పాన్ ఇండియా స్టార్ ప్రభాస్ ప్రస్తుతం వరుస సినిమాలతో బిజీగా మారిన విషయం విదితమే. ఇప్పటికే ఆదిపురుష్ సినిమాను పూర్తి చేసిన ప్రభాస్ సలార్, ప్రాజెక్ట్ కె చిత్రాల్లో నటిస్తున్నాడు. ఇక ఈ సినిమాలు కాకుండా స్పిరిట్ త్వరలోనే సెట్స్ మీదకు వెళ్లనుంది. ఇక ఇవి కాకుండా మారుతి దర్శకత్వంలో రాజా డీలక్స్ సినిమాను ఓకే చేశాడు. అయితే వీటితో పాటు ప్రభాస్, క్రియేటివ్ డైరెక్టర్ కృష్ణవంశీ దర్శకత్వంలో నటిస్తున్నట్లు సమాచారం. ప్రస్తుతం కృష్ణవంశీ రంగమార్తాండ సినిమాతో రీ ఎంట్రీ ఇస్తున్న విషయం విదితమే. ప్రకాష్ రాజ్, రమ్యకృష్ణ జంటగా నటిస్తున్న ఈ చిత్రం ప్రస్తుతం పోస్ట్ ప్రొడక్షన్ పనులను జరుపుకొంటోంది. ఈ సినిమా రిలీజ్ కాకముందే ‘అన్నం’ పరబ్రహ్మ స్వరూపం అనే మరో సినిమాను కృష్ణవంశీ ప్రకటించిన విషయం విదితమే.
తాజాగా అందుతున్న సమాచారం ప్రకారం అన్నం సినిమాలో ప్రభాస్ హీరోగా నటిస్తున్నాడని టాక్ నడుస్తోంది. ఫస్ట్ లుక్ పోస్టర్ లో పచ్చటి అరిటాకు మీద అన్నం, పక్కనే రక్తంతో తడిసిన కత్తి చూపించారు. దీంతో ఇది ఒక రివెంజ్ స్టోరీ అని చెప్పుకొస్తున్నారు. ఇక ఇందులో టాప్ హీరో నటిస్తున్నాడు అనే వార్తలు వచ్చాయి కానీ పాన్ ఇండియా స్టార్ ప్రభాస్ ఈ సినిమాను టేకాఫ్ చేస్తాడు అని ఎవరు అనుకోని ఉండరు. అయితే కృష్ణవంశీ- ప్రభాస్ కాంబోలో ఇప్పటికే ‘చక్రం’ సినిమా వచ్చిన విషయం విదితమే. ఈ సినిమాకు గాను కృష్ణవంశీ నంది అవార్డు అందుకున్నాడు. ఈ బాండింగ్ తోనే కృష్ణవంశీ కథ చెప్పగానే ప్రభాస్ ఒప్పుకున్నాడని తెలుస్తోంది. త్వరలోనే ఈ విషయాన్నీ కృష్ణవంశీ అధికారికంగా ప్రకటించనున్నాడట. మరి ఇదే కనుక నిజమైతే కృష్ణ వంశీ అన్నం చిత్రంలో ప్రబస్ ను ఏ విధంగా చూపించనున్నాడో చూడాలి.
