మెగాస్టార్ చిరంజీవి ప్రస్తుతం నటిస్తున్న వరుస చిత్రాల్లో ‘విశ్వంభర’ ఒకటి. ‘బింబిసార’ ఫేం డైరెక్టర్ వశిష్ట తెరకెక్కిస్తున్న ఈ సినిమాలో చిరు సరసన త్రిష నటిస్తోంది. యూవీ క్రియేషన్స్ భారీ ఎత్తున నిర్మిస్తోన్న ఈ మూవీ, ఇప్పటికే ప్రేక్షకుల ముందుకు రావాల్సి ఉన్నటికి షూటింగ్ ఇతర టెక్నికల్ ఇష్యూస్ కారణంగా వాయిదా పడుతూ వస్తుంది. దీంతో ఓ సాలిడ్ అప్డేట్ కోసం అయితే అభిమానులు ఎదురుచూస్తున్నారు. ఈ క్రమంలో తాజాగా ఈ సినిమా పై ఓ ఇంట్రెస్టింగ్ న్యూస్ వైరల్ అవుతుంది.
Also Read:Payal Rajput : ఇండస్ట్రీలో నెపోటిజం రాజ్యం ఏలుతుంది..
ఏంటంటే ఈ సినిమా కోసం చిరు సింగర్‌గా మారబోతున్నారట. ఇప్పటికే పలువురు స్టార్ హీరోలు తమ సినిమాల కోసం పాటలు పాడిన విషయం తెలిసిందే. చిరంజీవి కూడా గతంలో తన సినిమాల కోసం పాటలు పాడారు. అలాగే పాటలతో పాటుగా పాట మధ్యలో కొన్ని కొన్ని డైలాగ్స్ తో మాట సాయం అందించిన సినిమాలు కూడా చాలానే ఉన్నాయి. అయితే ఇప్పుడు ‘విశ్వంభర’ కోసం చిరంజీవి మరోసారి తాను ఈ స్టెప్ తీసుకున్నట్టుగా రూమర్లు వినిపిస్తున్నాయి. దీని గురించి అధికారికంగా ప్రకటన రావాల్సి ఉంది. ఇక ఎం ఎం కీరవాణి సంగీతం అందిస్తున్న ఈ చిత్రం రిలీజ్ డేట్ పై ఇప్పటికీ ఎలాంటి క్లారిటీ రాలేదు. మొన్నటి వరకు ఈ సమ్మర్ లో ప్రేక్షకుల ముందుకు వస్తుందని అన్నారు. కానీ ఇప్పుడు చిరంజీవి పుట్టినరోజు కానుకగా ఆగస్టులో ఈ సినిమాను రిలీజ్ చేస్తారని వార్తలు వినిపిస్తున్నాయి. మరి వాటన్నిటిపై చిత్ర యూనిట్ ఎలాంటి క్లారిటీ ఇస్తుందో చూడాలి.
