NZ vs IND 1st Test: నికోల్స్ సెంచరీ, ఫిలిప్స్ విధ్వంసం.. 70కే 5 వికెట్స్ కోల్పోయినా కివీస్దే పైచేయి!
- Follow Us :
-
-
Add as a preferred
source on google
IND vs NZ 1st Test Day 1 Highlights: వెల్లింగ్టన్లోని బేసిన్ రిజర్వ్ వేదికగా భారత్, న్యూజిలాండ్ మధ్య జరుగుతున్న తొలి టెస్టు మ్యాచ్లో మొదటి రోజు ఆట ముగిసింది. ఆట ముగిసే సమయానికి న్యూజిలాండ్ 82 ఓవర్లలో 5 వికెట్ల నష్టానికి 243 పరుగులు చేసింది. క్రీజులో హెన్రీ నికోల్స్ (113), గ్లెన్ ఫిలిప్స్ (94) ఉన్నారు. వీరిద్దరూ ఆరో వికెట్కు ఏకంగా 173 పరుగుల భారీ భాగస్వామ్యాన్ని నెలకొల్పారు. 70కే 5 వికెట్స్ కోల్పోయినా.. నికోల్స్ సెంచరీ, ఫిలిప్స్ విధ్వంసంతో మొదటి రోజులో కివీస్దే పైచేయిగా నిలిచింది. భారత బౌలర్లలో జస్ప్రీత్ బుమ్రా మూడు వికెట్లు పడగొట్టాడు.
తొలి సెషన్లో నాలుగు వికెట్లు తీసి భారత్ ఆధిపత్యం ప్రదర్శించింది. ఓపెనర్ టామ్ లేథమ్ (0), డెవాన్ కాన్వే (4), డారిల్ మిచెల్ (1), టామ్ బ్లండెల్ (5), రచిన్ రవీంద్ర (15) నిరాశపరిచారు. 70 పరుగులకే ఐదు వికెట్లు కోల్పోవడంతో.. 100-150 పరుగులకే కివీస్ ఆలౌట్ అవుతుందని అందరూ అనుకున్నారు. ఈ సమయంలో నికోల్స్, ఫిలిప్స్ అద్భుతంగా ఆడారు. భారత బౌలర్లను సమర్థంగా ఎదుర్కొంటూ వికెట్ పడకుండా జాగ్రత్తపడ్డారు. కెప్టెన్ శుభ్మన్ గిల్ బౌలర్లను మార్చి ప్రయత్నించినప్పటికీ.. ఫలితం లేకపోయింది. నికోల్స్, ఫిలిప్స్ జోడి భారీ భాగస్వామ్యంతో జట్టును కష్టాల నుంచి గట్టెక్కించడమే కాకుండా.. మెరుగైన స్కోరు దిశగా నడిపించారు.
Also Read
- World Cup Final 2023: నవంబర్ 19.. భారత క్రికెట్ అభిమానులు ఎప్పటికీ మర్చిపోలేని చేదు జ్ఞాపకం..
- MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
- Mohamed Siraj Dropped: సిరాజ్ను అందుకే పక్కన పెట్టాం?.. అసలు విషయం చెప్పిన కెప్టెన్ గిల్!
- Jasprit Bumrah Bowling: బుమ్రా మ్యాజిక్ బాల్.. నోరెళ్లబెట్టిన కివీస్ కెప్టెన్.. వీడియో చూడాల్సిందే!
ఈ క్రమంలో నికోల్స్ అద్భుత సెంచరీతో ఆకట్టుకున్నాడు. 188 బంతుల్లో మూడంకెల స్కోరును అందుకున్నాడు. వెల్లింగ్టన్లో 15 ఇన్నింగ్స్ల్లో అతడికిది ఐదో సెంచరీ కాగా.. అంతర్జాతీయ టెస్టు కెరీర్లో 12వ శతకం. ఫిలిప్స్ కూడా దూకుడుగా ఆడుతూ సెంచరీకి చేరువయ్యాడు. దీంతో తొలి రోజు ఆట ముగిసే సమయానికి న్యూజిలాండ్ పటిష్ఠ స్థితిలో నిలిచింది. రెండో రోజు భారత బౌలర్లు ఈ భాగస్వామ్యాన్ని ఎంత త్వరగా విడదీస్తారన్నది ఆసక్తికరంగా మారింది. భారత బౌలర్లలో జస్ప్రీత్ బుమ్రా మూడు వికెట్లు పడగొట్టగా.. అన్షుల్ కాంబోజ్, ఆకాశ్ దీప్ చెరో వికెట్ తీశారు.
తొలి సెషన్లో చెలరేగిన భారత బౌలర్లు.. ఆ తర్వాతి రెండు సెషన్లలో తేలిపోయారు. నికోల్స్, ఫిలిప్స్ జోడిని విడదీయడానికి ఎంత ప్రయత్నించినా కుదరలేదు. ప్రమాదకరంగా మారిన ఈ జోడీని విడదీసే అవకాశాన్ని భారత్ చేజార్చుకుంది. ప్రసిద్ధ్ కృష్ణ వేసిన 73.3వ ఓవర్లో షార్ట్ పిచ్ బంతిని నికోల్స్ ఆడాడు. అయితే బ్యాక్వర్డ్ స్క్వేర్ లెగ్లో ఉన్న ఫీల్డర్ దేవదత్ పడిక్కల్, వికెట్ కీపర్ రిషభ్ పంత్ మధ్య సమన్వయం లేకపోవడంతో క్యాచ్ జారిపోయింది. ఈ అవకాశాన్ని సద్వినియోగం చేసుకున్న నికోల్స్ మరింత ధాటిగా బ్యాటింగ్ కొనసాగించాడు. మొత్తంగా తొలి రోజు ఆటలో న్యూజిలాండ్ పైచేయి సాధించింది.
తాజావార్తలు
-
NZ vs IND 1st Test: నికోల్స్ సెంచరీ, ఫిలిప్స్ విధ్వంసం.. 70కే 5 వికెట్స్ కోల్పోయినా కివీస్దే పైచేయి!
-
Marriages: “పెళ్లి వద్దు.. సింగిల్ లైఫే బెటర్”.. యువత పెళ్లికి ఎందుకు దూరంగా ఉంటోంది? 4 ప్రధాన కారణాలివే..
-
Trump-Putin-Xi Jinping Meeting: యాల్టా 2.0 అంటే ఏమిటి? ట్రంప్, పుతిన్, జిన్పింగ్ సమావేశం వెనుక అసలు కథ ఇదే!
-
World Cup Final 2023: నవంబర్ 19.. భారత క్రికెట్ అభిమానులు ఎప్పటికీ మర్చిపోలేని చేదు జ్ఞాపకం..
-
Tandoori Roti Recipe: ఇంట్లోనే కరకరలాడే తందూరీ రోటీ.. ప్రెషర్ కుక్కర్లోనే సింపుల్గా హోటల్ స్టైల్ తందూరీ రోటీ..!
ట్రెండింగ్
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!
-
38 గంటల బ్యాటరీ బ్యాకప్, IP57 రేటింగ్, 11mm డ్రైవర్లతో Xiaomi Clip Earbuds లాంచ్..!