టాలీవుడ్ పై ధనుష్ ఫోకస్

తమిళ నటుడు ధనుష్ తెలుగులోనూ బిజీ అవుతున్నాడు. తమిళంలో అగ్రహీరోగా చెలామణిలో ఉన్న ధనుష్‌ బాలీవుడ్ తో పాటు హాలీవుడ్ లోనూ సినిమాలు చేశాడు. తాజాగా టాలీవుడ్ ఎంట్రీ కూడా ఇచ్చాడు. శేఖర్ కమ్ముల దర్శకత్వంలో ఎల్ఎల్ఎల్ పి వెంకటేశ్వర సినిమాస్ పతాంకై ఈ చిత్రం నిర్మితం కానుంది. ఇదిలా ఉంటే ధనుష్ టాలీవుడ్ పై పూర్తి స్థాయిలో ఫోకస్ పెట్టబోతున్నాడట. వెంకీ అట్లూరి దర్శకత్వంలో సితార ఎంటర్ టైన్ మెంట్స్ నిర్మించే సినిమా, అజయ్ భూపతితో మైత్రీ మూవీ మేకర్స్ నిర్మించే సినిమాతో పాటు డివివి దానయ్య రూపొందించబోయే సినిమాలలో నటించబోతున్నాడట. స్క్రిప్ట్ లను బట్టి ఈ సినిమాలో ఏది ముందు ఏది వెనక అనేది తేలనుంది. సో ధనుష్‌ ఫోకస్ టాలీవుడ్ పై పడినట్లే. ఈ సినిమాలు సక్సెస్ బాట పడితే కోలీవుడ్ వదిలేసి టాలీవుడ్ లోనే సినిమాలు చేస్తాడేమో!?