‘విక్రమ్ వేద’ హిందీ రీమేక్ ఫస్ట్ షెడ్యూల్ పూర్తి!

నాలుగేళ్ళ క్రితం తమిళంలో రూపుదిద్దుకుని, కల్ట్ క్లాసిక్ గా పేరు తెచ్చుకున్న ‘విక్రమ వేద’ మూవీ ఇప్పుడు హిందీలో రీమేక్ అవుతోంది. తమిళంలో మాధవన్, విజయ్ సేతుపతి టైటిల్ రోల్ పోషించిన ఈ మూవీ హిందీ వెర్షన్ లో హృతిక్ రోషన్, సైఫ్ అలీఖాన్ నటిస్తున్నారు. మాతృకను తెరకెక్కించిన పుష్కర్, గాయత్రి ద్వయం హిందీ రీమేక్ నూ డైరెక్ట్ చేస్తోంది. ఇటీవలే ఈ మూవీ తొలి షెడ్యూల్ ను అబు దబీ లో పూర్తిచేశారు. అక్కడ దాదాపు 27 రోజుల పాటు కీలక సన్నివేశాలను చిత్రీకరించారు. రెండో షెడ్యూల్ ను సైఫ్ అలీఖాన్ పై లక్నోలో ప్రారంభిస్తారు. ఈ మూవీని టీ సీరిస్, రిలయన్స్ ఎంటర్ టైన్ మెంట్, ఫ్రైడే ఫిల్మ్ వర్క్స్ తో కలిసి వైనాట్ స్టూడియోస్ కు చెందిన ఎస్. శశికాంత్ నిర్మిస్తున్నాడు. అన్నీ అనుకున్నట్టు జరిగితే, హిందీ ‘విక్రమ్ వేద’ వచ్చే యేడాది సెప్టెంబర్ 30న విడుదలవుతుంది. ఈ చిత్రంలో రాధికా ఆప్టే ఓ కీలక పాత్రను పోషిస్తుండటం విశేషం.