Poonam Kaur: ఫేక్ సిక్కులు నిలబడలేరు..పూనం మరో సంచలనం!

‘దురంధర్ 2’ సినిమా పేరుతో పవన్ కళ్యాణ్ ఫ్యాన్స్‌ని పూనమ్ కౌర్ మరోసారి టార్గెట్ చేసింది. నిజానికి, చాలా కాలం నుంచి పవన్ కళ్యాణ్ పేరును నేరుగా ప్రస్తావించకుండా పవన్ కళ్యాణ్ ఫ్యాన్స్‌ను ఆమె టార్గెట్ చేస్తూ రెచ్చగొడుతున్న సంగతి అందరికీ తెలిసిందే. ఇక ఇప్పుడు పవన్ కళ్యాణ్ నటించిన ‘ఉస్తాద్ భగత్ సింగ్’ సినిమాతో పాటు, రన్వీర్ సింగ్ హీరోగా నటించిన ‘దురంధర్ 2’ సినిమా కూడా ఒకే రోజున ప్రేక్షకుల ముందుకు వచ్చాయి. ఇక తాజాగా పూనమ్ కౌర్ ఇదే విషయాన్ని ప్రస్తావిస్తూ.. “జస్క్రిత్ సింగ్ రంగీ.. ద రియల్ సింగ్, స్టోరీ ఆఫ్ రియల్ హీరో.. దురంధర్ 2 చూసేందుకు నేను పరిగెత్తుకుంటూ వెళ్లాను. నో ఫేక్ సింగ్ వుడ్ స్టాండ్ ఇన్ ఫ్రంట్ ఆఫ్ దిస్ బాక్స్ ఆఫీస్” అంటూ ఆమె ట్వీట్ చేసింది.

Also Read :ధురంధర్ మూవీ షాకింగ్ రివీల్: పాత్రల అసలు వ్యక్తులు ఎవరంటే?

వాస్తవానికి ఇక్కడ ఆమె పవన్ కళ్యాణ్ పేరును ప్రస్తావించలేదు, కానీ కింద కామెంట్స్‌లో మాత్రం పవన్ కళ్యాణ్ ఫ్యాన్స్ ఆమెను టార్గెట్ చేస్తున్నారు. నిజానికి కొద్ది రోజుల క్రితం పవన్ కళ్యాణ్ తన అధికారిక పర్యటనలో భాగంగా మహారాష్ట్ర వెళ్ళినప్పుడు, అక్కడ సిక్కు మతస్తులతో సమావేశం అయ్యారు. ఈ సందర్భంగా ఆయన సిక్కు గెటప్‌లో కనిపించారు. ఈ క్రమంలోనే ఆమె ‘ఫేక్ సిక్’ అంటూ పవన్ కళ్యాణ్‌ను పరోక్షంగా ప్రస్తావించింది అంటూ కామెంట్ చేస్తున్నారు. ఇక పూనమ్ కౌర్ కూడా సిక్కు కమ్యూనిటీకి చెందిన మహిళ అనే సంగతి తెలిసిందే.

Ran to watch story of jaskeerat Singh rangi ( the real Singh ) – story of real hero – #Dhurandhar2‌

No fake Singh would stand in front of this at Box office 😎

(Sikhi) pic.twitter.com/0QyxJrchkE

— पूनम कौर ❤️ poonam kaur (@poonamkaurlal) March 21, 2026