Pic Of The Day: ఇద్దరు గజినీలు ఒకే ఫ్రేమ్ లో.. చూడడానికి రెండు కళ్లు చాలడం లేదే

Pic Of The Day: సాధారణంగా ఒక సినిమా ఒక భాషలో హిట్ అయితే.. ఇంకో భాషలో రీమేక్ అవుతుంది అనేది అందరికి తెలుసు. అలా ఒరిజినల్, రీమేక్ చేసిన హీరోలు ఒకే ఫ్రేమ్ లో కనిపిస్తే ఎలా ఉంటుంది. ప్రస్తుతం అలాంటి ఒక అరుదైన కలయిక జరిగింది. గజినీ.. ఈ పేరు వినగానే టక్కున ఇద్దరు హీరోలు మైండ్ లో మెదులుతారు. వారే.. కోలీవుడ్ స్టార్ హీరో సూర్య, బాలీవుడ్ స్టార్ హీరో అమీర్ ఖాన్. సూర్య, ఆసిన్ జంటగా ఎ. ఆర్. మురుగదాస్ దర్శకత్వంలో తెరకెక్కిన చిత్రం గజినీ. 2005 లో రిలీజైన ఈ సినిమా భారీ విజయాన్ని అందుకొని రికార్డ్ కలక్షన్స్ రాబట్టింది. ఇక సూర్యను తెలుగువారికి దగ్గరచేసిన సినిమా అంటే గజినీ అనే చెప్పుకోవాలి. ఇప్పటికి కూడా గజినీ సాంగ్ ఎక్కడో ఒక చోట ప్లే అవుతూనే ఉంటాయి. ఇక ఇదే సినిమాను 2008 లో బాలీవుడ్ స్టార్ హీరో అమీర్ ఖాన్ రీమేక్ చేశాడు. ఈ చిత్రాన్ని గీతా ఆర్ట్స్ బ్యానర్ పై అల్లు అరవింద్ నిర్మించడం విశేషం. ఇక హిందీలో కూడా గజినీ భారీ విజయాన్ని అందుకుంది. ఇక ఈ సినిమాల తరువాత అమీర్ ఖాన్, సూర్య కెరీర్స్ మారిపోయాయి.

Venky Kudumula: డైరెక్టర్ ఇంట విషాదం.. దయచేసి ఆ పని చేయకండి అంటూ ట్వీట్

ఇక తాజాగా ఈ ఇద్దరు ఒకే ఫ్రేమ్ లో కనిపించి కనువిందు చేశారు. ఈ అరుదైన కలయికకు వేదికగా మారింది కమల్ హాసన్ బర్త్ డే బాష్. నేడు కమల్ పుట్టినరోజు కావడంతో.. బిగ్ పార్టీని నిర్వహించారు. ఈ పార్టీకి సూర్య తో పాటు కోలీవుడ్ మొత్తం కదిలివచ్చింది. ఇక కమల్ స్నేహితులు కూడా అటెండ్ అయ్యారు. అందులో అమీర్ ఖాన్, కన్నడ స్టార్ హీరో శివన్న కూడా ఉన్నారు. ఈ పార్టీలో వారందరూ కలిసి దిగిన ఫోటో సోషల్ మీడియాను షేక్ చేస్తోంది. ఇక ఈ ఫోటోను చూసిన అభిమానులు ఇద్దరు గజినీలు ఒకే ఫ్రేమ్ లో.. చూడడానికి రెండు కళ్లు చాలడం లేదే అంటూ కామెంట్స్ పెడుతున్నారు.