హీరోయిన్ పై వేధింపులు… హీరోకు షాకిచ్చిన కోర్ట్
హీరోయిన్ వేధింపుల కేసులో మలయాళ నటుడు దిలీప్ కుమార్ కు ఉపశమనం లభించేలా కనిపించడం లేదు. గత కొన్ని రోజులుగా కేరళ హైకోర్టులో అనేక మలుపులు తిరుగుతున్న ఈ కేసులో దిలీప్ కుమార్ చుట్టూ మరింతగా ఉచ్చు బిగుస్తోంది. తాజా వార్త ఏమిటంటే, జనవరి 31న అంటే సోమవారం 10.15 నిమిషాల వరకు తన మొబైల్ ను కోర్టుకు అప్పగించాలని కేరళ హైకోర్టు దిలీప్ను ఆదేశించింది. ఈ విషయంలో న్యాయం జరిగేలా ప్రతి కోణంలో చూడాలని న్యాయస్థానం ఆదేశించింది. మొబైల్ నుండి చాలా కీలకమైన సమాచారాన్ని పొందవచ్చు. ఈ వ్యవహారం చాలా పాతదే అయినా.. కోర్టు కఠినంగా వ్యవహరించడంతో మళ్లీ ఈ కేసులో విచారణకు అవకాశం ఏర్పడింది.
Read Also : “సలార్”పై క్రేజీ బజ్… త్వరలో అనౌన్స్మెంట్
కుట్ర కేసు నమోదైన తర్వాత దిలీప్, ఆయన సహచరులు తమ మొబైల్ ఫోన్లను మార్చుకున్నారని గతంలో క్రైమ్ బ్రాంచ్ పేర్కొంది. ఈ కేసులో మొబైల్ ఫోన్ల పాత్ర కీలకమని, ఈ కేసు దర్యాప్తు అధికారులకు ఫోన్ను అప్పగించాలని డిమాండ్ చేశారు. జనవరి 9వ తేదీన పోలీసులు ఆడియో క్లిప్ ఆధారంగా దిలీప్పై కేసు నమోదు చేశారు. ఈ కేసులో నటుడితో పాటు పలువురు లైంగిక వేధింపుల ఆరోపణలు ఎదుర్కొంటున్నారు.
2017లో లైంగిక వేధింపులకు గురైన నటి, దర్శకుడు బాలచంద్రకుమార్ ఇటీవల వెల్లడించిన విషయాలను దృష్టిలో ఉంచుకుని ఈ విషయంపై విచారణ జరపాలని కోరుతూ కేరళ ముఖ్యమంత్రి పినరయి విజయన్కు లేఖ రాశారు. ఈ లేఖలో నటి తన వేదనను వ్యక్తం చేస్తూ ముఖ్యమంత్రిని ఆదుకోవాలని కోరారు. ఈ ఆరోపణలపై విచారణ జరిపించాలని నటి లేఖలో రాసింది. వీరికి ముఖ్యమంత్రి కార్యాలయం నుంచి ఇంకా ఎలాంటి సమాధానం రాలేదు. ఇప్పుడు ఈ కేసులో అనేక విషయాలు వెలుగులోకి వస్తున్నాయి.