల పోలింగ్
ఏపీలో ముగిసిన మున్సిపల్ ఎన్నికల పోలింగ్. సా.5గంటల వరకు క్యూలైన్లో ఉన్నవారికి ఓటు వేసేందుకు అవకాశం. ఎల్లుండి మున్సిపల్ ఎన్నికల ఫలితాలు.
-
01 Nov 2026 04:59 PM (IST)
పోలీసుల తీరుపై వైసీపీ మేయర్ అభ్యర్థి తాటికొండ శ్రీదేవి ఆగ్రహం
గుంటూరు: పోలీసుల తీరుపై వైసీపీ మేయర్ అభ్యర్థి తాటికొండ శ్రీదేవి ఆగ్రహం. ఉదయం నుంచి పోలీసులు ప్రేక్షకపాత్ర పోషిస్తు్న్నారు. తమపై దాడి చేసి బ్యాలెట్ బాక్సులు ధ్వంసం చేస్తున్నారు. పోలీసులు మాత్రం బయటే ఉండి చూస్తున్నారు. పోలింగ్ కేంద్రాల్లో టీడీపీ కార్యకర్తలను గుంపులుగా ఉంచుతున్నారు. -శ్రీదేవి
-
01 Nov 2026 04:06 PM (IST)
జగన్ వల్లే శాంతి భద్రతల సమస్య -మంత్రి లోకేశ్
పులివెందులలో గొడవకు జగన్ కారణమవుతున్నారు. జగన్ వల్లే శాంతి భద్రతల సమస్య. గతంలో పులివెందులలో అన్ని స్థానాలు ఏకగ్రీవమయ్యాయి. ఎలా ఏకగ్రీవమయ్యాయో జగన్ చెప్పాలి. ఇప్పుడు ప్రజాస్వామ్యంపై జగన్ మాట్లాడుతున్నారు. రాష్ట్రమంతా ప్రశాంతంగా ఎన్నికలు జరుగుతున్నాయి. ఒక్క పులివెందులలో గొడవలకు కారణమేంటి. -మంత్రి లోకేశ్
-
01 Nov 2026 03:59 PM (IST)
స్టేట్ ఎలక్షన్ కమిషనర్ కార్యాలయం ఎదుట ఉద్రిక్తత
విజయవాడ: స్టేట్ ఎలక్షన్ కమిషనర్ కార్యాలయం ఎదుట ఉద్రిక్తత. SEC కార్యాలయం గేటు దగ్గర బైఠాయించిన వైసీపీ నేతలు. ఎస్ఈసీకి వ్యతిరేకంగా వైసీపీ నేతల నినాదాలు. పోలింగ్లో అక్రమాలు, దౌర్జన్యాలు జరుగుతున్నా SEC జోక్యం చేసుకోవడంలేదని నిరసన. స్థానిక ఎన్నికల పోలింగ్ సరళిపై వైసీపీ నేతల అభ్యంతరాలు.
-
01 Nov 2026 03:45 PM (IST)
48.03 శాతం పోలింగ్
ఏపీ స్థానిక ఎన్నికల్లో మధ్యాహ్నం 3 వరకు 48.03 శాతం పోలింగ్ నమోదు.
-
01 Nov 2026 03:34 PM (IST)
నర్సీపట్నంలో మ.3గంటల వరకు 63 శాతం పోలింగ్
అనకాపల్లి: నర్సీపట్నంలో మ.3గంటల వరకు 63 శాతం పోలింగ్ నమోదు. పార్వతీపురం మన్యంలో మ.3 గంటల వరకు 59.34 శాతం పోలింగ్ నమోదు.
-
01 Nov 2026 03:28 PM (IST)
లిటిల్ ఫ్లవర్ స్కూల్ పోలింగ్ బూత్లో ఉద్రిక్తత
గుంటూరు: లిటిల్ ఫ్లవర్ స్కూల్ పోలింగ్ బూత్లో ఉద్రిక్తత. ఓట్లు వేసే నెపంతో పోలింగ్ కేంద్రంలోనే టీడీపీ, వైసీపీ నేతల ఘర్షణ. బ్యాలెట్ బాక్సులు కింద పడేసి, నెట్టేశారంటూ ఒకరిపై మరొకరి ఆరోపణలు. ఘటనాస్థలానికి చేరుకొని, ఇరువర్గాలను చెదరగొట్టిన పోలీసులు. చిత్తూరు కార్పొరేషన్ 46వ డివిజన్లో ఉద్రిక్తత. రిగ్గింగ్ కోసం పోలింగ్ బూత్లోకి చొరబడుతున్న అల్లరి మూకలు.
-
01 Nov 2026 03:18 PM (IST)
ఎస్ఈసీ చంద్రబాబు మనిషి -జగన్
ఎస్ఈసీ చంద్రబాబు మనిషి. అధికారులు కూడా చంద్రబాబు చేతిలో తోలుబొమ్మల్లా మారారు. పులివెందులలో రీపోలింగ్ నిర్వహిస్తే అప్పుడు వచ్చి ఓటు వేస్తా. ఇవాళ జరిగిన ఘటనలపై కోర్టుకు వెళ్తాం. ఏపీలో జరుగుతున్న పరిణామాలు చూస్తే ఎన్నికల సంస్కరణలు ఎందుకు అవసరమో అర్థమవుతుంది. -జగన్
-
01 Nov 2026 02:36 PM (IST)
ఎస్ఈసీ కార్యాలయంకు వైసీపీ నేతలు!
వైసీపీ నేతలు ఎస్ఈసీ కార్యాలయానికి వెళ్లారు. రాష్ట్రంలో పోలింగ్ ప్రక్రియపై ఎస్ఈసీకి ఫిర్యాదు చేశారు. ఎంఎల్సీలు అప్పిరెడ్డి, కల్పలతారెడ్డి సహా ఇతర నేతలు ఎస్ఈసీ కార్యాలయంలోకివెళ్లారు.
-
01 Nov 2026 02:25 PM (IST)
అనంతపురం హమాలి కాలనీలో రిగ్గింగ్!
అనంతపురం హమాలి కాలనీలో రిగ్గింగ్ కలకలం రేపింది. 30వ వార్డులో బీజేపీ, వైసీపీ శ్రేణుల మధ్య తోపులాట జరిగింది. బీజేపీ నేతలు దొంగ ఓట్లు వేస్తున్నారని వైసీపీ ఆరోపిస్తోంది. వైసీపీ మేయర్ అభ్యర్థి రమేష్ గౌడ్ను బీజేపీ శ్రేణులు తోసేశాయి. పరిస్థితిని అదుపు చేసేందుకు పోలీసులు లాఠీఛార్జ్ చేశారు.
-
01 Nov 2026 02:11 PM (IST)
అనంతపురంలో రిగ్గింగ్ కలకలం!
అనంతపురం మున్సిపల్ కార్పొరేషన్ ఎన్నికల్లో రిగ్గింగ్ కలకలం రేపింది. 39వ డివిజన్లో వైసీపీ నేతలపై ప్రత్యర్ధులు కర్రలతో దాడులు చేశారు. 30వ డివిజన్లో రిగ్గింగ్ జరిగిందని వైసీపీ ఆరోపిస్తోంది. వైసీపీ జిల్లా అధ్యక్షుడు, మాజీ ఎమ్మెల్యే అనంత వెంకటరామిరెడ్డి, మేయర్ అభ్యర్థి రమేష్ గౌడ్ పోలీసులతో వాగ్వాదానికి దిగారు.
-
01 Nov 2026 02:08 PM (IST)
ఎన్నికలు సజావుగా జరిపే ధైర్యం సీఎంకు లేదు: జగన్
'ప్రతి దాడులతో ఏం సాధించలేం. అలాంటి వాటిని మేం ప్రోత్సహించం. అన్ని చోట్ల మా ఏజెంట్లను పోలింగ్ బూత్లలోకి అనుమతించలేదు. ఏజెంట్లు లేకుండా చేస్తున్నారు, ఓటర్లను బెదరగొడుతున్నారు. మా ఏజెంట్లు లేకపోవడంతో ఇష్టారాజ్యంగా రిగ్గింగ్ చేయిస్తున్నారు. ఎన్నికలు సజావుగా జరిపే ధైర్యం సీఎం చంద్రబాబుకు లేదు' అని వైఎస్ జగన్ అన్నారు.
-
01 Nov 2026 01:49 PM (IST)
జమ్మలమడుగు ఓటింగ్ శాతంలో విచిత్రం!
జమ్మలమడుగులో ఉదయం 7 గంటల నుంచి 9 గంటల వరకూ 20 శాతం ఓటింగ్ నమోదైంది. ఉదయం 9 గంటల నుంచి 11 గంటల వరకూ ఒక్కసారిగా 40 శాతం పెరిగి.. 60కు చేరుకుంది. 11 గంటల నుంచి 1 గంట వరకూ 1 శాతం మాత్రమే పోలింగ్ నమోదైంది.
-
01 Nov 2026 01:46 PM (IST)
పల్నాడు జిల్లాలో 47.8 శాతం ఓటింగ్!
పల్నాడు జిల్లాలో మధ్యాహ్నం ఒంటి గంట వరకు నాలుగు మున్సిపాలిటీలలో 47.8 శాతం ఓటింగ్ నమోదైంది.
చిలకలూరిపేటలో 45.5 శాతం
వినుకొండలో 47.28 శాతం
మాచర్లలో 48.54 శాతం
సత్తెనపల్లిలో 51.91 శాతం
-
01 Nov 2026 01:39 PM (IST)
ఆర్వో చిన్నయ్యకు వినతిపత్రం ఇచ్చిన వైఎస్ జగన్!
పులివెందుల ఆర్వో చిన్నయ్యకు వైఎస్ జగన్ వినతిపత్రం ఇచ్చారు. పులివెందులలో రీపోలింగ్కు జగన్ డిమాండ్ చేశారు. దాడుల వివరాలు, దొంగ ఓట్లు వేస్తున్న తీరును ఆర్వోకు జగన్ వివరించారు.
-
01 Nov 2026 01:17 PM (IST)
ఆర్వో ఆఫీసు ముందు బైఠాయించిన వైఎస్ జగన్!
పులివెందుల ఆర్వో ఆఫీసు ముందు వైసీపీ అధినేత వైఎస్ జగన్ బైఠాయించారు. పులివెందుల క్యాంప్ ఆఫీసు నుంచి ఆర్వో ఆఫీసుకు జగన్ వెళ్లారు. పోలింగ్ బూత్ల్లోకి వైసీపీ ఏజెంట్లను అనుమతించడం లేదని 70 మంది వైసీపీ ఏజెంట్లతో ఆర్వో ఆఫీస్ ముందు జగన్ ఆందోళన చేపట్టారు. ఆర్వో ఆఫీసులోకి అనుమతించకపోవడంతో జగన్ అక్కడే బైఠాయించారు.
-
01 Nov 2026 01:07 PM (IST)
ద్విచక్ర వాహనంపై వచ్చి.. ఓటు హక్కు వినియోగించుకున్న మంత్రి సవిత!
రాష్ట్ర బీసీ సంక్షేమ శాఖ మంత్రి సవిత ద్విచక్ర వాహనంపై వచ్చి పెనుకొండలోని 18వ వార్డులో తన ఓటు హక్కును వినియోగించుకున్నారు. రాష్ట్రంలో ప్రజాస్వామ్యబద్ధంగా మున్సిపల్ ఎన్నికలు జరుగుతున్నాయన్నారు.
-
01 Nov 2026 12:54 PM (IST)
పోలీసులతో జనసేన నాయకుడు దురుసు ప్రవర్తన!
కృష్ణా జిల్లా పెడనలో పోలింగ్ బూత్ వద్ద ఉద్రిక్తత నెలకొంది. పోలీసులతో జనసేన నాయకుడు కొరియర్ శీను దురుసుగా ప్రవర్తించారు. పోలీసుల విధులకు ఆటంకం కలిగించేలా ప్రవర్తించారు. కొరియర్ శీను ప్రవర్తనపై చర్చకు తీసుకున్నారు. పెడన 3వ వార్డులో ఈ ఘటన చోటుచేసుకుంది.
-
01 Nov 2026 12:45 PM (IST)
సత్తెనపల్లిలో కిడ్నాప్ కలకలం!
పల్నాడు జిల్లా సత్తెనపల్లిలో కిడ్నాప్ కలకలం. 12వార్డు వైసీపీ అభ్యర్ధి పెద్దింటి గోవిందమ్మ కుమారుడు చందు కిడ్నాప్ అయ్యాడు. చందును కిడ్నాప్ చేశారని తల్లి గోవిందమ్మ ఆరోపణ చేశారు. హోలీ ఫ్యామిలీ స్కూల్ దగ్గర నుంచి చందును తీసుకొని వెళ్లారని గోవిందమ్మ అంటున్నారు. నలుగురు మాస్కులు దరించి వచ్చారని వైసీపీ అభ్యర్ధి గోవిందమ్మ తెలిపారు.
-
01 Nov 2026 12:34 PM (IST)
శరవేగంగా పోలింగ్ ప్రక్రియ!
అనకాపల్లి జిల్లాలో పోలింగ్ ప్రక్రియ శరవేగంగా కొనసాగుతుంది. నర్సీపట్నంలో మధ్యహ్నం 12 గంటలకే దాదాపుగా 50 శాతం ఓటర్లు తమ ఓటు హక్కును వినియోగించుకున్నారు. మరోవైపు సమస్యాత్మక ప్రాంతాలపై నిఘా కొనసాగుతుంది. నర్సీపట్నం జోన్లో 24 హైపర్ సెన్సిటివ్ బూత్ లను గుర్తించారు. ఎలాంటి గొడవలు చోటు చేసుకోకుండా ప్రత్యేకంగా దృష్టి పెట్టారు పోలిసులు. నర్సీపట్నం ఎలమంచిలి లో 72 వార్డులు ఉన్నాయి. 228 పోలింగ్ బూత్ లు ఏర్పాటు చేశారు. సమస్యత్మక పోలింగ్ కేంద్రాల దగ్గర సీసీ కెమెరాలు, వెబ్ కాస్టింగ్, ప్లయింగ్ స్క్వాడ్ లు ఏర్పాటు చేశారు.
-
01 Nov 2026 12:32 PM (IST)
ఓటింగ్ సరళిని బైక్ మీద వెళ్లి పరిశీలించిన కలెక్టర్!
నెల్లూరు కార్పొరేషన్ పరిధిలోని పలు ప్రాంతాలలో ఓటింగ్ సరళిని కలెక్టర్ హిమాన్షు శుక్ల బైక్ మీద వెళ్లి పరిశీలించారు. 'నెల్లూరులో 28, బుచ్చిలో 20 కంటే ఎక్కువ పోలింగ్ శాతం నమోదు అయింది. ఎక్కడా ఇబ్బందులు లేవు. ఈసారి 65 శాతం కంటే ఎక్కువ పోలింగ్ జరిగేలా చర్యలు తీసుకున్నాం. భారీ వర్షం కురిసినా ఓటింగ్ కి ఇబ్బందులు లేకుండా చర్యలు తీసుకుంటున్నాం' అని చెప్పారు.
-
01 Nov 2026 12:20 PM (IST)
ఓటు హక్కు వినియోగించుకున్న మాజీ మంత్రి విడదల రజిని!
చిలకలూరిపేట మున్సిపల్ ఎన్నికలలో మాజీ మంత్రి విడదల రజిని ఓటు హక్కు వినియోగించుకున్నారు. పురుషోత్తమపట్నంలోని 44వ వార్డులో ఓటు వేశారు. ప్రజాస్వామ్యబద్ధంగా ఎన్నికలు జరగడం లేదని తీవ్ర ఆరోపణలు చేశారు. 'వైసీపీ మున్సిపల్ ఎన్నికల్లో గెలుస్తుందనే భయంతో ఎమ్మెల్యే స్థాయి నుంచే బెదిరింపులకు పాల్పడ్డారు. వైసీపీ తరఫున ఏజెంట్లుగా ఉన్నవారిని పోలింగ్ కేంద్రాల నుంచి బయటకు లాగి టీడీపీ నేతలు రిగ్గింగ్కు పాల్పడుతున్నారు. ఎన్నికల్లో పోటీ చేస్తున్న అభ్యర్థులను, వారి కుటుంబ సభ్యులను అరెస్టు చేసి ఇబ్బందులకు గురిచేస్తున్నారు. అధికారులు, పోలీసులు దగ్గరుండి రిగ్గింగ్కు సహకరిస్తున్నారు. ఇన్ని అక్రమాలు, అన్యాయాలు చేసి గెలిస్తే అది నిజమైన గెలుపు కాదు. ఎన్నికల్లో పోటీ చేసి ప్రజాభిమానంతో గెలవాలి. సరైన సమయంలో ప్రజలే తగిన బుద్ధి చెబుతారు' అని విడదల రజిని అన్నారు.
-
01 Nov 2026 12:00 PM (IST)
ఉదయం 11 గంటల వరకు 22.08 శాతం పోలింగ్
ఏపీ వ్యాప్తంగా ఉదయం 11 గంటల వరకు 22.08 శాతం పోలింగ్ నమోదయింది. గుంటూరు కార్పొరేషన్లో ఉదయం 11 గంటల వరకు 18 శాతం పోలింగ్ నమోదు కాగా.. తిరుపతి కార్పొరేషన్లో ఉ.11 గంటల వరకు 20.12 శాతం పోలింగ్ నమోదయింది. పలమనేరులో 33.2 శాతం.. పల్నాడు జిల్లా చిలకలూరిపేటలో 31 శాతం, వినుకొండలో 27 శాతం పోలింగ్ నమోదయింది.
-
01 Nov 2026 11:46 AM (IST)
అధికార పార్టీకి పోలీసులే సహకరిస్తున్నారు: వైఎస్ జగన్
'పోలీసులే దగ్గరుండి ప్రజాస్వామయ్యాన్ని ఖూనీ చూస్తున్నారు. అందుకు పులివెందులలో జరుగుతున్న ఘటనలే నిదర్శనం. 80పోలింగ్ బూతులు ఉంటే, 70 పోలింగ్ బూతుల్లో వైసీపీ ఏజెంట్లు లేరు. ఉదయం 4 గంటల నుంచే టీడీపీ వాళ్లు పోలింగ్ బూత్లను ఆక్రమించుకున్నారు. వచ్చిన ఓటర్లను పోలీసులే వెనక్కి పంపుతున్నారు. ఓటర్ స్లిప్లు లాగేసుకున్నారు. అధికార పార్టీకి పోలీసులే సహకరిస్తున్నారు. ఇది ప్రజాస్వామ్యమేనా?' అని వైఎస్ జగన్ ప్రశ్నించారు.
-
01 Nov 2026 11:37 AM (IST)
వైఎస్ జగన్ ఇంత ఆర్భాటం చేయాలా?
ఒక ఓటు వేసేందుకు వైఎస్ జగన్ ఇంత ఆర్భాటం చేయాలా? అని వర్ల రామయ్య ఫైర్ అయ్యారు. వైఎస్ జగన్ డైరెక్షన్లోనే పులివెందులలో ఎన్నికలు జరుగుతున్నాయన్నారు. పులివెందుల ఓటర్లు స్వేచ్ఛగా ఓట్లు వేస్తున్నారని, ప్రశాంత వాతావరణాన్ని చెడగొట్టేందుకు వైసీపీ ప్రయత్నిస్తోందన్నారు.
-
01 Nov 2026 11:20 AM (IST)
కూటమి నేతల మధ్య గొడవ!
శ్రీ సత్యసాయి జిల్లా ధర్మవరం మున్సిపల్ ఎన్నికల్లో 11వ వార్డులో కూటమి నేతల మధ్య గొడవ జరిగింది. జనసేన అభ్యర్థి అడ్డగిరి శ్యామ్ కుమార్తో ఉన్న ఏజెంట్ లోపలికి వెళ్లి గ్లాస్ గుర్తుకు ఓటెయ్యండి అని అడుగుతున్నాడని బీజేపీ నాయకులు వాగ్వాదంకు దిగారు. పోలీసుల జోక్యంతో వివాదం సద్దుమణిగింది.
-
01 Nov 2026 11:13 AM (IST)
ఓటు హక్కు వినియోగించుకున్న మంత్రి కొలుసు పార్థసారథి!
ఏలూరు జిల్లా నూజివీడు మున్సిపాలిటీ 18వ వార్డులో మంత్రి కొలుసు పార్థసారథి ఓటు హక్కు వినియోగించుకున్నారు. ప్రజాస్వామ్యంలో ఓటు హక్కును ప్రతి ఒక్కరూ తప్పనిసరిగా వినియోగించుకోవాలని ఆయన పిలుపునిచ్చారు.
-
01 Nov 2026 11:09 AM (IST)
ఓటు హక్కు వినియోగించుకున్న మాజీ మంత్రి గుడివాడ!
విశాఖ మింది హైస్కూల్ బూత్లో మాజీ మంత్రి గుడివాడ అమర్నాథ్ ఓటు హక్కు వినియోగించుకున్నారు. 'ఓటు హక్కు మాత్రమే కాదు పౌరుడి చేతిలో ఆయుధం. ప్రతీ ఒక్కరూ ఓటు హక్కుని వినియోగించుకోవాలి. రాష్ట్రంలో ఎన్నికలు జరుగుతున్న తీరు బాధ కలిగిస్తుంది. ఓటు వేసేందుకు వచ్చే వారిని అడ్డుకోవడం దారుణం. కదన రంగంలో వీరమరణం పొందుతాం తప్ప వెనకడుగు వేసేది లేదు. వైసీపీ వీరోచిత పోరాటం చేసింది. కూటమి ప్రభుత్వం అబద్రతాభావం బయటపడుతుంది. ఓట్లు వేసేందుకు వచ్చిన వారిని భయపెట్టే ప్రయత్నం చేస్తున్నారు. పులివెందులనే టార్గెట్ చెయ్యాలని చూస్తున్నారు. ఇలా జరిగితే ఎన్నికలు ఎందుకు, చంద్రబాబు తన మనుషులను నామినేట్ చేస్తే సరిపోయేది' అని గుడివాడ అమర్నాథ్ ఫైర్ అయ్యారు.
-
01 Nov 2026 11:02 AM (IST)
దొంగ ఓట్ల కలకలం!
అనంతపురం మున్సిపల్ కార్పొరేషన్ ఎన్నికల్లో దొంగ ఓట్లు కలకలం రేపాయి. బుడ్డప్పనగర్లో దుండగులు దొంగ ఓట్లు వేసేందుకు యత్నం చేయగా.. వైసీపీ నేతలు అడ్డుకున్నారు.
-
01 Nov 2026 10:51 AM (IST)
జమ్మలమడుగులో ఉద్రిక్తత!
జమ్మలమడుగులో ఉద్రిక్తత చోటుచేసుకుంది. వైసీపీ ఎమ్మెల్సీ రామసుబ్బారెడ్డికి, పోలీసులకు మధ్య తీవ్ర వాగ్వాదం చోటుచేసుకుంది. ఓటు వేయకుండా ఓటర్లను అడ్డుకుంటున్నారని రామసుబ్బారెడ్డి ఆగ్రహం వ్యక్తం చేశారు. ఓటర్లను టీడీపీ, బీజేపీ, పోలీసులు అడ్డుకుంటున్నారని ఆయన ఆరోపించారు.
-
01 Nov 2026 10:22 AM (IST)
ఏపీలో 8.39 శాతం ఓటింగ్.. నగరిలో అత్యధిక పోలింగ్!
ఏపీ వ్యాప్తంగా ఉన్న 92 పట్టణ స్థానిక సంస్థలలో ఉదయం 9 గంటల సమయానికి సగటున 8.39 శాతం ఓటింగ్ నమోదైంది. చిత్తూరు జిల్లాలోని నగరి పట్టణ స్థానిక సంస్థలో అత్యధికంగా 20.69% ఓట్లు పోల్ అయ్యాయి. వైఎస్ఆర్ కడప జిల్లాలోని జమ్మలమడుగు (20.56%) ద్వితీయ స్థానంలో ఉంది. అనంతపురం జిల్లాలోని గుంతకల్లు పట్టణ స్థానిక సంస్థలో అత్యల్పంగా 2.95% ఓట్లు మాత్రమే పోల్ అయ్యాయి. రాష్ట్రవ్యాప్తంగా మొత్తం 96,89,191 ఓటర్లకు గాను మొదటి రెండు గంటలలో (ఉదయం 9:00 వరకు) 8,12,821 ఓట్లు పోల్ అయ్యాయి.
ప్రధాన నగరాల ఓటింగ్ సరళి:
జీవీఎంసీ (విశాఖపట్నం): 3.34%
విజయవాడ: 7.79%
గుంటూరు: 5.21%
నెల్లూరు: 5.89%
కర్నూలు: 11.15%
తిరుపతి: 11.72%
-
01 Nov 2026 10:14 AM (IST)
ఓటేసిన 98 ఏళ్ల వృద్దురాలు!
గుంటూరు జిల్లా తెనాలిలో 98 ఏళ్ల వృద్దురాలు అనసూయమ్మ ఓటు వేశారు. అంబేద్కర్ జూనియర్ కాలేజీలో వృద్దురాలు అనసూయమ్మ తన ఓటు హక్కు వినియోగించుకున్నారు.
-
01 Nov 2026 10:13 AM (IST)
హైడ్రామా అనంతరం పులివెందుల చేరుకున్న వైఎస్ జగన్!
కాసేపు హైడ్రామా అనంతరం మాజీ సీఎం, వైసీపీ అధినేత వైఎస్ జగన్ పులివెందులకు చేరుకున్నారు. జగన్ హెలికాప్టర్ ల్యాండింగ్కు పోలీసులు అనుమతి నిరాకరించారు. దాంతో కాసేపు హెలికాప్టర్ గాల్లోనే చక్కర్లు కొట్టింది. ఇంధనం లేదని పైలట్ చెప్పడంతో ల్యాండింగ్కు పోలీసులు అనుమతి ఇచ్చారు.
-
01 Nov 2026 10:07 AM (IST)
కొండపల్లిలో పర్యటించిన రాష్ట్ర ఎన్నికల కమిషనర్!
ఎన్టీఆర్ జిల్లా కొండపల్లి మున్సిపాలిటీలో రాష్ట్ర ఎన్నికల ప్రధాన కమిషనర్ అనిల్ చంద్ర పూనేఠ పర్యటించారు. పోలింగ్ బూతుల వసతులను పరిశీలన చేసి.. ఓటింగ్ ఓటింగ్ సరళని అడిగి తెలుసుకుంటున్నారు. కొండపల్లి మున్సిపాలిటీ 36వ వార్డులో ఎన్నికల కమిషనర్ పర్యటించారు.
-
01 Nov 2026 09:59 AM (IST)
ఎన్నికలను అడ్డుకోవాలనే ఇలా: మంత్రి కందుల దుర్గేష్
మున్సిపల్ ఎన్నికలను అడ్డుకోవాలని వైసీపీ నేతలు పోలింగ్ కేంద్రాల వద్ద ఘర్షణ వాతావరణ సృష్టిస్తున్నారని రాష్ట్ర మంత్రి కందుల దుర్గేష్ ఆరోపిస్తున్నారు. రాయలసీమలోని పోలింగ్ కేంద్రాల వద్ద ఘర్షణకు దిగి ఓటర్లు ఓటు హక్కు వినియోగించుకునే స్వేచ్ఛకు భంగం కలిగిస్తున్నారని విమర్శించారు. అయినా రాష్ట్రంలోని అన్ని మున్సిపాలిటీల్లో ప్రజలు స్వేచ్ఛగా తమ ఓటు హక్కును వినియోగించుకుంటున్నారని అంటున్నారు. అభివృద్ధి సంక్షేమ పథకాలు సక్రమంగా అమలు చేయటానికి మున్సిపాలిటీల్లో కూటమి అభ్యర్థులకు ఓటర్లు పట్టం కట్టాలని విజ్ఞప్తి చేశారు.
-
01 Nov 2026 09:57 AM (IST)
కళ్యాణదుర్గం మున్సిపాలిటీలో ప్రశాంతంగా పోలింగ్!
అనంతపురం జిల్లా కళ్యాణదుర్గం మున్సిపాలిటీలో పోలింగ్ ప్రశాంతంగా కొనసాగుతోంది.
ఉదయం 9 గంటల వరకు పోలింగ్ వివరాలు:
మొత్తం వార్డులు: 32
మొత్తం ఓటర్లు: 36,622
పోలైన ఓట్లు: 1,997
పోలింగ్ శాతం: 5.45%
-
01 Nov 2026 09:56 AM (IST)
విజయవాడ 55వ డివిజన్లో తిరిగి ప్రారంభమైన పోలింగ్!
విజయవాడ 55వ డివిజన్లో పోలింగ్ తిరిగి ప్రారంభమైంది. జిల్లా ఎన్నికల అధికారి డాక్టర్ జి. లక్ష్మీ చర్యలతో ఓటింగ్ ప్రక్రియ సజావుగా సాగుతోంది. 55వ డివిజన్ పరిధిలో అభ్యర్థుల గుర్తులు తారుమారు కాగా.. వెంటనే జిల్లా యంత్రాంగం స్పందించింది. యుద్ధప్రాతిపదికన కొత్త బ్యాలెట్ పేపర్లను ఎన్నికల అధికారులు ప్రింట్ చేయించారు. గంటల వ్యవధిలోనే సమస్యను పరిష్కరించిన యంత్రాంగం పోలింగ్ను పునఃప్రారంభించింది. ఓటర్లు ఎలాంటి ఆందోళన చెందకుండా తమ ఓటు హక్కును వినియోగించుకోవాలని జిల్లా కలెక్టర్ విజ్ఞప్తి చేశారు. పోలింగ్లో ఏమైనా ఇబ్బందులు తలెత్తితే కంట్రోల్ రూమ్ నెంబర్ 98854 65827కు సమాచారం అందించాలని చెప్పారు.
-
01 Nov 2026 09:53 AM (IST)
వైసీపీ ఇన్ఛార్జ్ రాజీవ్ రెడ్డిని అడ్డుకున్న పోలీసులు!
కర్నూలులోని ఎమ్మిగనూరు గోనెగండ్ల బైపాస్ దగ్గర ఉద్రిక్తత నెలకొందో. వైసీపీ ఇన్ఛార్జ్ రాజీవ్ రెడ్డిని సిటీలోకి రాకుండా పోలీసులు అడ్డుకున్నారు. దాంతో వైసీపీ శ్రేణులు పోలీసులతో వాగ్వాదానికి దిగాయి.
-
01 Nov 2026 09:21 AM (IST)
టీడీపీ బూత్ ఏజెంట్పై దాడి!
పల్నాడు జిల్లా సత్తెనపల్లిలో ఉద్రిక్తత నెలకొంది. సత్తెనపల్లి 19వ వార్డులో టీడీపీ-వైసీపీ కార్యకర్తల మధ్య ఘర్షణ చోటుచేయుకుంది. టీడీపీ బూత్ ఏజెంట్పై వైసీపీ కార్యకర్తలు దాడి చేశారు.
-
01 Nov 2026 09:16 AM (IST)
వైసీపీ కార్యకర్తలకు గాయాలు!
పులివెందుల 38వ వార్డు పరిధిలోని సరస్వతి విద్యామందిర్ పోలింగ్ కేంద్రం వద్ద కూడా ఉద్రిక్తత చోటుచేసుకుంది. అక్కడ టీడీపీ శ్రేణులు రాళ్ల దాడికి పాల్పడినట్లు వైసీపీ వర్గాలు ఆరోపించాయి. ఈ ఘటనలో వైసీపీ కార్యకర్తలకు గాయాలయ్యాయి. ఇరు వర్గాల మధ్య ఘర్షణలు చోటుచేసుకోవడంతో అక్కడ పరిస్థితి ఉద్రిక్తంగా మారింది. పోలింగ్ కేంద్రాల వద్ద ఘర్షణలపై పోలీసులు అప్రమత్తమయ్యారు. 18వ వార్డు యర్రగుడిపల్లి వద్ద వైసీపీ, టీడీపీ వర్గాల మధ్య తోపులాట జరగగా.. పోలీసులు జోక్యం చేసుకుని ఇరువర్గాలను చెదరగొట్టారు. వరుస ఘటనలతో పులివెందుల మున్సిపల్ ఎన్నికల పోలింగ్పై ఉత్కంఠ నెలకొంది.
-
01 Nov 2026 09:15 AM (IST)
వైసీపీ అభ్యర్థి వైఎస్ ప్రమీలపై దాడి!
ఆంధ్రప్రదేశ్లో మున్సిపల్ ఎన్నికల పోలింగ్ వేళ వైఎస్సార్ కడప జిల్లా పులివెందులలో తీవ్ర ఉద్రిక్త పరిస్థితులు నెలకొన్నాయి. టీడీపీ, వైసీపీ వర్గాల మధ్య ఘర్షణలు, రాళ్ల దాడుల ఘటనలు కలకలం రేపుతున్నాయి. వైసీపీ మున్సిపల్ చైర్పర్సన్ అభ్యర్థి వైఎస్ ప్రమీలపై దాడి జరిగింది. 21వ వార్డు పోలింగ్ కేంద్రంలోకి వెళ్తున్న సమయంలో ఆమెపై టీడీపీ శ్రేణులు దాడి చేశాయి. ఈ ఘటనలో ఆమె ప్రయాణిస్తున్న వాహనం కూడా ధ్వంసమైనట్లు తెలుస్తోంది.
-
01 Nov 2026 09:01 AM (IST)
ఓటు హక్కును వినియోగించుకున్న బాలకృష్ణ దంపతులు!
హిందూపురంలో ఎమ్మెల్యే బాలకృష్ణ, ఆయన సతీమణి వసుంధర దేవి తమ ఓటు హక్కును వినియోగించుకున్నారు. మున్సిపల్ పరిధిలోని మూడవ వార్డు ఒకటవ బూత్ లో బాలకృష్ణ దంపతులు తమ ఓటు హక్కును వినియోగించుకున్నారు. 'ప్రజాస్వామ్యంలో ఓటు హక్కు అనేది వారి ప్రాథమిక హక్కు. పనిచేసే వారికి ఓటెయ్యాలి, పనిచేయని వారికి ఓటేయరాదు. అభివృద్ధిని చూసి ప్రజలు ఓటెయ్యాలి' అని ఎమ్మెల్యే బాలకృష్ణ అన్నారు.
-
01 Nov 2026 08:47 AM (IST)
85 మంది రౌడీ షీటర్ల బైండ్ ఓవర్!
ఏలూరు మున్సిపల్ కార్పొరేషన్ ఎన్నికల ప్రశాంత వాతావరణంలో కొనసాగుతోంది. సమస్యాత్మక ప్రాంతాల్లో పోలీస్ నిఘా ముమ్మరం చేశారు. కార్పొరేషన్ పరిధిలో 85 మంది రౌడీ షీటర్లను ఇప్పటికే బైండ్ ఓవర్ చేశారు. ఏలూరు డిఎస్పి శ్రావణ్ కుమార్ సమస్య ఆత్మకు పోలింగ్ కేంద్రాలను ఎప్పటికప్పుడు పరిశీలిస్తున్నారు.
-
01 Nov 2026 08:45 AM (IST)
వైసీపీ కార్యకర్తలకు గాయాలు!
పులివెందుల సరస్వతి విద్యామందిర్ దగ్గర ఉద్రిక్తత నెలకొంది. 38వ వార్డు దగ్గర వైసీపీ శ్రేణులపై టీడీపీ నేతలు రాళ్ల దాడి చేశారు. ఈ దాడిలో వైసీపీ కార్యకర్తలకు తీవ్ర గాయాలు అయ్యాయి.
-
01 Nov 2026 08:29 AM (IST)
విజయవాడ 55వ డివిజన్లో నిలిచిన పోలింగ్!
విజయవాడ నగరపాలక సంస్థ ఎన్నికల్లో బ్యాలెట్ పేపర్ల ముద్రణ పొరపాటు కలకలం రేపింది. నగరంలోని పశ్చిమ నియోజకవర్గ పరిధిలో ఉన్న ఓల్డ్ రాజరాజేశ్వరి పేట 55వ డివిజన్లో అభ్యర్థుల పేర్లకు ఎదురుగా ఎన్నికల గుర్తులు తారుమారుగా ముద్రితమయ్యాయి. ఈ విషయం వెలుగులోకి రావడంతో అధికారులు వెంటనే స్పందించి ఆ డివిజన్లో పోలింగ్ ప్రక్రియను నిలిపివేశారు. 55వ డివిజన్లో రెండు గంటల పాటు పోలింగ్ ఆలస్యం కానుంది.
-
01 Nov 2026 08:16 AM (IST)
అన్నమయ్య జిల్లా మదనపల్లెలో ఉద్రిక్తత!
అన్నమయ్య జిల్లా మదనపల్లెలో ఉద్రిక్తత చోటుచేసుకుంది. పోలింగ్ బూత్లోకి తమ ఏజెంట్లను అనుమతించడంలేదని వైసీపీ ఆందోళన చేపట్టింది. వైసీపీ మున్సిపల్ చైర్మన్ అభ్యర్థి వెంకటచలపతి రోడ్డుపై బైఠాయించి ధర్నాకు దిగారు.
-
01 Nov 2026 07:57 AM (IST)
ఓటు హక్కు వినియోగించుకున్న ఏబీ వేంకటేశ్వర రావు!
విజయవాడలో తన ఓటు హక్కును ఏబీ వెంకటేశ్వరరావు వినియోగించుకున్నారు. 'ఎన్నికలు ప్రశాంతంగా జరుగుతున్నాయి. గతంలో ఎప్పుడూ లేనంత ప్రశాంత వాతావరణంలో ఎన్నికలు జరగడం మంచి పరిణామం. ప్రతీ ఒక్కరు తమ ఓటు హక్కును వినియోగించుకోవాలి. నిన్న కొంతమంది అభ్యర్థులు డబ్బులు పంచుతుండగా మావాళ్లు వీడియోలు రికార్డ్ చేశారు. ఈ విషయాన్ని ఎలక్షన్ కమిషన్ దృష్టికి తీసుకెళ్లాను' అని ఎన్టీవీతో ఏబీవీ ప్రతేకంగా చెప్పారు.
-
01 Nov 2026 07:51 AM (IST)
పులివెందుల 27వ వార్డు పోలింగ్ బూత్ దగ్గర ఉద్రిక్తత!
పులివెందుల 27వ వార్డు పోలింగ్ బూత్ దగ్గర ఉద్రిక్తత చోటుచేసుకుంది. వృద్ధురాలి చేతిలోని బ్యాలెట్ స్లిప్ను టీడీపీ ఏజెంట్లు లాక్కున్నారు. పులివెందుల సత్రం స్కూల్ పోలింగ్ బూత్ దగ్గర ఈ ఘటన చోటుచేసుకుంది.
-
01 Nov 2026 07:35 AM (IST)
పల్నాడు జిల్లాలో వైసీపీ నేతల హౌస్ అరెస్ట్!
ఆంధ్రప్రదేశ్లో స్థానిక సంస్థల ఎన్నికల పోలింగ్ నేపథ్యంలో పల్నాడు జిల్లాలో వైసీపీ నేతలను పోలీసులు హౌస్ అరెస్ట్ చేశారు. మాచర్లలో మాజీ ఎమ్మెల్యే పిన్నెల్లి రామకృష్ణారెడ్డి, చిలకలూరిపేటలో మాజీ మంత్రి విడదల రజిని హౌస్ అరెస్ట్, వినుకొండలో మాజీ ఎమ్మెల్యే బొల్లా బ్రహ్మనాయుడు హౌస్ అరెస్ట్ అయ్యారు. కొందరు వైసీపీ నేతలను బైండోవర్ చేసి.. పోలీస్ స్టేషన్లకు తరలించారు.
ట్రెండింగ్
-
Store Fresh Coconut: కొబ్బరికాయ కొట్టాక త్వరగా పాడవుతోందా?.. ఈ టిప్స్ ట్రై చేయండి.!
-
Agniveers: కీలక నిర్ణయం తీసుకున్న కేంద్ర ప్రభుత్వం.. అగ్నివీరులకు భారీ ఊరట..
-
NASA Astronaut Video: అంతరిక్షంలో నీటి బిందువుల విన్యాసం.. వెనుక ఉన్న అసలు సైన్స్ ఇదే..
-
Yuvraj Singh: పంత్ విధ్వంసానికి యువరాజ్ ఫిదా.. బ్యాట్తోనే సమాధానమిచ్చావంటూ ప్రశంసలు!
-
Vegetable Biryani Recipe: ఇంట్లోనే రెస్టారెంట్ రుచి.. తెల్లగా, మెతుకు మెతుకు విడివిడిగా ఉండే ‘వెజిటబుల్ బిర్యానీ’ ఇలా చేసేయండి..!