NTR: సీడెడ్ ఆయన అడ్డా… దేవర బిజినెస్ ని మూడు రోజుల్లో ఊదేస్తారు

సీడెడ్… ఈ ఏరియా పేరు వింటే చాలు ఇది నందమూరి హీరోల అడ్డా అనే విషయం గుర్తొస్తుంది. ఫ్యామిలీ లెగసీని క్యారీ చేస్తే సీడెడ్ తన కోటగా మార్చుకున్నాడు యంగ్ టైగర్ ఎన్టీఆర్. సీడెడ్ టాప్ కలెక్షన్స్ సాధించిన సినిమాల లిస్ట్ తీస్తే అందులో ఎన్టీఆర్ మూవీ తప్పకుండా ఉంది. సినిమా రిజల్ట్ తో సంబంధం లేకుండా సీడెడ్ లో రికార్డ్ ఓపెనింగ్స్ ని రాబట్టడం ఎన్టీఆర్ కి అలవాటైన పని. సింపుల్ గా చెప్పాలి అంటే ఎన్టీఆర్ సినిమా వస్తుంది అంటే సీడెడ్ లో డే 1 కలెక్షన్స్ కి కొత్త బెంచ్ మార్క్ సెట్ అయినట్లే. ఎన్టీఆర్ రీజనల్ సినిమాతో వస్తేనే అలా ఉంటే ఇక కొరటాల శివతో కలిసి పాన్ ఇండియా సినిమా అడుగుపెడితే ఎలా ఉంటుందో ఊహించుకోవచ్చు. సెలబ్రేషన్స్ నుంచి కలెక్షన్స్ వరకూ అన్ని విషయాల్లో టాప్ ఉండేలా చూసుకుంటారు ఎన్టీఆర్ సీడెడ్ ఫ్యాన్స్.

దేవర సినిమాతో ఇదే ప్రూవ్ అవ్వబోతుంది. ఏప్రిల్ 5న దేవర సినిమా రిలీజ్ కాబోతుంది, ఏప్రిల్ 6న దేవర సీడెడ్ లో కొత్త రికార్డ్ సెట్ చేసింది అనే మాటని ప్రతి ఒక్కరు వింటారు అని ఎన్టీఆర్ ఫ్యాన్స్ కాన్ఫిడెంట్ గా చెప్తున్నారు. లేటెస్ట్ గా వినిపిస్తున్న లెక్కల ప్రకారం… దేవర సినిమా సీడెడ్ థియేట్రికల్ రైట్స్ ని 25 కోట్ల చెప్తున్నారట మేకర్స్. 25 కోట్లకి డీల్ ఫైనల్ అయితే సీడెడ్ ఏరియాలో బిజినెస్ వరకే దేవర రికార్డ్ సెట్ చేసినట్లు అవుతుంది. 25 కోట్లా… డే 1 10 కోట్ల షేర్ ఇస్తాం… ఫస్ట్ మూడు రోజులు కంప్లీట్ అయ్యే సరికి బ్రేక్ ఈవెన్ మార్క్ ని రీచ్ అయ్యేలా చూస్తాం అంటూ ఎన్టీఆర్ ఫ్యాన్స్. ఇదే జరిగితే, ఎన్టీఆర్ ఫ్యాన్స్ చెప్పిన మాట నిలబెట్టుకుంటే సీడెడ్ గడ్డపై సెగలు పుట్టడం ఖాయం.