SSMB 29: రాజమౌళి సినిమా కోసం మహేష్‌కి స్పెషల్ ట్రైనింగ్…ఆ 3 నెలలు మిస్సింగే ఇక!

Mahesh Babu to take special training for Rajamouli Film: మహేష్ బాబు ప్రస్తుతానికి త్రివిక్రమ్ దర్శకత్వంలో గుంటూరు కారం అనే సినిమా చేస్తున్నాడు. హారిక హాసిని క్రియేషన్స్ సీతా ఎంటర్టైన్మెంట్స్ బ్యానర్ల మీద ఈ సినిమాని నాగ వంశీ భారీ బడ్జెట్ తో నిర్మిస్తున్నారు. ఇప్పటికే పలు సార్లు వాయిదా పడుతూ వచ్చిన ఈ సినిమా షూటింగ్ ప్రస్తుతానికి శరవేగంగా జరుగుతోంది. ఈ సినిమాని ఎట్టి పరిస్థితుల్లో సంక్రాంతికి రిలీజ్ చేయాలని భీష్మించుకుని కూర్చున్న సినిమా యూనిట్ వీలైనంత త్వరగా సినిమా షూటింగ్ పూర్తి చేయాలని ప్రయత్నాలు అయితే జరుపుతున్నట్లు తెలుస్తోంది. అయితే ఈ సినిమా పూర్తయిన వెంటనే మహేష్ బాబు రాజమౌళి దర్శకత్వంలో ఒక సినిమా చేయాల్సి ఉంది. మహేష్ బాబు కెరీర్ లో 29వ సినిమాగా తెరకెక్కుతున్న ఈ సినిమాని కేఎల్ నారాయణ నిర్మించబోతున్నారు.

Kushitha kallapu: బజ్జీల పాపకి గురూజీ బంపర్ ఆఫర్.. ఏకంగా మహేష్ తోనే?

ఇప్పటివరకు ఈ సినిమా కథ ఒక కొలిక్కి రాలేదు కానీ హాలీవుడ్ రేంజ్ లో ఉండబోతుందని ఇండియానా జోన్స్ తరహాలో ఈ సినిమా కథ ఉండే అవకాశం ఉందని సినిమాకి కాదు అందిస్తున్న విజయేంద్ర ప్రసాద్ అయితే లీకులు ఇచ్చారు, ఇక తాజాగా అందుతున్న సమాచారం మేరకు ఈ ఏడాది డిసెంబర్ నుంచి మూడు నెలలపాటు మహేష్ బాబు ఈ సినిమా కోసం స్పెషల్ ట్రైనింగ్ కోసం వెళ్లబోతున్నట్లుగా తెలుస్తోంది. ఈ మేరకు రాజమౌళి ఇప్పటికే మహేష్ బాబు టీంకి సమాచారం ఇచ్చారని దాదాపు మూడు నెలలపాటు ఈ స్పెషల్ ట్రైనింగ్ ఉంటుందని ఆయన హింట్ ఇచ్చినట్లు తెలుస్తోంది. ఈ లెక్కన చూసుకుంటే మహేష్ బాబుతో రాజమౌళి ఏదో గట్టిగా ప్లాన్ చేస్తున్నాడు అనే ప్రచారం అయితే టాలీవుడ్ వర్గాల్లో పెద్ద ఎత్తున జరుగుతుంది. మరి చూడాలి రాజమౌళి మహేష్ బాబు కాంబినేషన్ లో తెరకెక్కుతున్న ఈ సినిమా ఎన్ని రికార్డులు బద్దలు కొట్టి ఎంత కలెక్షన్స్ వసూలు చేయబోతుంది అనేది.