Nikhil Siddhartha: ఇట్స్ అఫీషియల్.. తండ్రి కాబోతున్న నిఖిల్
Hero Nikhil Siddhartha to become a father soon: గత కొద్ది రోజులుగా జరుగుతున్న ప్రచారం నిజమని తేలింది. హీరో నిఖిల్ తండ్రి కాబోతున్నాడు. తన లుక్స్ తో చాలా మంది అమ్మాయిల మనసు కొల్లగొట్టిన నటుడు నిఖిల్, 2020లో తన ప్రేయసి, డాక్టర్ పల్లవి వర్మను వివాహం చేసుకుని షాక్ ఇచ్చారు. లాక్డౌన్ సమయంలో, ఈ జంట కేవలం కుటుంబ సభ్యులు మరియు సన్నిహితుల మధ్య వివాహం చేసుకున్నారు. ఇటీవల ‘స్పై’ సినిమాతో ప్రేక్షకుల ముందు వచ్చిన నిఖిల్ సిద్ధార్థ్ త్వరలో తండ్రి కాబోతున్నట్లు ప్రకటించారు. ఆయన భార్య, పల్లవి వర్మ ఇప్పుడు గర్భవతి. ఈ దంపతులు తమ మొదటి బిడ్డను స్వాగతించడం కోసం ఉత్సాహంగా ఎదురుచూస్తున్నారు. ఇక ఇప్పుడు హీరో నిఖిల్ తండ్రి కాబోతున్నాడన్న వార్త వినగానే అభిమానులు ఆనందంలో మునిగిపోయారు.
Anchor Suma: మరీ ఇలా దొరికిపోయవ్ ఏంటి సుమక్కా ?
ఇక సినిమాల విషయానికి వస్తే ఆగస్ట్లో నిఖిల్ తన తదుపరి సినిమా ‘స్వయంభూ’ షూటింగ్ను ప్రారంభించాడు. ఈ చిత్రంలో సంయుక్త మీనన్ కథానాయికగా నటిస్తోంది. నిఖిల్కి ఇది 20వ సినిమా. ఈ సినిమాలో, నిఖిల్ ఒక పురాణ యోధుని పాత్రను పోషిస్తాడని అంటున్నారు. ఇక ఈ సినిమా కోసమే గుర్రపు స్వారీ, పోరాట నైపుణ్యాలతో సహా ఇంటెన్సివ్ ట్రైనింగ్ కూడా తీసుకుంటున్నాడు. ఇక ఆ తరువాత నిఖిల్ ది ఇండియా హౌస్ అనే సినిమాలో కూడా హీరోగా నటిస్తున్నాడు. ఇటీవల, ఒక మీడియా ఇంటరాక్షన్లో, నిఖిల్ సిద్ధార్థ్ తన కెరీర్ గురించి మాట్లాడుతూ రెండు సినిమాలు తన కెరీర్ మార్చడానికి సహాయపడ్డాయని వెల్లడించారు. హ్యాపీ డేస్, కార్తికేయ 2 తనకు గేమ్ ఛేంజర్ సినిమాలు అని పేర్కొన్నాడు. నిఖిల్ మాటలను బట్టి ఒకటి తెలుగు రాష్ట్రాల్లో మంచి పేరు తెచ్చి పెట్టగా మరొకటి అతనికి దేశ వ్యాప్తంగా పేరు తెచ్చి పెట్టింది.