Prabhas: మరో వివాదంలో ‘ఆదిపురుష్’… కోర్ట్ నోటీసులు

పాన్ ఇండియా స్టార్ ప్రభాస్ యాక్షన్ మోడ్ నుంచి మైథాలజీ జోనర్ లోకి వెళ్లి చేస్తున్న సినిమా ‘ఆదిపురుష్’. ఓం రౌత్ డైరెక్ట్ చేస్తున్న ఈ మూవీ ‘రామాయణం’ ఆధారంగా రూపొందుతుంది. సైఫ్ అలీ ఖాన్ ‘రావణ’గా, కృతి సనన్ ‘సీత’గా నటిస్తున్న ఈ ఆదిపురుష్ మూవీని ఏ టైంలో అనౌన్స్ చేశారో తెలియదు కానీ అప్పటినుంచి ఈ సినిమా ఎదో ఒక వివాదంలో ఇరుక్కుంటూనే ఉంది. హనుమంతుడి గెటప్, రావణ హెయిర్ స్టైల్, ప్రభాస్ వేషధారణ, విజువల్ ఎఫెక్ట్స్ ఇలా ఎదో ఒక విషయంలో ఆదిపురుష్ సినిమా విమర్శలు, వివాదాలతో గడిపేస్తుంది. అన్ని బాగుంటే నిన్న విడుదల అయ్యి ఈపాటికి రిజల్ట్ తేలిపోవాల్సిన ఈ మూవీని పోస్ట్ ప్రొడక్షన్ లో క్వాలిటీ పెంచడం కోసం వాయిదా వేశారు. విజువల్ ఎఫెక్ట్స్ పై నెగటివ్ కామెంట్స్ ఎక్కువగా వస్తుండడంతో మేకర్స్ ఆదిపురుష్ మూవీని పోస్ట్ పోన్ చేశారు.

Read Also: Vaarasudu Review: వారసుడు మూవీ రివ్యూ (తమిళ డబ్బింగ్)

ఇప్పుడు ఉన్న పరిస్థితిలో అసలు ఆదిపురుష్ సినిమా ఎప్పుడు రిలీజ్ అవుతుంది అనే క్లారిటీ లేకనే ప్రభాస్ ఫాన్స్ తలపట్టుకోని కూర్చుంటూ ఉంటే, తాజాగా ఈ సినిమా మరో వివాదంలో చిక్కుకుంది. సెన్సార్ బోర్డ్ నుండి సర్టిఫికేట్ పొందకుండానే చిత్ర నిర్మాతలు ఆదిపురుష్ సినిమా ప్రోమోను విడుదల చేశారని, ఇది నిబంధనలను స్పష్టంగా ఉల్లంఘించడమేనని పిటిషన్‌లో కుల్దీప్ తివారీ అనే వ్యక్తి పేర్కొన్నారు. సినిమాలో సీతా దేవి పాత్రను పోషిస్తున్న కృతి సనన్ దుస్తులపైనా కూడా పిటిషన్‌లో అభ్యంతరం వ్యక్తం చేశాడు కులదీప్. పిల్ ను విచారణకు స్వీకరించిన కోర్టు సెన్సార్ బోర్డుకు నోటీసులు పంపింది. అలహాబాద్ హైకోర్టు ప్రభాస్ సినిమాపై పిల్‌పై సమాధానం ఇవ్వమని సెన్సార్ బోర్డుని కోరింది. మరి ఈ వివాదంపై చిత్ర యూనిట్ ఎలా స్పందిస్తుందో చూడాలి.

Read Also: Gopichand 30: భోగి రోజున బాలయ్య వదిలిన ‘రామబాణం’