Pawan Kalyan: పవర్ స్టార్ పవన్ కళ్యాణ్ మొట్టమొదటిసారి ఒక టాక్ షోకు వెళ్లిన సంగతి తెల్సిందే. నందమూరి బాలకృష్ణ హోస్ట్ గా వ్యవహరిస్తున్న అన్ స్టాపబుల్ 2 లో నేడు పవన్ సందడి చేశారు. బిగ్గెస్ట్ అండ్ క్రేజీ ఎపిసోడ్ గా ఈ షూట్ జరిగింది. ఇక ముందు నుంచి అనుకుంటున్నట్లే.. బాలయ్య చమత్కారానికి పవన్ పగలబడి నవ్వినట్లు తెలుస్తోంది. ఎంతో సరదాగా సాగిన ఈ ఎపిసోడ్ లో బాలయ్య.. కొద్దిగా రాజకీయాన్ని కూడా టచ్ చేసినట్లు ఈ ఎపిసోడ్ లో పాల్గొన్న పవన్ అభిమానులు చెప్పుకొస్తున్నారు. ఇక అందరు ఊహించినట్టుగానే ఈ షో లో పవన్ మూడు పెళ్లిలపై బాలయ్య ప్రశ్న సంధించాడట.. దానికి పవన్ హేటర్స్ కు బుద్ధివచ్చేలా సమాధానం చెప్పినట్లు తెలుస్తోంది. తానేది కావాలని చేసింది కాదని, తనకు ఆ రిలేషన్ సెట్ అవ్వదు అని తెలిసినప్పుడు ఇద్దరి అభిప్రాయంతోనే విడిపోయినట్లు చెప్పారట.. అంతేకాకుండా ఒకరికి విడాకులు ఇచ్చిన తరువాతనే మరొకరిని పెళ్ళాడనని, వారి అనుమతితోనే విడిపోయాయని చెప్పారట.
ఇక పవన్ వ్యాఖ్యలతో ఏకీభవించిన బాలయ్య సైతం పవన్ హేటర్స్ కు గట్టి వార్నింగ్ ఇచ్చాడట.. ఒకరి పర్సనల్ విషయాలను పబ్లిక్ చేయడం ఈజీ ఏమో.. కానీ వారు ఎంతలా బాధపడతారో అర్ధం చేసుకోవాలని, ఇలాంటి వ్యాఖ్యలు చేసేటప్పుడు వారి కుటుంబాన్ని ఒకసారి గుర్తుచేసుకోవాలని అన్నారట. దీంతో స్టేజి మొత్తం బాలయ్య .. జై బాలయ్య అరుపులతో మారుమ్రోగిపోయాయట. ఇక ఈ హింట్స్ తో ఈ ఎపిసోడ్ పై మరిన్ని అంచనాలు పెరిగిపోయాయి. ఎప్పుడెప్పుడు ఈ ఎపిసోడ్ స్ట్రీమ్ అవుతుందా..? అని అభిమానులు ఎదురుచూస్తున్నారు.
