Raviteja: మాస్ మహారాజ్ మిస్టర్ బచ్చన్ టీజర్ ఎప్పుడో తెలుసా..?

రవితేజ లేటెస్ట్ చిత్రం ‘మిస్టర్ బచ్చన్‌’ . బాలీవుడ్‌లో వచ్చిన రైడ్‌ చిత్రానికి రీమేక్‌గా తెరకెక్కుతోన్న ఈ చిత్రానికి హరీష్‌ శంకర్‌ దర్శకత్వం వహిస్తున్నాడు.రవితేజ నటించిన ‘షాక్’ చిత్రంతో ఫ్లాప్ ఇచ్చినా మిరపకాయ్ తో సూపర్ హిట్ అందించాడు హరీష్ శంకర్. వీరి కలయికలో రాబోతున్న మూడవ సినిమా మిస్టర్ బచ్చన్ పై భారీ అంచనాలు ఉన్నాయి. ఈ చిత్రంతో సూపర్ హిట్ కొట్టడం ఖాయంగా కనిపిస్తోంది.

ప్రస్తుతం షూటింగ్ చివరి దశలో ఉన్న మిస్టర్ బచ్చన్ సినిమా విడుదల తేదీని అధికారికంగా ప్రకటించింది పీపుల్స్ మీడియా ఫ్యాక్టరీ. ఇండిపెండెన్స్ డే కానుకగా ఆగస్టు 15వ తేదీన ఈ సినిమాను థియేటర్లలోకి తీసుకురానున్నారు. వాస్తవానికి అక్టోబర్‌లో విడుదల కావాల్సి ఉండగా పుష్ప 2 చిత్రం విడుదల వాయిదా పడిన నేపథ్యంలో మిస్టర్‌ బచ్చన్‌ను పుష్ప డేట్ కు తీసుకువస్తున్నారు. అదే రోజు డబుల్ ఇస్మార్ట్, తంగలాన్ సినిమాలతో పోటీ పడనున్నాడు మిస్టర్ బచ్చన్. ఈ చిత్ర థియేట్రికల్ రైట్స్ భారీ ధరకు అమ్ముడయ్యాయి.

కాగా ఈ చిత్ర ట్రైలర్ డేట్ ను అధికారకంగా ప్రకటించింది నిర్మాణ సంస్థ. ఈ చిత్ర టీజర్ 28 అనగా రేపు విడుదల చేయబోతున్నట్టు పోస్టర్ రిలీజ్ చేసింది పీపుల్స్ మీడియా ఫ్యాక్టరీ. ఈ చిత్రం నుండి ఇదివరకే విడుదలైన ఫస్ట్ గ్లిమ్స్, సితార్ అంటూ వచ్చిన ఫస్ట్ సింగిల్ విశేషంగా ఆకట్టుకుంది. దాదాపు 90కోట్ల రూపాయల బడ్జెట్ లోరానున్న ఈ చిత్రానికి మిక్కీ జె మేయర్ సంగీతం అందిస్తుండగా వివేక్ కూచిబొట్ల, టీజీ విశ్వప్రసాద్ సంయుక్తంగా నిర్మిస్తున్నారు.

 

Also Read: MrBachchan; MrBachchan: విడుదలకు ముందే స్పెషల్ ప్రీమియర్స్ తో సందడి చేయనున్న బచ్చన్