Baahubali : ఫౌజీ మరో బాహుబలి?

‘ఫౌజీ’ రిలీజ్ విషయంలో అందరూ అనుకున్నదే జరిగింది. రిలీజ్ వాయిదా అంటూ వచ్చిన వార్తే నిజమైంది. నిర్మాత రవిశంకరే ‘పోస్ట్‌పోన్ అవుతోంది’ అని పబ్లిక్‌గా ప్రకటించారు. వాయిదా వార్తతో డార్లింగ్ ఫ్యాన్స్ డల్ కాకుండా, బూస్ట్ అప్ ఇచ్చే మాట చెప్పాడు. డిసెంబర్ 3న రావాల్సిన ‘ఫౌజీ’ వాయిదా పడింది. అయితే, ‘లిటిల్ బిట్ వెనకబడింది’ అన్నారే కానీ, మళ్ళీ ఎప్పుడు వస్తుందో చెప్పలేదు. షూటింగ్ ఎప్పుడు పూర్తవుతుందో మేకర్స్‌కి క్లారిటీ లేకపోవడంతో కచ్చితంగా చెప్పలేకపోతున్నారు. ‘ది ప్యారడైజ్’ ప్రీ-రిలీజ్ ఈవెంట్‌కు ముఖ్య అతిథిగా వచ్చిన నిర్మాత రవిశంకర్, ఫౌజీ పోస్ట్‌పోన్‌ను అఫీషియల్‌గా ప్రకటించాడు.

“ఫౌజీ… ఫౌజీ ఉందమ్మా ఫౌజీ! లిటిల్ బిట్ కొంచెం వెనక్కి వెళ్తుంది కానీ.. కానీ అది వేరే లెవెల్ సినిమా. మీరు ప్రభాస్‌ని ‘బాహుబలి’ తర్వాత అంత గొప్పగా చూడలే, ఆ రేంజ్ సినిమా అది. కాకపోతే చిన్న సారీ, కొంచెం వెనక్కి వెళ్తున్నాం. మీరు అసలు దాన్ని లైఫ్ లాంగ్ చెరిష్ (Cherish) చేస్తారు, అంత పెద్ద గొప్ప సినిమా” అని ఫౌజీ రిలీజ్ వాయిదాతో ఫ్యాన్స్ డల్ కాకుండా.. బాహుబలి లాంటి గొప్ప సినిమా అంటూ బూస్ట్ అప్ ఇచ్చాడు నిర్మాత. మధ్యలో హిట్ అయిన సలార్, కల్కిని మించిపోతుందేమో చూడాలి మరి. ప్రభాస్ ఒకేసారి రెండు మూడు పడవలపై ప్రయాణించడంతో, ఒక్క మూవీకి కూడా డేట్స్ ఇచ్చి త్వరగా కంప్లీట్ చేయలేకపోతున్నాడు. చెప్పిన రిలీజ్ డేట్‌కు థియేటర్స్‌లోకి వచ్చిన సినిమా ఒక్కటీ కనిపించదు. డార్లింగ్ ప్రతి సినిమా ఇలా వాయిదా పడడంతో ఫ్యాన్స్ ఇబ్బంది పడుతున్నారు. థియేటర్స్‌లో బొమ్మ పడినప్పుడు చూద్దాంలే అన్న డెసిషన్‌కు వచ్చేశారు.