చిరు- బాబీ స్టోరీ లీక్..?

మెగాస్టార్ చిరు వరుస సినిమాలతో బిజీగా మారిపోయారు. ప్రస్తుతం ఆయన మూడు సినిమాలలో నటిస్తున్నారు. మోహన్ రాజా దర్శకత్వంలో ‘గాడ్ ఫాదర్’, మెహర్ రమేష్ దర్శకత్వంలో ‘బోళా శంకర్’.. బాబీ దర్శకత్వంలో ‘వాల్తేరు వీర్రాజు’ .. శరవేగంగా షూటింగ్ జరుపుకుంటున్న ఈ చిత్రాలలో ‘వాల్తేరు వీరయ్య’ స్టోరీ ఇదే అంటూ కొన్ని వార్తలు గుప్పుమంటున్నాయి. మెగా 154 గా మొదలైన ఈ చిత్రం అరాచకం ఆరంభం అంటూ ఫుల్ యాక్షన్ లోకి దింపేశారు. ఇక ఈ చిత్రంలో చిరు అండర్ కవర్ పోలీసాఫీసర్ గా కనిపించనున్నాడట.. పోకిరి సినిమాలో మహేష్ బాబు ఆ మొదట అంతా మాస్ హీరోలా కనిపించి, చివర్లో పోలీస్ గా బరిలోకి దిగనున్నారట. ఈ మూవీ ప్రధాన నేపథ్యం శ్రీలంక అని, అక్కడ జరిగే అక్రమాలకు అడ్డుకట్ట వేయడానికి చిరు కూలీగా ఎంట్రీ ఇచ్చి.. వారిలో ఒకడిగా మారి చివర్లో పోలీస్ గా మారి విలన్ల ఆట కట్టించడమే సినిమా అని తెలుస్తోంది. ఇందులో మాస్ యాక్షన్ మాత్రం హైలెట్ గా మారనున్నదంట .

యంగ్ డైరెక్టర్ అయినా కూడా మాస్ ఎలెమెంట్స్ చూపించడంలో బాబీ ప్రత్యేక శ్రద్ద చూపిస్తున్నాడట… ఊర మాస్ లుక్ అందుకు తగ్గ యాసతో చిరు పూనకాలు తెప్పించడం ఖాయమంటున్నారు. మరి ఈ కథలో ఎంతవరకు నిజముందో లేదో తెలియదు కానీ, ఇదే స్టోరీ కనుక నిజమైతే థియేటర్లో ఫ్యాన్స్ అరుపులు మాములుగా ఉండవు.. చిరును మాస్ హీరోగా చూసి చాలా రోజులవుతున్నదని, ఈ సినిమాతో మళ్లీ చిరు స్టామినా ఏంటో చూపించాలని ఫ్యాన్స్ కోరుకుంటున్నారు. మరి ఈ సినిమా ఎలా ఉండబోతుందో చూడాలంటే ఇంకొన్ని రోజులు ఆగాల్సిందే.