Holi Cleaning Tips: హోలీ రంగులు మీ ఇంటిని, గోడలను, ఫ్లోరింగ్ను మురికిగా మార్చేశాయా? ఇలా చేయండి చాలు..
- Follow Us :
-
-
Add as a preferred
source on google
Holi Cleaning Tips: హోలీ పండుగ అంటేనే రంగుల మయం.. పెద్దలు కొంత వరకు ఇళ్లను విడచి బయట రంగులు చల్లుకున్నా.. పిల్లలు ఉంటే మాత్రం.. అమ్మలకు ఫుల్ పనే అని చెప్పాలి.. ఎందుకంటే.. పిల్లలు ఇళ్లలో.. హోలీ ఆడుతూ.. ఫ్లోరింగ్, గోడలు, తలుపులు.. ఇలా ఇంటిని మొత్తం రంగులతో నింపివేసే సందర్భాలు ఉంటాయి.. పిల్లల డ్రెస్లు, వారి శరీరంపై పట్టుకున్న రంగులనే కాదు.. ఇంట్లో పట్టిన జిడ్డు రంగులను కూడా వదిలించాల్సి వస్తుంది.. అయితే, హోలీ తర్వాత ఇంటిని శుభ్రపరిచే సులభమైన చిట్కాలు ఇప్పుడు తెలుసుకుందాం.. మొండి రంగులను, గోడలు, ఫ్లోరింగ్ను రక్షిస్తూ, క్షణాల్లో శుభ్రం చేయడానికి ఈ ఆధునిక హోమ్ క్లీనింగ్ హ్యాక్స్ చాలా సహాయపడతాయి.
1. గోరువెచ్చని నీరు + డిష్ సబ్బు: కొద్దిగా డిష్ వాషింగ్ లిక్విడ్ను గోరువెచ్చని నీటిలో కలపండి. మైక్రోఫైబర్ క్లాత్ లేదా మృదువైన స్పాంజ్తో మరకలను సున్నితంగా రుద్దండి.. ఇలా వాషబుల్ పెయింట్, టైల్స్ మరియు గోడలకు వెంటనే శుభ్రం చేసుకోవచ్చు..
2. బేకింగ్ సోడా పేస్ట్: బేకింగ్ సోడాను కొద్దిగా నీటితో కలిపి మందపాటి పేస్ట్ చేయండి. 10–15 నిమిషాల పాటు మరకపై ఉంచి, మృదువైన బ్రష్తో స్క్రబ్ చేయండి. దీంతో తెల్ల గోడలు, పాలరాయి ఫ్లోర్లకు అత్యంత ప్రభావవంతం చూపుతాయి..
3. వెనిగర్ స్ప్రే: స్ప్రే బాటిల్లో తెల్ల వెనిగర్ నింపి మరకలపై నేరుగా స్ప్రే చేయండి. 5 నిమిషాల తర్వాత పొడి గుడ్డతో తుడవండి. రంగును తొలగిస్తుంది మరియు దుర్వాసన నివారిస్తుంది… సహజ రాయిపైన ఎక్కువసేపు ఉంచకూడదు (పాలరాయి వంటి).
4. టూత్పేస్ట్ హ్యాక్: తెల్ల, నాన్-జెల్ టూత్పేస్ట్ను మరకపై అప్లై చేసి, సున్నితంగా రుద్దండి. చిన్న మరియు సున్నితమైన మరకలకు, స్విచ్బోర్డులు లేదా గోడ మూలలపై ఉపయోగపడుతుంది.
5. నెయిల్ పాలిష్ రిమూవర్: ఆయిల్-బేస్డ్ పెయింట్ మీద తడిసిన మరకలకు కొద్దిగా నెయిల్ పాలిష్ రిమూవర్ ఉపయోగించవచ్చు. ముందుగా టెస్ట్ ప్యాచ్లో పరీక్షించండి. టైల్స్ లేదా గ్లాస్ వంటి ఉపరితలాలకు మాత్రమే సురక్షితం.
6. ఆవిరి శుభ్రపరచడం (Steam Cleaning): స్టీమ్ క్లీనర్ ఉపయోగించి రంగును సులభంగా తొలగించవచ్చు. రసాయనాల వినియోగం లేకుండా, హోలీ తర్వాత గోడలు మరియు ఫ్లోర్లను ప్రకాశవంతం చేయడానికి ఉత్తమ మార్గం. ఈ సులభమైన హోమ్ హ్యాక్స్తో, హోలీ తరువాత మీ ఇంటి గోడలు, ఫ్లోర్లు మరియు టైల్స్ సురక్షితంగా, నిమిషాల్లో ప్రకాశవంతంగా మారుస్తాయి.