Dil Raju: బిగ్ సర్ ప్రైజ్.. ‘ఎఫ్3’ లో పవన్ కళ్యాణ్

విక్టరీ వెంకటేష్, వరుణ్ తేజ్ మల్టీస్టారర్ గా తెరకెక్కిన చిత్రం ఎఫ్3. అనిల్ రావిపూడి దర్శకత్వంలో రూపిండిన ఈ చిత్రాన్ని ప్రముఖ నిర్మాత దిల్ రాజు నిర్మిస్తున్నాడు. ఇప్పటికే ఈ సినిమా నుంచి రిలీజైన సాంగ్స్, ట్రైలర్ ప్రేక్షకులను విశేషంగా ఆకట్టుకున్నాయి. ఇక ఈ సినిమా మే 27 న రిలీజ్ అవుతున్న విషయం విదితమే. దీంతో ప్రమోషన్ల జోరును పెంచేశారు చిత్ర బృందం. ఈ ప్రమోషన్లలో భాగంగా నిర్మాత దిల్ రాజు ఒక ఆసక్తికరమైన విషయాన్నీ వెల్లడించారు. దీంతో ఈ సినిమాపై ఒక్కసారిగా అంచనాలు రెట్టింపయ్యాయి. ఇప్పటికే ఈ చిత్రంలో స్టార్ క్యాస్టింగ్ ఎక్కువగానే ఉన్న విషయం విదితమే.. అయితే బిగ్ సర్ ప్రైజ్ గా ఈ చిత్రంలో పవర్ స్టార్ పవన్ కళ్యాణ్ కనిపించనున్నారట. ఈ విషయాన్ని దిల్ రాజు స్వయంగా చెప్పడం విశేషం.

“మీ అందరికి మరొక సర్ ప్రైజ్ ఉంది.. ఈ చిత్రంలో స్క్రీన్ మీద పవన్ కళ్యాణ్ కనిపిస్తారు.. నమ్మండి ఈ సినిమా పెద్ద బ్లాక్ బస్టర్ అవుతుంది” అని చెప్పుకొచ్చారు. దీంతో ఒక్కసారిగా ఈ సినిమాపై అంచనాలు భారీగా పెరిగిపోయాయి. మరి పవన్ స్వయంగా నటించారా..? లేక ఆయనకు సంబంధించిన రిఫరెన్స్లు ఏమైనా వాడారా..? అనేది తెలియాల్సి ఉంది. అయితే వెంకటేష్- పవన్ కళ్యాణ్ మధ్య స్నేహ బంధం ఉన్న విషయం విదితమే. ఈ ఇద్దరి కాంబినేషనల్ లో ఇప్పటికే గోపాల గోపాల వచ్చింది. పవన్ నటించిన అజ్ఞాత వాసి లో వెంకటేష్ గెస్ట్ అప్పీయరెన్స్ ఇచ్చాడు. ఈ బంధంతో ఎఫ్ 3 లో పవన్ కనిపించే ఛాన్స్ కూడా లేకపోలేదు అంటున్నారు అభిమానులు. మరి ఇందులో నిజం ఎంత అనేది తెలియాలంటే రేపటి వరకు ఆగాల్సిందే.