Dhanush: రికార్డులు బద్దలుకొట్టడంలో ఈ ‘సార్’ కు పోటీనే లేరు

Dhanush:కోలీవుడ్ స్టార్ హీరో ధనుష్ గురించి ప్రత్యేకంగా చెప్పాల్సిన అవసరం లేదు. ధనుష్ ఎక్కడ అడుగుపెడితే అక్కడ రికార్డులు సృష్టిస్తాడు. ఇక ఈ మధ్యనే తెలుగులో సార్ సినిమాతో డైరెక్ట్ గా ఎంట్రీ ఇచ్చాడు. వెంకీ అట్లూరి దర్శకత్వంలో తెరకెక్కిన ఈ సినిమా భారీ విజయాన్ని అందుకుంది. మహాశివరాత్రి కానుకగా ఫిబ్రవరి 17వ తేదీన విడుదలైన ఈ సినిమా రికార్డ్ కలక్షన్స్ రాబట్టి ధనుష్ రేంజ్ ను చూపిస్తోంది. ధనుష్ కెరీర్ లోని బిగ్గెస్ట్ ఓపెనింగ్స్ సాధించిన చిత్రంగా సార్ నిలవడమే కాదు వంద కోట్ల క్లబ్ లో ఎంట్రీ సాధించింది. ఇక ఈ రికార్డ్ ధనుష్ కు కొత్తేమి కాదు.

Anika Vijay Vikraman: ప్రియుడి చేతిలో చావు దెబ్బలు తిన్న హీరోయిన్

గతేడాది తిరుచిత్రంబళం సినిమాతో వంద కోట్ల క్లబ్ లో చేరాడు. అంతకు ముందు అసురన్ సినిమాతో వంద కోట్ల క్లబ్ లో చేరాడు.. ఇక ఇప్పుడు సార్ తో ఆ కౌంట్ 3కు చేరుకుంది. విద్యాసంస్థల మీద పోరాటం.. సంగీతంతో పాటు సార్ కు పోటీగా ఇంకే పెద్ద సినిమాలు లేకపోవడం ధనుష్ కు బాగా కలిసి వచ్చింది. ఇప్పటికీ సార్ మంచి కలక్షన్స్ ను అందుకొంటుంది. మరి ముందు ముందు ఈ సినిమా ఇంకెన్ని రికార్డులను సొంతం చేసుకుంటుందో చూడాలి . ఇకపోతే ప్రస్తుతం ధనుష్ కెప్టెన్ మిల్లర్ సినిమాతో పాటు మరో రెండు సినిమాల్లో నటిస్తున్నాడు. మరి ఈ సినిమాలతో ధనుష్ ఎలాంటి రికార్డులు బద్దలు కొడతాడో చూడాలి.