Adarsha Kutumbam: వెంకీ – త్రివిక్రమ్ సినిమాలో వెంకటేశ్ పాత సాంగ్ రీమిక్స్..?

విక్టరీ వెంకటేశ్, మాటల మాంత్రికుడు త్రివిక్రమ్ శ్రీనివాస్ కాంబినేషన్‌లో క్రేజీ ఫ్యామిలీ యాక్షన్ ఎంటర్‌టైనర్‌గా తెరకెక్కుతున్న చిత్రం ‘ఆదర్శకుటుంబం’ (Adarsha Kutumbam). ‘నువ్వు నాకు నచ్చావ్’, ‘మల్లీశ్వరి’ వంటి ఎవర్‌గ్రీన్ క్లాసిక్స్‌కు రచయితగా పనిచేసిన త్రివిక్రమ్.. చాలా ఏళ్ల తర్వాత వెంకీని డైరెక్ట్ చేస్తుండటంతో ఈ సినిమాపై అంచనాలు ఆకాశాన్ని తాకుతున్నాయి. తాజాగా ఈ చిత్రం నుండి వెంకీ ఫ్యాన్స్‌కు పూనకాలు తెప్పించే ఒక క్రేజీ మ్యూజికల్ అప్‌డేట్ ఫిలిం సర్కిల్స్‌లో తెగ హల్‌చల్ చేస్తోంది.

ఇండస్ట్రీ ఇన్‌సైడ్ టాక్ ప్రకారం..ఈ సినిమాలో వెంకటేశ్ కెరీర్‌లోని ఒక బ్లాక్‌బస్టర్ వింటేజ్ ఓల్డ్ సాంగ్‌ను రీమిక్స్ (Remix Song) చేయబోతున్నారట. గతంలో వెంకీ నటించిన ఒక పాపులర్ సినిమాలోని ఎనర్జిటిక్ సాంగ్‌ను ప్రస్తుత ట్రెండ్‌కు తగ్గట్టుగా సరికొత్తగా కంపోజ్ చేయిస్తున్నట్లు సమాచారం. ఈ రీమిక్స్ సాంగ్‌లో వెంకటేశ్ తన మార్క్ సిగ్నేచర్ స్టెప్స్‌తో వింటేజ్ లుక్‌లో కనిపించి అలరించనున్నారని టాక్. త్రివిక్రమ్ సినిమాల్లో సాంగ్స్ విజువలైజేషన్ చాలా రిచ్‌గా ఉంటుంది కాబట్టి, ఈ రీమిక్స్ ఎపిసోడ్ థియేటర్లలో ఫ్యాన్స్‌కు పుణకాలు తెప్పించడం ఖాయం. టాలీవుడ్‌లో ఇప్పటికే రామ్ చరణ్ ‘పెద్ది’, అల్లు అర్జున్ ‘రాకా’ వంటి భారీ యాక్షన్ చిత్రాలు లైన్లో ఉన్నప్పటికీ.. ప్రాపర్ ఫ్యామిలీ వినోదం, ఫుల్ లెంగ్త్ కామెడీ సీక్వెన్స్‌లతో వస్తున్న ‘ఆదర్శకుటుంబం’ బాక్సాఫీస్ వద్ద సరికొత్త రికార్డులు సృష్టిస్తుందని ట్రేడ్ వర్గాలు అంచనా వేస్తున్నాయి.