Prasanth Varma: హనుమాన్ ను దీవించడానికి నిజంగా హనుమంతుడే వచ్చాడు..
Prasanth Varma: హనుమాన్ సినిమాతో ప్రశాంత్ వర్మ మరోసారి హిట్ అందుకున్నాడు. జాంబీ రెడ్డి తరువాత తేజ- ప్రశాంత్ మరోసారి హనుమాన్ తో ప్రేక్షకుల ముందుకు వచ్చారు. మొట్ట మొదటి సూపర్ హీరో సినిమాగా హనుమాన్ తెరకెక్కింది. ఎన్నో అంచనాల మధ్య నేడు రిలీజ్ అయిన ఈ చిత్రం ప్రేక్షకులను విశేషంగా ఆకట్టుకుంది. ముఖ్యంగా విజువల్ వండర్ ట్రీట్ ప్రశాంత్ వర్మ ఇచ్చాడని అభిమానులు చెప్పుకొస్తున్నారు. ఒక సాధారణమైన యువకుడికి హనుమంతుని శక్తులు వస్తే.. వాటిని చెడుకు ఉపయోగించకుండా ఊరు మంచి కోసం ఉపయోగించాలనుకోవడం.. ఇక ఆ శక్తులను పొందడం కోసం విలన్ విశ్వప్రయత్నాలు చేయడం.. చివరికి హనుమంతుడే వచ్చి.. చెడును నాశనం చేయడం ఎంతో అద్భుతంగా చూపించాడు. ఒక విజన్ తో ప్రశాంత్ వర్మ ఈ సినిమాను తెరకెక్కించినట్లు కనిపిస్తోంది. కేవలం 25 కోట్ల బడ్జెట్ తో ఇంత అద్భుతాన్ని సృష్టించడం అనేది మాములువిషయం కాదు. ఇక ప్రతి ఒక్కరు హనుమాన్ సినిమాను ప్రశంసిస్తున్నారు.
తాజాగా తన సినిమాను ఆశీర్వదించాడానికి హనుమంతుడే స్వయంగా వచ్చాడని ప్రశాంత్ వర్మ చెప్పుకొచ్చాడు. తన ఆఫీస్ కు వానరం వచ్చిందని ఒక ఫోటోను షేర్ చేశాడు. చూడండి.. నా ఆఫీస్ కు ఎవరు వచ్చారో అంటూ క్యాప్షన్ పెట్టాడు. ప్రస్తుతం ఈ పోస్ట్ నెట్టింట వైరల్ గా మారింది. ఇక దీంతో హనుమాన్ ను దీవించడానికి నిజంగా హనుమంతుడే వచ్చాడు.. అన్నా.. అంతో కామెంట్స్ పెడుతున్నారు. మరి ఈ సినిమా ఎలాంటి రికార్డులను క్రియేట్ చేస్తుందో చూడాలంటే.. రేపటి వరకు ఆగాల్సిందే.
Look who’s come to my office! 😊 pic.twitter.com/lLbIYJaIlW
— Prasanth Varma (@PrasanthVarma) January 12, 2024