Peddi: హుక్ స్టెప్పులు.. సిక్సర్ ఎలివేషన్లతో బుచ్చిబాబు మాస్టర్ ప్లాన్!

సాధారణంగా సినిమాల్లో ఒక సాంగ్ హిట్ అయితే అది రీల్స్‌లో ఫేమస్ అవుతుంది. కానీ ‘పెద్ది’ విషయంలో బుచ్చిబాబు ఒక అడుగు ముందుకేసి, ప్రతి సాంగ్‌లోనూ చెర్రీతో ఎనర్జిటిక్ హుక్ స్టెప్స్ వేయిస్తున్నారు. మొదటి సాంగ్ ‘చికిరీ’లో అదిరిపోయే స్టెప్స్‌తో అలరించిన రామ్ చరణ్, ఇప్పుడు సెకండ్ సింగిల్‌లో కూడా తన గ్రేస్, స్పీడ్‌తో బాక్సాఫీస్‌ను షేక్ చేయడానికి సిద్ధమయ్యారు. ప్రస్తుతం సినిమా సక్సెస్‌లో మీమ్స్ కీలక పాత్ర పోషిస్తున్నాయి. అది గ్రహించిన బుచ్చిబాబు, టీజర్ మరియు పాటల్లో ప్రత్యేకంగా ఎలివేషన్ షాట్స్ డిజైన్ చేశారు.

ALso Read:Tollywood : యూట్యూబ్‌ను షేక్ చేస్తోన్న మాస్ బీట్ సాంగ్స్

టీజర్‌లో రామ్ చరణ్ బ్యాట్‌ను నేలకు కొట్టి సిక్సర్ బాదడం ఒక ఎత్తు అయితే, సెకండ్ సింగిల్‌లో మరో డిఫరెంట్ స్టైల్‌లో సిక్స్ కొట్టడం ఫ్యాన్స్‌కు ఐ-ఫీస్ట్‌లా మారింది. ఈ షాట్స్ ఇప్పుడు సోషల్ మీడియాలో మీమ్ మెటీరియల్‌గా వైరల్ అవుతున్నాయి. ఈ సినిమా నిడివి (రన్ టైమ్) గురించి గత కొన్ని రోజులుగా సోషల్ మీడియాలో రకరకాల వార్తలు వినిపిస్తున్నాయి. సినిమా 3 గంటలకు పైగా ఉంటుందంటూ వస్తున్న ప్రచారాన్ని చిత్ర యూనిట్ తాజాగా ఖండించింది. కథకు అవసరమైన మేరకే నిడివి ఉంటుందని, ప్రేక్షకులను ఎక్కడా బోర్ కొట్టించకుండా గ్రిప్పింగ్ నరేషన్‌తో సినిమా సాగుతుందని స్పష్టం చేశారు.