ఆపిల్ బ్యూటీ హన్సిక గురించి ప్రత్యేకంగా చెప్పాల్సిన పనిలేదు.తెలుగులో వరుసగా స్టార్ హీరోల సరసన నటించి ఎన్నో హిట్స్ తన ఖాతాలో వేసుకుంది .తన అందం నటనతో హన్సిక ఎంతగానో ఆకట్టుకుంది.ప్రస్తుతం ఈ భామ వరుసగా తమిళ సినిమాలు చేస్తూ మెప్పిస్తుంది.2022 డిసెంబర్లో తన ప్రియుడు మరియు బిజినెస్మెన్ సోహైల్ కథురియాను హన్సిక పెళ్లాడింది. ఓ వైపు కుటుంబ బాధ్యతల్ని నిర్వర్తిస్తూనే హన్సిక వరుసగా సినిమాలు చేస్తుంది.ఈ భామ హీరోయిన్గా నటించిన తమిళ హారర్ మూవీ గార్డియన్. ఈ మూవీకి శబరి గురు శరవణన్ దర్శకత్వం వహించాడు.
మార్చి 8న ఈ మూవీ థియేటర్లలో రిలీజ్ అయింది. ఈమూవీ ప్రేక్షకులను అంతగా ఆకట్టుకోలేదు.థియేటర్స్ లో విడుదల అయినా మొదటి వారమే ఈ మూవీ కనుమరుగైపోయింది.ఈ సినిమాలో హన్సిక యాక్టింగ్ మినహా హారర్ ఎలిమెంట్స్ , కామెడీ అంతగా బాగాలేదంటూ విమర్శలొచ్చాయి.అయితే ఈ సినిమా 2022లోనే మొదలైంది. అయితే షూటింగ్ డిలే కావడం,కొన్ని ఇతర కారణాల వల్ల ఈ సినిమా విడుదల ఆలస్యమైంది. షూటింగ్ పూర్తయిన రెండేళ్లకు ఈ మూవీ థియేటర్లలోకి వచ్చింది .కానీ ప్రేక్షకుల్ని మెప్పించలేకపోయింది. ఈ సినిమాలో హన్సికతో పాటు సురేష్ చంద్ర మీనన్ మరియు శ్రీమాన్ కీలక పాత్రలు పోషించారు. ఇదిలా ఉంటే ఈ మూవీ తాజాగా ఓటీటీలో రిలీజైంది. శుక్రవారం నుంచి సింప్లీ సౌత్ ఓటీటీలో ఈ మూవీ స్ట్రీమింగ్ అవుతోంది.అయితే ఓవర్సీస్ ఆడియెన్స్ మాత్రమే సింప్లీసౌత్ ఓటీటీలో ఈ హారర్ మూవీని చూడొచ్చు. ఇండియన్ ఆడియెన్స్ గార్డియన్ మూవీని చూడాలంటే మరో వారం ఎదురు చూడాలి . మే 10 నుంచి అమెజాన్ ప్రైమ్ వీడియో ఓటీటీలో ఈ హారర్ మూవీ స్ట్రీమింగ్ కానున్నట్లు సమాచారం.మే 10 న ఈ మూవీ అమెజాన్ ప్రైమ్లో తమిళంతో పాటు తెలుగులో కూడా స్ట్రీమింగ్ కానుంది .
